Jump to content

Wb/nia/Moze II/13

From Wikimedia Incubator
< Wb‎ | nia‎ | Moze II
Wb > nia > Moze II > 13

I. Fe'amoni'ö ono si a'a fefu ba Ndraono Gizeraeli ba folau owasa fasa[edit | edit source]

1 Ba imane Yehowa khö Moze: 2 Oniagö khögu fefu zi a'a nono, ni'amoni'ö; fefu hadia ia zi a'a ba wa'atumbu khö ninania, ba Ndraono Gizeraeli, he niha ba he urifö, ba khögu da'ö.[1]

3 Ba imane Moze ba zato: Mitörö-törö tödömi mbaŵa da'e, saheta ami ba danö Miserayi ba danö si no sawuyu ami; noa sa iheta ami ba da'ö Yehowa tanga sabölö; andrö wa lö tola te'a roti si no mu'aisöni. 4 Ma'ökhö andre aheta ami, ba mbaŵa Abibi.[2]

5 Ba na i'ohe ndra'ugö Yehowa ba danö Ndrawa Gana'ana andrö, ba danö Ndraono kheti ba ba danö Ndraono Gamori ba ba danö Ndraono Hewi ba ba danö Ndraono Yebusi, nifabu'unia khö ndra tuau fahölusa fame'e khöu, tanö ba zi falawu susu ba ŵe ŵani, ba böi olifu'ö wamosumange andrö, ba mbaŵa da'e.[3] 6 Fitu bongi wa'ara, ba roti si lö mu'aisöni mi'a; ba ba luo si fitu, ba telau gowasa khö Yehowa. 7 Roti si lö mu'aisöni ni'a, götö zi fitu bongi andrö ba lö tola falukha ba khöu roti si no mu'aisöni ba he tanömö roti, ba mbanuami fefu.

8 Ba na luo da'ö, ba ödunö-dunö ba ndraonou matua, ömane: Börö wanolo Yehowa ya'aga; da'ö nilau Yehowa khöma, me ahetaga ba danö Miserayi. 9 Ba hulö dandra ia ba dangau, ila-ila ba gangangou, ena'ö so ba mbeweu goroisa Yehowa; fa'abölö danga Yehowa sa wangeheta ya'ugö ba danö Miserayi. 10 Andrö böi olifu'ö gamakhoita andrö, ero röfi, na inötönia.

11 Ba na i'ohe dania ndra'ugö Yehowa ba danö Ndrawa Gana'ana andrö, na itörö zi fahölu ia mege khöu ba khö ndra tuau, na ibe'e khöu, 12 ba ö'amoni'ö khö Yehowa fefu zi a'a ba wa'atumbu khö ninania; fefu zi a'a nono gurifö, si falukha'ö, na si matua, ba tana khö Yehowa. 13 Ba fefu zi a'a nono galide ba ösalahini ono mbiri-biri; ba na lö omasi'ö ösalahini, ba öfatö mbaginia. Ba ono si a'a ba niha, fefu, ba ösalahini [öhöli].

14 Ba na isofu dania khöu onou: Hadia geluaha da'ö? ba ömane khönia: No ihetaga Yehowa ba danö Miserayi tanga sabölö, ba danö ba zi no sawuyu ndra'aga. 15 Me no abe'e dödö Wara'o, me lö ifofanöga mena'ö, ba no ibubunu nono si a'a fefu ba danö Miserayi Yehowa, he ono si a'a ba niha ba he ono si a'a ba wa'atumbu ba gurifö; andrö ube'e sumange Yehowa zi a'a ba wa'atumbu fefu, na si matua, ba ono si a'a khögu, ba usalahini, [uhöli].

16 Ba ya hulö dandra ia khöu, ba dangau ba amaedola harefa ba gangangou, wa no ihetaga ba danö Miserayi Yehowa, tanga sabölö.

II. Latörö danö si mate, lasaŵa nasi zukhu. Boto lawuo ba boto galitö[edit | edit source]

17 Ba me no ifofanö ira Fara'o, ba lö ifatörö ira ba lala ba danö Ndrawa Wilisiti Lowalangi, he ŵa'ae sahatö da'ö mena'ö; imane sa dödönia Lowalangi: ma mangesa dödöra, na so zi fasuwö khöra ba ma lafuli ira ba danö Miserayi; 18 lafasui ibe'e Lowalangi, latörö lala ba danö si mate, saekhu ba nasi zukhu, ba no lafa'anö ira ba wanuwö, Iraono Gizeraeli, me aheta ira ba danö Miserayi.

19 Ba i'ohe mboto Yosefo andrö Moze; noa sa ibe'e li ba Ndraono Gizeraeli da'ö, no ibe'e ira ba hölu sabe'e, no imane: na itolo dania ami Lowalangi, ba mi'ohe mbotogu, miheta ba da'e.[4]

20 Ba la'otarai Zukota wofanö ba ba Getama molombase, ba zinga danö si mate andrö.[5] 21 Ba mowaö-waö fönara Yehowa, na ma'ökhö, ba boto lawuo, ba wangoroma'ö lala khöra, ba na bongi, ba boto galito, ba wame'e haga khöra; ba tobali bongi ma'ökhö la'ila mofanö.[6] 22 Na ma'ökhö, ba lö tebulö fönara mboto lawuo andrö, ba ba zi bongi, ba si manö mboto galitö andrö.

Famotokhi ba gahe[edit | edit source]

  1. Faigi 22:29; SamI 1:28; Luk 2:23
  2. Faigi 23:15
  3. MozI 15:18
  4. MozI 50:25
  5. MozIV 33:6
  6. Faigi 40:38; Neh 9:19; Sin 78:14; Sin 105:39; KorI 10:1

Fabaliŵa lala[edit source]

Olayama Moze II: 12345678910111213141516171819202122232425262728293031323334353637383940

Amabu'ulali Siföföna: Moze IMoze IIMoze IIIMoze IVMoze VYosuaSanguhukuRutiSamueli ISamueli IIRazo IRazo IINga'ötö INga'ötö IIEseraNehemiaEsiteraYobiSinunöAmaedola ZelomoSangombakhaSinunö SebuaYesayaYeremiaNgenu-Ngenu YeremiaHezekieliDanieliHoseaYoeliAmosiObadiaYonaMikhaNakhumiHabakukiSefaniaHagaiSakhariaMaleakhi

Bale zato: OlayamaAngombakhataBawagöli zatoMonganga afoNahia wamakoriNga'örö spesialNgawalö wanoloSafuria tebulöSanandrösaSangai halöŵö