Wb/nia/Moze II/9
I. Famakao fanete zi öfa balö: Fökhö gurifö Ndrawa Miserayi
[edit | edit source]1 Ba imane Yehowa khö Moze: Ae khö Wara'o, ba ŵa'ö khönia:
Da'ö niŵa'ö Yehowa, Lowalangi niha Heberaio: Fofanö mbanuagu andrö, ena'ö lafosumange ndra'o. 2 Na tekhöu sa wamofanö ya'ira ba na ötohugö na, ötaha ira, 3 ba ibaya tanga Yehowa gurifömö ba mbenua, he kudo ba he kalide ba he ondra ba he saŵi ba he biri-biri, ifatörö wökhö sabe'e. 4 Ba ifaehusi ira, gurifö Ndraono Gizeraeli gurifö Ndrawa Miserayi Yehowa: Fefu gurifö Ndraono Gizeraeli, ba sageu lö mate.
5 Ba ihonogöi Yehowa ha wa'ara, imane: Mahemolu ifatörö da'ö ba danö Yehowa. 6 Ba mahemolu ö, ba ifalua Yehowa; ba ahori mate gurifö Ndrawa Miserayi; ba ba gurifö Ndraono Gizeraeli, ba sageu lö'ö, si mate.
7 Ba ifatenge zinenge Fara'o, ba hiza sageu lö si mate urifö Ndraono Gizeraeli.
Ba abe'e zui dödö Wara'o, ba lö ifofanö ira.
II. Famakao fanete zi lima balö: Faosa
[edit | edit source]8 Ba imane Yehowa khö ndra Moze A'aroni: Mi'ondrua tanga, wangai da'i wulaŵa, ba yamufa zawili ba dalu mbanua Moze, ba zanehe Wara'o; 9 ba atoru hawu-hawu ba danö Miserayi ma'asagörö, ba tobali gigimö dania, he ba niha ba he ba zaliŵa-liŵa ba danö, si tobali bahi ba danö Miserayi, ma'asagörö.
10 Ba latuyu ndra'i wulaŵa andrö ba la'ondrasi Wara'o; ba da'ö ifazawili miyaŵa Moze, ba tobali gigimö, hulö mbahi, he ba niha ba he ba zaliŵa-liŵa ba danö.
11 Ba tebai lalaŵa Moze si fakelemu andrö, ba gigimö andrö; ba zi fakelemu andrö sa'ae göi tumbu gigimö, si mane ba Ndrawa Miserayi fefu.
12 Ba i'oköli'ö dödö Wara'o Yehowa, ba lö i'o'ö khöra; itörö niŵa'ö Yehowa.
III. Famakao fanete zi önö balö: Teu kara
[edit | edit source]13 Ba imane Yehowa khö Moze: Mahemolu mbanua, ba ae khö Wara'o, ba ömane khönia:
Da'ö niŵa'ö Yehowa andrö, Lowalangi niha Heberaio: Fofanö mbanuagu andrö, ena'ö lafosumange ndra'odo! 14 Ba zi samuza andre sa, ba khöu ufatörö wamakao andrö khögu, fefu, ba ba ngoni-ngoniu ba ba mbanuau, ena'ö aboto ba dödöu, lö si mane ya'odo, ba guli danö, ma'asagörö! 15 Tola sa mena'ö u'oro'ö dangagu mege ba tola ufakiko ndra'ugö, fabaya banuau, fökhö waba andrö, ena'ö tebözini ndra'ugö ba guli danö. 16 Ba andrö lö ubabaya ndra'ugö, ena'ö ö'ila wa'abölögu, ube'e, ba ena'ö tesuno döigu ba guli danö ma'asagörö.[1] 17 Dörö-dörö na tekhöu wamofanö banuagu andrö. 18 Ba na mane wa'alaŵa luo mahemolu, ba aekhu deu kara sabölö-bölö, ube'e, si lö famaedo ba danö Miserayi, i'otarai tewöwöi ia, irege ma'ökhö andre. 19 Ba fatenge ba fa'orifi'ö guriföu, awö fefu hadia ia, zi so baero khöu, fefu sa zi so baero, ba niha ba he urifö, si lö möi yomo, ba mate ibe'e teu kara andrö. 20 Ba ha niha zangata'ufi, ngoni-ngoni Wara'o andrö, me idaö'ö-daö'ö Yehowa, ba i'oloi'ö yomo zawuyunia ba urifönia.
