Wb/nia/Moze II/8
I. Famakao fanete zi föföna: Talaho[edit | edit source]
1 Ba iŵa'ö Yehowa khö Moze: Ae khö Wara'o, ba ömane khönia: Da'ö niŵa'ö Yehowa: Fofanö mbanuagu andrö, ena'ö lafosumange ndra'o! 2 Ba na tekhöu, öfofanö ira, ba ufatörö khöu ba ba danöu wamakao talaho. 3 Yamoliha-liha dania dalaho, ba Nilo, ba akha möi ira yaŵa, irugi gödomö ba irugi si bakha khöu, ba ba gasomö, ba he ba nomo ngoni-ngoniu, ba he ba nomo mbanuau, ba he ba naha wamogö roti khöu ba he ba naha wamaruka, numalö ösiu 4 ba ösi mbanuau ba ösi ngoni-ngoniu, ba latugelai dania talaho andrö.
5 Ba imane Yehowa khö Moze: ŵa'ö khö Ga'aroni: Oro'ö dangau, fabaya si'o andrö yaŵa mbombo ba yaŵa lala nidanö niko'o ba yaŵa mbaŵa nidanö, asogö dalaho ba danö Miserayi.
6 Ba i'oro'ö dangania A'aroni, yaŵa nidanö Miserayi, i'asogö dalaho, tobali lahawui danö Miserayi.[1]
7 Ba lalau göi da'ö si fakelemu andrö, elemura andrö, la'asogö dalaho ba danö Miserayi ma'asagörö.
8 Ba ifakaoni'ö ndra Moze A'aroni Fara'o, ba imane: Mi'andrö khö Yehowa, ena'ö iheta dalaho andrö, khögu ba ba mbanuagu, ba ufofanö mbanuami andrö, ena'ö labe'e zumange khö Yehowa.
9 Ba imane Moze khö Wara'o: Ebua'ö dödöu khögu, wanguma'ö khögu, ha wa'ara u'andrö khömi, khöu ba ba ngoni-ngoniu ba ba mbanuau, ena'ö aheta khöu ba ba gödomö dalaho andrö, ena'ö hatö ba Nilo tosai.
10 Ba imane: Mahemolu.
Ba imane Moze: Balazi zomasi'ö, ena'ö aboto ba dödöu, lö Lowalangi bö'ö, si mane Yehowa andrö, Lowalangima. 11 Aheta dania khömi dalaho andrö, he khöu, ba he ba gödomö, ba he ba ngoni-ngoniu, ba he ba mbanuau; hatö ba Nilo tosai dania.
12 Ba me no laröi Wara'o ira Moze A'aroni, iforege wangandrö khö Yehowa Moze, ba dalaho andrö, nifatörönia khö Wara'o. 13 Ba i'o'ö Yehowa ni'andrö Moze: mate dalaho andrö ba nomo misa ba ba golayama ba ba mbenua. 14 Ba la'owuloi, la'oya'ö nahia, ba aböu danö.
15 Ba me i'ila Fara'o, no molala dödönia, ba ifuli abe'e dödönia, ba lö i'o'ö khöra; itörö niŵa'ö Yehowa.[2]
II. Famakao fanete zi dua balö: Di manu[edit | edit source]
16 Ba imane Yehowa khö Moze: ŵa'ö khö Ga'aroni: Oro'ö zi'omö andrö ba bözi gawu-gawu tou ba danö, ba tobali di manu, fefu gofu heza ba danö Miserayi.
17 Ba la'o'ö da'ö: I'oro'ö dangania A'aroni, fabaya si'o, ibözi gawu-gawu tou ba danö: Ba so ndri manu ba niha ba ba guriföra; fefu gawu-gawu ba danö, ba tobali di manu ba danö Miserayi, ma'asagörö.
18 Ba latandraigö göi si fakelemu andrö wangasogö di manu elemura andrö, ba tebai. Ba di manu andrö, ba lahawui niha, fabaya uriföra. 19 Ba lamane khö Wara'o si fakelemu andrö: Tanga Lowalangi da'ö! Ba lö tebulö wa'abe'e dödö Wara'o, ba lö i'o'ö khöra; itörö niŵa'ö Yehowa.
III. Famakao fanete zi tölu balö: Di mböhö[edit | edit source]
20 Ba imane Yehowa khö Moze: Mahemolu mbanua, ba ondrasi Wara'o, na möi ia mondri ba ömane khönia: Da'ö niŵa'ö Yehowa: Fofanö mbanuagu andrö, ena'ö lafosumange ndra'o. 21 Na lö'ö sa öfofanö mbanuagu andrö, ba ufatörö khömi ndri mböhö, khöu ba ba ngoni-ngoniu ba ba mbanuau ba ba gödomö; ya'afönu dania nomo Ndrawa Miserayi di mböhö ba he tanö nihundragö gahera. 2 Ba tanö Gozena andrö, si so banuagu andrö, ba u'oniagö, fa böi oroma ndri mböhö ba da'ö, ena'ö aboto ba dödöu, wa ya'odo Zo'aya ba danö. 23 Ba u'asogö wangefa famabali mbanuagu ba mbanuamö; mahemolu alua dandra andrö.
24 Ba ifatörö da'ö Yehowa. Ba oya sibai ndri mhöhö, si möi yomo ba gödo Wara'o ba ba nomo ngoni-ngoninia ba danö Miserayi ma'asagörö, ba afökhö sibai ba danö ndri mböhö andrö.
25 Ba ifakaoni'ö ndra Moze A'aroni Fara'o, imane khöra: Lau! ba danö andre mifosumange Lowalangimi!
26 Ba imane Moze: Tebai ma'o'ö da'ö; sumange andrö sa, nibe'ema khö Lowalangima, ba no sogoro Ndrawa Miserayi; hadia, lö latebu kara ndra'aga dania?[3] 27 Tölu ngaluo fofanö wa'aröu möiga ba danö si mate, ba wame'e sumange khö Lowalangima ba da'ö; ma'o'ö niŵa'önia khöma.[4]
28 Ba imane Fara'o: ufofanö ami, fa mi'ila mifosumange Yehowa, Lowalangimi andrö, ba danö si mate; ba böi mi'aröu'ö sibai ami! Mi'angandrö, salahigu!
29 Ba imane Moze: He razo! ha si'aikö möido baero, ba u'andrö khöu khö Yehowa, ena'ö mahemolu aheta ndri mböhö andrö khöu ba ba ngoni-ngoniu ba he ba mbanuau, hatö fa böi öfuli ö'o'aya mbanuama, fa lö öfofanö ira ba wamosumange Yehowa.
30 Ba iröi Wara'o Moze, ba mangandrö ia khö Yehowa. 31 Ba i'o'ö Yehowa ni'andrö Moze, iheta ndri mböhö andrö khö Wara'o ba ba ngoni-ngoninia ba ba mbanuania, tobali sambua lö tosai.
32 Ba ifuli abe'e dödö Wara'o, ba da'ö göi, ba lö ifofanö ira.
Famotokhi ba gahe[edit | edit source]
Fabaliŵa lala[edit source]
Olayama Moze II: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö