Wp/mag/दरभङ्गा जिला

दरभङ्गा मण्डल 𑒠𑒩𑒱𑒦𑒓𑓂𑒑𑒰 𑒖𑒱𑒪𑒰code: mai is deprecated दरभङ्गा जिला
बिहारके जिला
ललित नारायण मिथिला विश्वविद्यालय, दरभङ्गा
बिहारमे दरभङ्गा जिलाके स्थिति
देश	भारत
राज्य	बिहार
क्षेत्र	मिथिला
प्रमण्डल	दरभङ्गा
मुख्यालय	दरभङ्गा
सरकार
• लोकसभा निर्वाचन क्षेत्र	दरभङ्गा
• सांसद्, लोकसभा	गोपाल जी ठाकुर, भाजपा
• जिला अधिकारी	श्री राजीव रौशन (आइएएस)
• वरिष्ठ पुलिस अधीक्षक	श्री अवकाश कुमार (आइपीएस)
• विधानसभा क्षेत्र	कुशेश्वर अस्थान, गौरा बौरम, बेनीपुर, अलीनगर, दरभङ्गा ग्रामीण, दरभङ्गा, हायाघाट, बहादुरपुर, केवटी, जाले
क्षेत्रफल
• कुल	2,279 किमी2 (880 वर्ग मील)
जनसङ्ख्या  (2011)
• कुल	३९,३७,३८५
• घनत्व	1,728/किमी2 (4,475/मील2 )
• नगरी	८.७ प्रतिशत
जनसाङ्ख्यिकी
• साक्षरता	५६.५६ प्रतिशत
• लिङ्गानुपात	१०२४
समयमण्डल	युटिसि+०५:३० (भामास)
मुख्य राजमार्ग	रा रा २७, रा रा ५२७बी
जालस्थल	darbhanga.bih.nic.in

दरभङ्गा जिला (मैथिली: 𑒠𑒩𑒱𑒦𑒓𑓂𑒑𑒰 𑒖𑒱𑒪𑒰code: mai is deprecated , दरिभङ्गा जिला) भारतके बिहार राज्यके एगो जिला हे । एकर मुख्यालय दरभङ्गा हे ।

विवरण

उत्तरबिहारे दरभङ्गा प्रमण्डल अन्तर्गत दरभङ्गा एक जिला हे । दरभङ्गाके मिथिलाके रजधानियो कहल जा हे । जिला एवं प्रमण्डलके मुख्यालय दरभङ्गे नगर हे । मानल जा हे कि दरभङ्गा शब्द फारसीभाषाके दर-ए-बङ्ग मने "बङ्गालके द्वार" के मैथिलीमे ढेर वर्षतक चलेवाला स्थानीयकरणके परिणाम हे । वर्ष १८७५ मे तिरहुतसे अलगे करके दरभङ्गाके जिला बनावल गेलै हल । मिथिला क्षेत्रके ई जिला अपन प्राचीन संस्कृति आउ बौद्धिक परम्पराला विख्यात रहलै हे । मिथिला संस्कृतिके केन्द्र रहल ई जिला आम, मखाना मछली एवं मिथिला चित्रकलोला प्रसिद्ध हे ।

दरभङ्गा जिलाके गठन १ जनवरी १८७५ के भेलै । एकर उत्तरमे मधुबनी जिला, दक्षिणमे समस्तीपुर जिला, पूरुबमे सहरसा जिला एवं पश्चिममे सीतामढ़ी आउ मुजफ्फरपुर जिला हे । ई जिलाके भौगौलिक क्षेत्रफल २२७९.२९ वर्ग किलोमीटर हे । वर्तमानमे ई जिला तीन अनुमण्डलके अन्तर्गत १८ प्रखण्ड/अञ्चलमे बँटल हे ।

इतिहास

वैदिक स्रोतके अनुसार आर्यके विदेह शाखा अग्निके संरक्षणमे सरस्वती तटसे पूरुबमे सदानीरा (गण्डक) दन्ने कूच कैलक आउ विदेह राज्यके स्थापना कैलक । विदेहके राजा 'मिथि' के नाम पर ई प्रदेश मिथिला कहलाए लगलै । रामायणकालमे मिथिलाके एक राजा जे जनक कहला हलथिन, उनकर पुत्री सीतासे रामके बियाह भेलै । विदेह राज्यके अन्त होवेपर ई प्रदेश वैशाली गणराज्यके अङ्ग बनलै । एकर पश्चात् ई मगधके मौर्य, शुङ्ग, कण्व आउ गुप्त शासकके महान् साम्राज्यके भाग रहलै । १३मा शताब्दीमे पश्चिमबङ्गालके मुसलमान शासक हाजी शम्सुद्दीन इलियासके समय मिथिला एवं तिरहुत क्षेत्रके बँटवारा हो गेलै । उत्तरी भाग जेकर अन्तर्गत मधुबनी, दरभङ्गा एवं समस्तीपुरके उत्तरी भाग आवहलै, सुगौनाके ओइनवार राजा कामेश्वर सिंहके अधीन रहलै । ओइनवार राजाके कला, संस्कृति आउ साहित्यके बढ़ावा देवेला जानल जा हे । कुमारिल भट्ट, मण्डन मिश्र, गदाधर पण्डित, शङ्कर, वाचास्पति मिश्र, विद्यापति, नागार्जुन आदि महान् विद्वानके लेखनसे ई क्षेत्र प्रसिद्धि पैलकै । ओइनवार राजा शिवसिंहके पिता देवसिंह लहेरियासरायके पास देवकुलीके स्थापना कैलथिन हल । शिवसिंहके बाद हियाँ पद्मसिंह, हरिसिंह, नरसिंहदेव, धीरसिंह, भैरवसिंह, रामभद्र, लक्ष्मीनाथ, कामसनारायण राजा होलथिन । शिवसिंह आउ भैरवसिंह द्वारा जारी कैल गेल सोना एवं चान्दीके सिक्का एहाँके इतिहास ज्ञानके बेस स्रोत हे ।

दरभङ्गा नगर १६मा शताब्दीमे दरभङ्गा राजके राजधानी हलै । १८४५ ईस्वीमे ब्रिटिश सरकार दरभङ्गा सदरके अनुमण्डल बनौलकै आउ १८६४ ईस्वीमे दरभङ्गा नगर नगरनिकाय बन गेलै । १८७५ मे स्वतन्त्र जिला बनेतक ई तिरहुत सङ्गे हलै । १९०८ मे तिरहुतके प्रमण्डल बनेपर एकरा पटना प्रमण्डलसे हटाके तिरहुतमे सम्मिलित कर लेल गेलै । भारतके स्वतन्त्रताके पश्चात् १९७२ मे दरभङ्गाके प्रमण्डलके दर्जा देके मधुबनी एवं समस्तीपुरके एकर अन्तर्गत रखल गेलै ।

सम्बन्धित लेख

• बिहारके जिला
• भारतके जिला
• दरभङ्गा
• बिहार