21 Ba si lö ba dödö wameta'u Yehowa ya'ira, ba lö ibulö'ö baero zawuyunia ba urifönia.
22 Ba imane Yehowa khö Moze: Oro'ö dangau ba mbanua si yaŵa, ba aekhu deu kara ba danö Miserayi ma'asagörö, he ba niha ba he ba zaliŵa-liŵa ba danö ba ba zinanö ba nowi, ba danö Miserayi.
23 Ba i'oro'ö zi'onia miyaŵa ba mbanua Moze, ba ilabu banua ba teu kara, ibe'e Yehowa ba aekhu zaerezaere; i'ekhugö ba danö Miserayi deu kara andrö Yehowa.[2] 24 Aekhu deu kara sabölö-bölö sibai, ba lö mamalö-malö galitö, si fabaya ba deu kara andrö; si lö famaedo, saekhu ba danö Miserayi, götö wa no mowanua niha ba da'ö. 25 Ba ibözi teu kara andrö fefu hadia ia ba danö Miserayi, si so baero, he niha ba he saliŵa-liŵa ba danö, ba sinanö ba nowi, ba ibözi teu kara andrö, ba hogu geu fefu, ba mbenua, ba afatö ibe'e.
26 Ha ba danö Gozena, ba zi so Ndraono Gizeraeli, ba lö teu kara.
IV. Alulu dödö Wara'o, ba lö arara, ba ifuli abe'e
[edit | edit source]27 Ba ifatenge Fara'o, ifakaoni'ö ndra Moze A'aroni, ba imane khöra:
No sala ndra'o zi samuza andre; si ndruhu khö Yehowa, ba si sala ndra'o ba banuagu. 28 Mi'angandrö khö Yehowa [salahigu] no töra ndrohu-ndrohu we'ugu-ugu mbanua andrö ba teu kara andrö —, ba ufofanö ami, alakha lö mi'iagö sa'ae da'e.
29 Itema linia Moze, imane: Na urugi baero mbanua, ba u'oro'ö dangagu khö Yehowa, ba tebato dania mbanua ba lö'ö sa'ae aekhu deu kara andrö, ena'ö aboto ba dödöu, wa no khö Yehowa danö.[3] 30 Ba ya'ugö ba ngoni-ngoniu andrö — u'ila — ba lö mi'ata'ufi Lowalangi andrö, Yehowa. 31 Ba taliö ba rigi ba afufu, noa sa molai rigi ba taliö, ba no mobene. 32 Ba gandru ba rigi ö manu, ba lö safufu, me tenga baŵa da'ö.
33 Ba iröi Wara'o Moze, möi ia baero mbanua. Ba i'oro'ö dangania khö Yehowa, ba i'anema'ö tebato we'ugu-ugu mbanua andrö, fabaya teu kara, ba lö'ö sa'ae aekhu ba danö deu.
34 Ba me i'ila Fara'o, no tebato deu ba teu kara andrö ba banua, ba itohugö molalö ba ifuli abe'e dödö, he tödönia ba he tödö ngoni-ngoninia. 35 Ba lö tebulö wa'abe'e dödö Wara'o ba lö ifofanö Ndraono Gizeraeli, itörö niŵa'ö Yehowa.
Famotokhi ba gahe
[edit | edit source]Fabaliŵa lala
[edit source]Olayama Moze II: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö