Wb/nia/Moze II/27

From Wikimedia Incubator
< Wb‎ | nia‎ | Moze II
Wb > nia > Moze II > 27
FAZA 27

Naha wame'e sumange nitunu[edit | edit source]

I 1 [1] Ba naha wame'e sumange andrö, ba bana geunia, lima hela wa'anau ba lima hela wa'ebolo — si öfa sagi — ba tölu hela wa'alaŵa. [2].

2 Ba tandrunia, ba ba watalingania si öfa öbe'e ena'ö faböbö khönia dandru andrö, ba öfo'uli ia töla.

3 Ba bowoa andrö khönia, ba wameta awu andrö, ba sou-sou khönia ba figa ba garafu ba gali, fefu wakake khönia, ba töla öbe'e.

4 Ba öfazökhi khönia darali, si hulö gu'ö, töla; ba ba darali andrö, ba öfa öbe'e tumbo ni'ogaolo, töla, ba watalinga naha wame'e sumange andrö, si öfa,

5 ba tou lambe-lambe andrö, si fasui ba naha wame'e sumange andrö, ökhaigö, ena'ö ba dalu naha wame'e sumange irugi u'ö andrö.

6 Ba öfazökhi hea-hea naha wame'e sumange, hea-hea bana, ba öfo'uli töla.

7 hea-hea andrö, ba ba dumbo andrö tefatörö, ena'ö tefatambai naha wame'e sumange hea-hea andrö, na lafabea.

8 Fafa döladölania, ena'ö mo'arö tanö bakha; la'o'ö ni'oroma'ö khöu ba hili, wamazökhi ya'ia. [3]

Olayama nose wamaduhu'ö andrö[edit | edit source]

II 9 Ba olayama nose andrö, ba ömane wamazökhi ya'ia: ba wondregenia tanö raya, ba öfazökhi mba'a-ba'a golayama, tarafali bana öbe'e, otu hela wa'anau, ba ngai andrö si sara; [4];

10 ba dua wulu daru nahe, awö gahe töla, si dua wulu — osö'osö ba daru nahe andrö ba tumbo ni'ogaolo andrö, ba firö öbe'e.

11 Ba ba'a-ba'a ba ngai tanö yöu, otu hela, ba dua wulu daru nahe, awö gahe töla, si dua wulu; osö'osö ba daru nahe andrö ba tumbo ni'ogaolo andrö, ba firö.

12 Ba ba lulu golayama tanö ba gaekhula, ba ba'a-ba'a si lima wulu hela ba fulu daru nahe, awö gahe, fulu.

13 Ba lima wulu hela göi lulu golayama tanö ba gatumbukha,

14 ba felelima hela mba'a-ba'a ba zi tambai, ba tölu daru nahe, awö gahe, si tölu.

15 Ba felelima hela mba'a-ba'a ba zi tambai ba tölu daru nahe, awö gahe, si tölu.

16 Ba ba mbawa göli golayama, ba ba'a-ba'a si dua wulu hela fa'ebolo, ungu sowōē waru-waru ba soyo ba kirimisi ba tarafali bana, nifolau zanoso si gara-gara, ba öfa daru nahe, awö gahe, si öfa.

17 Ba fefu daru nahe ba golayama andrö, fasui, ba nifotumbo ni'ogaolo, firö; osö'osö khönia, ba firö, ba ahe, ba töla;

18 Fa'anau golayama andrö, ba otu hela, ba fa'ebolo, ba lima wulu hela, ba fa'alaŵa, ba lima hela [ba'a-ba'a andrö], tarafali bana, nifo'ahe töla.

Fakake ni'amoni'ö ba fanikha wandru[edit | edit source]

III 19 Ba fakake ba nose andrö, fefu [soguna] ba halöŵö ni'amoni'ö andrö, ba khönia, ba tarutarunia fefu, awö daru-taru ba golayama fefu, ba töla.

20 Ba ya'ugö, ba ŵa'ö ba Ndraono Gizeraeli, la'ohe khöu zi ndruhu wanikha zai, fanikha mbua zai nitutu, fanikha wandru andrö, ena'ö lö mamalö-malö la'ila latunu wandru.

21 Ba nose wama'ele'ö andrö, baero mba'a-ba'a andrö, fomba'a zura goroisa, lafazökhi ia A'aroni ba ononia, i'otarai na bongi, irugi moluo, föna Yehowa. Huku si lö mamalö-malö da'ö ba Ndraono Gizeraeli, götö-götö wa'ara.

Famotokhi ba gahe[edit | edit source]

  1. A.27, 1—8: Faz.38, 1—7
  2. Faigi 38, 1
  3. A.27, 9—19: Faz.38, 9—20
  4. Faigi 38, 9

Fabaliŵa lala[edit source]

Olayama Moze II: 12345678910111213141516171819202122232425262728293031323334353637383940

Amabu'ulali Siföföna: Moze IMoze IIMoze IIIMoze IVMoze VYosuaSanguhukuRutiSamueli ISamueli IIRazo IRazo IINga'ötö INga'ötö IIEseraNehemiaEsiteraYobiSinunöAmaedola ZelomoSangombakhaSinunö SebuaYesayaYeremiaNgenu-Ngenu YeremiaHezekieliDanieliHoseaYoeliAmosiObadiaYonaMikhaNakhumiHabakukiSefaniaHagaiSakhariaMaleakhi

Bale zato: OlayamaAngombakhataBawagöli zatoMonganga afoNahia wamakoriNga'örö spesialNgawalö wanoloSafuria tebulöSanandrösaSangai halöŵö