Wb/nia/Hezekieli/29
I. Fama'ele'ö fa'atekiko danö Miserayi: öfa wulu fakhe tanö si mate ia[edit | edit source]
1 Ba ba ndröfi si fulu, ba zi mewelendrua ba mbaŵa si fulu, ba so niŵa'ö Yehowa khögu,[1] imane: 2 He ono niha, otahögu Wara'o andrö, razo Miserayi, ba ama'ele'ö nitandrösaigö khönia ba ba danö Miserayi, ma'asagörö. 3 Hede, ömane: Da'ö niŵa'ö Zo'aya, Yehowa: Hiza, ulau khöu, ya'ugö Fara'o, razo Miserayi bu'aya sebua, si so ba dalu nidanö andrö khönia, sanguma'ö: Khögu Nilo, no ya'o zamazökhi![2] 4 Ulau sa'ae gai ba zimbimö, ba falemba ba hunahunamö gi'a, ba nidanö andrö khöu, ube'e, ba udöni'ö yaŵa, moroi ba dalu nidanö andrö khöu, fabaya i'a fefu, ba nidanö khöu, si no falemba ba hunahunamö. 5 Ba utibo'ö ndra'ugö ba danö si mate, ya'ugö ba i'a andrö fefu, ba nidanö andrö khöu; ba mbenua aekhu tou ndra'ugö, ba lö'ö sa'ae lahalö'ö ba lö lako'o ba danö ndra'ugö: ö gutu ndru'u ba ö wofo ba dalu mbanua ube'e ndra'ugö. 6 Ba ya aboto ba dödö Ndrawa Miserayi fefu, wa no ya'odo Yehowa. Me no si'o sukhu ndra'ugö ba ma'uwu Gizeraeli —[3] 7 na latuyu ndra'ugö, ba afatö'ö, ba oi mesokho dangara öbe'e, ba na labe'e tendrotendrora ndra'ugö, ba tefatö'ö, ba oi mangiwa zolara öbe'e! — 8 Andrö wa imane So'aya, Yehowa: Hiza, ufatörö khöu zi'öli: ba uhori ba khömö niha, fabaya urifö. 9 Ba tanö si mate ba si lö nihaniha dania danö Miserayi, ena'ö aboto ba dödöra, wa no ya'odo Yehowa. Me no öŵa'ö: "Khögu Nilo, no ya'o zamazökhi!" 10 Ba andrö, ba hiza, ulau khöu ba ba nidanö andrö khöu, ba ubali'ö si lö nihaniha ba tanö si mate danö Miserayi, i'otarai Migidola, numalö ba Ziene, ba ba nola Khusi.[4] 11 Lö'ö sa'ae itörö ahe niha, ba he ahe zaliŵa-liŵa ba danö: si lö niha ia, 40 fakhe wa'ara. 12 Ubali'ö tanö si mate danö Miserayi, bakha ba dalu danö bö'ö, si no mufufu, ba banuara, ba adudula, bakha ba hunö mbanua bö'ö, si no adudu göi, 40 fakhe wa'ara; ba Dawa Miserayi, ba ufazaewe ba niha baero, ba danö bö'ö misa ufazawili ira.
II. Fanga'azökhi dania ba tenga si mane föna[edit | edit source]
13 Imane sa So'aya, Yehowa: Na no irugi 40 wulu fakhe dania, ba ufuli u'ozaragö Ndrawa Miserayi, ba niha baero misa, ba nifazaewe ya'ira. 14 Ba u'ohe mangawuli Ndrawa Miserayi, ni'oloi'ö mege, ba danö Wataro, ba danö mbörötara u'ohe ira; ba soi side-ide dania ira ba da'ö. 15 Ide'ide ira, moroi ba soi niha bö'ö, ba lö'ö sa'ae fayaŵa ira, ba niha baero, ba lö ato ira ube'e, fa tebai sa'ae ya'ira zamatörö niha bö'ö. 16 Ba tenga sa'ae tötönafö ma'uwu Gizeraeli zangadugö ya'ira, ba lalöra andrö, na la'olembai ira; ba aboto ba dödöra, wa no ya'odo Yehowa, So'aya.[5]
III. Khö razo Nebukanesa dania ia[edit | edit source]
17 Ba ndrofi si 27, ba zi sambua desa'a ba mbaŵa si föföna, ba humede khögu Yehowa, imane: He ono niha! 18 No halöŵö safökhö lahalö sabölö andrö khö Nebukanesa ba Diro andrö, ibe'e Nebukanesa, razo Mbabeli: no ahori adeha mbu högö, ba alisi fefu, ba no azaza; ba lö nitemara böli gölöra, ba Diro andrö, ba halöŵöra, nihalöra ba khöra, he ya'ia ba he sabölö andrö khönia. 19 Andrö wa imane So'aya, Yehowa: Hiza, ube'e bualagu khö Nebukanesa, razo Mbabeli, danö Miserayi andrö, ena'ö i'oloi'ö gana'ara, ba ena'ö irabu ba ibo'ai zi so: da'ö mböli gölö zabölö andrö khönia dania. 20 Luora ba halöŵö andrö nihalöra ube'e danö Miserayi, me no mohalöŵö ira khögu, iŵa'ö So'aya, Yehowa. 21 Ba na luo da'ö, ba ufatumbu'ö dandru ba ma'uwu Gizeraeli, ba ya'ugö, ba utolo, fa lö ata'u'ö muhede ba khöra, ena'ö aboto ba dödöra, wa no ya'odo Yehowa.[6]
Famotokhi ba gahe[edit | edit source]
Fabaliŵa lala[edit source]
Olayama Hezekieli: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40 • 41 • 42 • 43 • 44 • 45 • 46 • 47 • 48
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö