Wp/mag/मौर्य साम्राज्य

मौर्य साम्राज्य मौर्य राजवंश
ल. 322 ई.पू–ल. 185 ई.पू
मौर्य साम्राज्य अपन चरमोत्कर्ष के समय, जैसन कि अशोक के अभिलेख के स्थान से दिखावल गेलै हे
राजधानी	पाटलिपुत्र (वर्तमान समय के पटना, बिहार)
प्रचलितभाषा	संस्कृत मागधी प्राकृत
धर्म	हिन्दु धर्म बौद्ध धर्म जैन धर्म आजीविक
सरकार	चाणक्य के अर्थशास्त्र आउ राजमण्डल में वर्णित राजतंत्र
सम्राट
• ३२२–२९८ ई.पू	चन्द्रगुप्त मौर्य
• २९८–२७२ ई.पू	बिन्दुसार
• २६८–२३२ ई.पू	अशोक
• २३२–२२४ ई.पू	दशरथ मौर्य
• २२४–२१५ ई.पू	सम्प्रति
• २१५–२०२ ई.पू	शालिशुक
• २०२–१९५ ई.पू	देववर्मन
• १९५–१८७ ई.पू	शतधन्वा
• १८७–१८५ ई.पू	बृहद्रथ
ऐतिहासिक युग	लौहयुग
• नन्द साम्राज्य पर विजय	ल. 322 ई.पू
• पुष्यमित्र सुंग द्वारा बृहद्रथ के हत्या	ल. 185 ई.पू
क्षेत्रफल
• कुल	(भारत में पहला)
२६१ ई.पू
२५० ई.पू
जनसङ्ख्या
• २६१ ई.पू	५ करोड़
मुद्रा	पण
पूर्ववर्ती परवर्ती महाजनपद नंद वंश सेल्युकसी साम्राज्य कलिंग शुंग राजवंश सातवाहन महामेघवाहन वंश शक
अखनि जे देशके भाग हे	भारत बांग्लादेश पाकिस्तान नेपाल अफगानिस्तान

मौर्य राजवंश या मौर्य साम्राज्य (लगभग ३२२–१८५ ई.पू), प्राचीनभारत के एगो शक्तिशाली राजवंश हलै । मौर्य राजवंश १३७ वर्ष भारत मे राज्य केलकै । एकर स्थापना के श्रेय चन्द्रगुप्त मौर्य आउ उनकर मन्त्री चाणक्य के देल जा है । ई साम्राज्य पूर्व मे मगध राज्य मे गंगा नदी के मैदान (आज के बिहार एवं बंगाल) से शुरु हौलै । एकर राजधानी पाटलिपुत्र (आज के पटना शहर के पास) हलै ।

चन्द्रगुप्त मौर्य ३२२ ईसा पूर्व मे ई साम्राज्य के स्थापना केलकै आउ तेजी से पश्चिम दने अपन साम्राज्य के विस्तार केलकै। ऊ ढेर छोट-छोट क्षेत्रीय राज्य के आपसी मतभेद के फायदा उठेलकै जे सिकन्दर के आक्रमण के बाद पैदा हो गेलै हल। ३१६ ईसा पूर्व तक मौर्यवंश पूरा उत्तरी पश्चिमी भारत पर अधिकार कर लेलके हल। चक्रवर्ती सम्राट अशोक के राज्य में मौर्यवंश के वृहद स्तर पर विस्तार होलै । सम्राट अशोक के कारणे मौर्य साम्राज्य सबसे महान एवं शक्तिशाली बनकर विश्वभर में प्रसिद्ध होलै।

साम्राज्य विस्तार

323 ई.पू में चन्द्रगुप्त मौर्य अपने गुरु चाणक्य के सहायता से अन्तिम नंद शासक धनानन्द के 323 ई.पू मे युद्ध भूमि मे पराजित कर मौर्य वंश के 322 ई.पू मे नींव डालकै हल। ई साम्राज्य गणतन्त्र व्यवस्था पर राजतंत्र व्यवस्था के जीत हलै । ई कार्य में अर्थशास्त्र नामक पुस्तक द्वारा चाणक्य सहयोग केलकै । विष्णुगुप्त आउ कौटिल्य उनकर अन्य नाम है ।

सम्राट चन्द्रगुप्त मौर्य (ल. 322 – 298 ई.पू.)

मुख्य लेख: चन्द्रगुप्त मौर्य

चन्द्रगुप्त मौर्य के जन्म वंश के सम्बन्ध में जानकारी ब्राह्मण धर्मग्रन्थ, बौद्ध तथा जैन ग्रन्थ में मिलऽ है। विविध प्रमाण आउ आलोचनात्मक समीक्षा के बाद ई साबित है कि चन्द्रगुप्त के पिता चन्द्रवर्द्धन मोरिया हलै । ओकर पिप्पलिवन में जन्म होलै हल, धनानन्द उनका धोखा से हत्या कर देलकै । चन्द्रगुप्त मौर्य के पालन पोषण एक गोपालक द्वारा कैल गेलै । चन्द्रगुप्त मौर्य के गोपालक के रूपे में राजा-गुण होवे के पता चाणक्य कर लेलकै हल तथा ओकरा एक हजार में पण मे गोपालक से छुड़वैलके । तत्पश्‍चात्‌ तक्षशिला लाके सब विद्या में निपुण बनैलके। अध्ययन के दौराने सम्भवतः चन्द्रगुप्त सिकन्दर से मिललै हल। 323 ई. पू. में सिकन्दर के मृत्यु हो गेलै तथा उत्तरी सिन्धु घाटी में प्रमुख यूनानी क्षत्रप फिलिप द्वितीय की हत्या हो गेलै।

वंशावली

मौर्य शासक के सूची–

शासक		शासन (ईसा पूर्व)
सम्राट चन्द्रगुप्त मौर्य		322–297 ईसा पूर्व
सम्राट बिन्दुसार मौर्य		297–273 ईसा पूर्व
सम्राट अशोक महान		268–232 ईसा पूर्व
दशरथ मौर्य		232–224 ईसा पूर्व
सम्प्रति मौर्य		224–215 ईसा पूर्व
शालिसुक		215–202 ईसा पूर्व
देववर्मन मौर्य		202–195 ईसा पूर्व
शतधन्वन मौर्य		195–187 ईसा पूर्व
बृहद्रथ मौर्य		187–185 ईसा पूर्व

इहो देखी

• जनपद
• प्राचीनभारत
• गणसङ्घ
• मगध महाजनपद
• भारतके इतिहास
• भारतके राजवंश आउ सम्राटके सूची
• हिन्दु साम्राज्य आउ राजवंशके सूची
• भारतमे सबसे बड़ साम्राज्यके सूची