Wp/mag/भागलपुर

भागलपुर 𑂦𑂰𑂏𑂪𑂣𑂳𑂩code: anp is deprecated चम्पा • चम्पापुरी
नगर
घण्टाघर विक्रमशिला सेतु महर्षि मेँहीँ आश्रम विक्रमशिला महाविहारके खण्डहर
उपनाम:  रेशम नगरी
भागलपुर बिहारमे भागलपुरके स्थिति भागलपुर बिहारमे भागलपुरके स्थिति
निर्देशाङ्क: 25°15′N 87°0′E
देस	भारत
राज्य	बिहार
मण्डल	भागलपुर
सरकार
• प्रकार	नगरनिगम
• अङ्ग	भागलपुर नगरनिगम
• महापौर	बसुन्धरा लाल (भाजपा)
• नगर आयुक्त	नितिन कुमार सिंह (आइएएस)
क्षेत्रफल
• कुल	218.28 किमी2 (84.28 वर्ग मील)
उन्नतांश	52 मी (171 फीट)
जनसङ्ख्या  (2011)
• कुल	४,१०,२१०
• घनत्व	1,879.3/किमी2 (4,867.3/मील2 )
वासिन्दा	भागलपुरी
भाषा
• आधिकारिक	हिन्दी
• अतिरिक्त आधिकारिक	उर्दू
• क्षेत्रीय	अङ्गिका
समयमण्डल	युटिसि+५:३० (भा मा स)
डाक सूचकाङ्क सङ्ख्या	812001-81XXXX
एसटिडि कोड	0641
वाहन पञ्जीकरण	BR-10
जालस्थल	bhagalpur.nic.in

भागलपुर (अङ्गिका: 𑂦𑂰𑂏𑂪𑂣𑂳𑂩code: anp is deprecated ) बिहार राज्यके एगो नगर हे । गङ्गाके तटे बसल ई एगो अत्यन्त प्राचीन नगर हे । पुराण आउ महाभारतमे ई क्षेत्रके अङ्ग प्रदेशके भाग मानल गेलहे । भागलपुरके निकटे स्थित चम्पानगर महान पराक्रमी शूरवीर कर्णके राजधानी मानल जाइत रहल हे । ई बिहारके मैदानीक्षेत्रके अन्तिम सिरा आउ झारखण्ड आउ बिहारके कैमूरके पहाड़ीके मिलन स्थल हे । भागलपुर रेशमके व्यापारला विश्वविख्यात रहल हे, तसर रेशमके उत्पादन अखनियो हियाँके ढेर परिबारके रोजी रोटीके श्रोत हे । बर्तमान समयमे भागलपुर हिन्दु मुसलमान दङ्गा आउ अपराधके चलते समाचारमे रहल हे । हियाँ एगो बिमानस्थलो हे जे अखनि चालू न हे । हियाँके निकटतम बिमानपत्तन गया आउ पटना हे । रेल आउ सड़कमार्गोसे ई नगर अच्छा तरह जुड़ल हे ।

प्राचीन कालके तीन प्रमुख विश्‍वविद्याल यथा तक्षशिला, नालन्‍दा आउ विक्रमशिलामे से एगो विश्‍वविद्यालय भागलपुरेमे हलै जेकरा हमनी विक्रमशिलाके नामसे जानहियै । पुराणमे वर्णित समुद्र मन्थनमे प्रयुक्‍त मथान अर्थात मन्दराचल आउ मथानीमे लपेटेला जे रस्सी प्रयोग कैल गेलैहल ऊ दूनो उपकरण हियेँ विद्यमान हे आउ आज एकर नाम तीर्थस्‍थ‍लके रूपमे हे बासुकीनाथ आउ मन्दर पर्वत ।

पवित्र गङ्गानदीके जाह्नवीके नामोसे जानल जाहे । जौन स्‍थाने गङ्गाके ई नाम देल गेलै ओकरा अजगैवी नाथ कहल जाहे ई तीर्थो भागलपुरेमे हे ।

भागलपुरके "रेशम नगरी" के रूपोमे जानल जाहे, काहेकि हियाँपर मुख्यरूपसे टूसर रेशमके सिल्क उत्पादन कैल जाहे ।

इतिहास

बीतल समये भागलपुर भारतके दस बेस नगरमे से एक हलै । आजके भागलपुर रेशम नगरीके रूपोमे जानल जा हे । एकर इतिहास बड़ी पुराना हे । भागलपुरके (ईसा पूर्व ५मा शताब्दी) चम्पावतीके नामसे जानल जा हलै । ई ओह काल हलै जखनि गङ्गाके मैदानी क्षेत्रमे भारतीय सम्राटके वर्चस्‍व बढ़ैत जाइत हलै । अङ्ग १६ महाजनपदमे से एक हलै जेकर राजधानी चम्पावती हलै । अङ्ग महाजनपदके पुराना समयमे मलिनी, चम्‍पापुरी, चम्‍पा मलिनी, कला मलिनी आदि आदि नामसे जानल जा हलै ।

अथर्ववेदे अङ्ग महाजनपदके अपवित्र मानल जा हे, जखनिकि कर्ण पर्वे अङ्गके एक ऐसन प्रदेशके रूपमे जानल जा हलै जन्ने पत्‍नी आउ लैकनके बेचल जा हलै । ओहैँ दोसरा दन्ने महाभारतमे अङ्ग (चम्‍पा) के एक तीर्थस्‍थलके रूपमे पेश कैल गेलै हे । ई ग्रन्थके अनुसार अङ्ग राजवंशके संस्‍थापक राजकुमार अङ्ग हलन । जखनिकि रामयाणके अनुसार ई ओह स्‍थान हे जन्ने कामदेव अपन अङ्गके काटलन हल ।

संस्कृति

भागलपुरमे समृद्ध संस्कृति आ परम्पराके एगो लम्बा विरासत है । प्राचीन नगर चम्पानगरी अपन रेशम उद्योग आ व्यापारला जानल जा है । ई नगर अपन त्योहार, कला, भोजन आ व्यापारमे समृद्ध है । ई क्षेत्रमे "आङ्गी" या "अङ्गिका" संस्कृतिके मानल जा है । ई बहुसांस्कृतिक समुदायोके घर है । अङ्ग, तत्पश्चात बङ्गाल आ अखनि बिहारके महत्वपूर्ण केन्द्रमे से एक होवेके नाते ई संस्कृति आ परम्परा सबके आत्मसात कैलकै हे, ओकर सम्मान कैलकै हे आउ ओकरा बढ़ावा देलकै हे आउ ई प्रकार अपन समृद्धिके सशक्त आ बनैले रखकै हे ।

सम्बन्धित लेख

• जनसङ्ख्या अनुसार बिहारके नगरके सूची
• जनसङ्ख्या अनुसार भारतके नगरके सूची
• भागलपुर मण्डल
• बिहार