Wp/mag/हिन्दुधर्म
हिन्दुधरम (तत्सम: हिन्दुधर्म) एगो धर्म वा जीवनपद्धति हे जेकर अनुयायी अधिकान्शतः भारत, नेपाल आउ मारिशस मे बहुमतमे हे । एकर अतिरिक्त सूरीनाम, फिजी इत्यादि । एकरा बिश्वेके प्राचीनतम धर्म मानल जाहे । एकरा 'वैदिक सनातन वर्णाश्रम धर्मो' कहल जाहे जेकर अर्थ हे कि एकर उत्पत्ति मानवके उत्पत्तियो से पहिलेसे हे । बिद्वानलोग हिन्दुधर्मके भारतके बिभिन्न सन्स्कृति आउ परम्पराके सम्मिश्रण मानहथ जेकर कौनो सन्स्थापक न हे ।
ई धर्म अपन भीतरे कयगो अलग-अलग उपासना पद्धति, मत, सम्प्रदाय आउ दर्शन समेटले हे । अनुयायिके सङ्ख्याके आधारपर ई बिश्वके तीसरा सबसे बड़का धर्म हे । सङ्ख्याके आधारपर एकर अधिकतर उपासक भारतमे हथ आउ प्रतिशतके आधारपर नेपालमे हथ । हालाँकि एकरामे कई देवी-देवताके पूजा करल जाहे, किन्तु बास्तवमे ई एकेश्वरवादी धर्म हे ।
एकरा सनातनधर्म अथवा बैदिकधर्मो कहल जाहे । इण्डोनेसियामे ई धर्मके औपचारिक नाम "हिन्दु आगम" हे । हिन्दु खाली एगो धर्म या सम्प्रदाये न हे अपितु जीवन जीयेके एगो पद्धति हे ।
इतिहास
[edit | edit source]नामोत्पत्ति
[edit | edit source]भारतवर्षके प्राचीन ऋषि "हिन्दुस्थान" नाम देलथिन हल, जेकर अपभ्रंश "हिन्दुस्तान" है । बृहस्पति आगमके अनुसार:
- हिमालयात् समारभ्य यावत् इन्दु सरोवरम्।
- तं देवनिर्मितं देशं हिन्दुस्थानं प्रचक्षते॥
- अर्थात् हिमालयसे प्रारम्भ होके इन्दु सरोवर (हिन्द महासागर) तक ई देव निर्मित देश हिन्दुस्थान कहला है ।
अन्य मान्यताके अनुसार "हिन्दु" शब्द "सिन्धु" से बनल मानल जा है । संस्कृतमे सिन्धु शब्दके दु मुख्य अर्थ है - पहिला, सिन्धु नदी जे मानसरोवर भिजुन से निकलके लद्दाख आउ पाकिस्थानसे बहैत समुद्रमे मिलऽहै, दोसर - कौनो समुद्र या जलराशि । ऋग्वेदके नदीस्तुतिके अनुसार ऊ सात नदी हलै : सिन्धु, सरस्वती, वितस्ता (झेलम), शुतुद्रि (सतलुज), विपाशा (व्यास), परुषिणी (रावी) आउ अस्किनी (चेनाब)। एक अन्य विचारके अनुसार हिमालय के प्रथम अक्षर "हि" एवं इन्दुके अन्तिम अक्षर "न्दु", ई दुनो अक्षर के मिलाके शब्द बनलै "हिन्दु" आउ ई भू-भाग हिन्दुस्थान कहलैलै । हिन्दु शब्द तखनि धर्मके बजाय राष्ट्रियताके रूपमे प्रयुक्त होवऽ हलै । चूँकि ऊ समय भारतमे केवल वैदिकेधर्मके मानेवाला लोग हलथिन, बल्कि तखनी तक अन्य कौनो धर्मके उदय न होलै हल एहीसे "हिन्दु" शब्द सब भारतीयला प्रयुक्त होवऽहलै । भारतमे केवल वैदिक धर्मावलम्बी (हिन्दु) के बसेके कारण कालान्तरमे विदेशी ई शब्दके धर्मके सन्दर्भ मे प्रयोग करेला शुरु कर देलकै ।
आमतौर पर हिन्दु शब्दके अनेक विश्लेषक विदेशी द्वारा देल गेल शब्द मानकै हे । ई धारणा के अनुसार हिन्दु एक फारसी शब्द है । हिन्दुधर्म कु सनातन धर्म या वैदिक सनातन वर्णाश्रम धर्मो कहल जा है । ऋग्वेद मे सप्त सिन्धु के उल्लेख मिलऽहै - ऊ भूमि जने आर्य सबसे पहिले बसलै हल । भाषाविद के अनुसार हिन्द आर्यभाषा के "स्" ध्वनि (संस्कृत के व्यंजन "स्") ईरानीभाषाके "ह्" ध्वनिमे बदल जा है । एहीसे सप्त सिन्धु अवेस्तन भाषा (पारसी के धर्मभाषा) मे जाके हफ्त हिन्दु मे परिवर्तित हो गेलै (अवेस्ता: वेन्दीदाद, फर्गर्द 1.18) । एकर बाद ईरानी सिन्धु नदीके पूर्वमे रहेवालाके हिन्दु नाम देलकै । जखनी अरबसे मुस्लिम हमलावर भारतमे ऐलै, त ऊ भारतके मूल धर्मावलम्बी के हिन्दु कहेला शुरू कर देलकै । चारो वेदमे, पुराणमे, महाभारतमे, स्मृति सबमे ई धर्म के हिन्दुधर्म न कहकै हे, वैदिक सनातन वर्णाश्रम धर्म कहकै हे ।