Wb/nia/Moze II/22

From Wikimedia Incubator
< Wb‎ | nia‎ | Moze II
Wb > nia > Moze II > 22
FAZA 22

Amakhoita ba wanagö ba na tefara'u hadia ia[edit | edit source]

I. 1 Na so zanagö saŵi, ba ma biri-biri, ba na itaba ba ma i'amawa, ba lima nga'eu saŵi ibe'e fangali zi sageu ba öfa nga'eu biri-biri fangali zi sageu, ogauta [1].

2 Na tera'u zanagö ba wanöi yomo, ba na labunu, ba tenga nilau balö da'ö.

3 Ba na ba zi no moluo zi manö ba nilau balö. Sanagö, ba isalahini zinagönia, ba na lö khönia, ba ni'amawa ia salahi nitagönia andrö.

4 Na tesöndra auri ba khönia nitagönia, he saŵi, ba he kalide, ba he biri-biri, ba sagesageu tö ifuli, ogauta.

5 Na so zi dudu urifönia ba mbenuania, ba ma ba kabu nagu khönia, ba na lö i'öli, na la'a zinanö ba nowi bö'ö, ba isalahini bua zinanönia, balazi wa'abölö mbua; ba na ahori la'a zinanö ba nowi, ba fondrege zi sökhi mbua nowinia ba bua ba kabu nagu khönia ibe'e salahi.

6 Na so galitö, na akhozi go'o ba na ira'i mbasitö ba na akhozi nowi, ba isalahini zakhozi andrö samobörö alitö mege.

7 Na so zame'e ba nawönia ni'irö'ö, ana'a, ba ma aya, ba na tetagö ba nomo da'ö, ba ifabali mbölinia sanagö andrö, na tesöndra ia.

8 Ba na lö musöndra zanagö, ba yamöi föna Lowalangi zokhö omo, yamöi ba hölu, wa lö nibabayania okhöta nawönia andrö. [2].

9 Na so hadia ia zi taya, he saŵi, ba he kalide, ba he biri-biri, ba he baru, ba he gofu hadia ia zi taya, ba na so zanguma'ö: da'ö ia! ba ni'ohe föna Lowalangi huhuora, ba niŵa'ö Lowalangi si so sala, ba ifabali wanalahini khö nawönia.

10 Na so zame'e nikubaloi nawönia kalide, ba ma saŵi ba ma biri-biri, ba ma hadia ia gurifö, ba na mate da'ö, ba ma na göna hadia ia, ba ma na te'oloi'ö, si lö i'ila niha bö'ö,

11 ba fe'amöi ba hölu khö Yehowa wangetu'ö huhuo, ma no numalö dangania ba gokhöta nawönia andrö; ba na itehe da'ö sokhö, ba alakha lö i'alī.

12 Ba na no latagö khönia, ba i'alī khö zokhö.

13 Ba na no tesasawi [ba gutu ndru'u], ba na i'ila i'oroma'ö ngamohi, ba alakha lö i'alī nisasawi andrö. [3].

14 Na so zombalö urifö nawönia ba na göna hadia ia ba ma na mate, ba zi lö sokhö ya'ia, ba i'alī.

15 Ba na ba zi so zokhö, ba alakha lö ibe'e wangali si samösa; na niwawalö ba no itema wombalö.

Ba horö bö'ö ba ba wangebua hare gana'a ba ba zalakha[edit | edit source]

II. 16 Na so zamowöhö ono alawe, si lö mufohu na, na orudu ia khönia, ba ibe'e mböwö. [4].

17 Ba na ha sambalö lö itehe amania, ibe'e khönia, ba yamutulö wirö, ndrohu-ndrohu mböwö nono alawe.

18 Ira alawe si fakelemu, ba böi orofi. [5].

19 Dozi sorudu ba gurifö, ba nibunu.

20 Na so zamozumange adu, ba tenga ha Yehowa, ba nihori [6].

21 Niha bö'ö, ba böi fakao ba böi falangögö; noa sa niha bö'ö göi ami ba danö Miseraiyi mege. [7].

22 Lakha mbanua ba si lö ama si lö ina ba böi manö mifakao. [8].

23 Na öfakao ia sa, ba na i'angaröfi li ndra'o, ba lö zi lö ufondrondrongo wangarö-ngarönia,

24 ba tesao dania wönugu ba ufabunu'ö ami si'öli, ba tobali lakha mbanua ngambatömi ba si lö ama ndraonomi.

25 Na öbe'e nifalali gana'a ba mbanuagu si numana, si so ba ngaimö, ba böi sangebua hare ndra'ugö khönia; böi mifohare khönia. [9].

26 Na öhalö gade mbaru nawöu, ba irege aekhu luo, ba öfuli khönia. [10].

27 Awai sa gambala mbotonia, ha barunia andrö; hadia sa'ae ibe'e ambalania, na mö rö ia? Na i'angaröfi li ndra'o, ba ufondrondrongo khönia, me no sahakhö tödö ndra'odo.

28 Böi tandraŵaisi Lowalangi ba böi elifi zatua mbanuami [11].

29 Si no fahöna khöu ba si sökhi nösi mbua nagu khöu, ba böi zi lö ölulu. Si a'a nonou matua, ba öbe'e khögu.

30 Ba si manö göi ba zaŵiu ba ba mbiri-biriu: fitu bongi yaso khö ninania, ba na aefa da'ö, ba ö'ohe khögu. [12].

31 Ya niha ni'amoni'ö ami khögu. Ba ösi nisasawi gutu ndru'u ba mbenua, ba lö tola mi'a, mibe'e ö nasu. [13].

Famotokhi ba gahe[edit | edit source]

  1. SamII 12, 6. Amaed 6, 31. Luk 19, 8
  2. Faigi 21, 6
  3. MozI 31, 39
  4. MozV 22, 28
  5. MozV 18, 10
  6. MozV 17, 3—5
  7. MozIII 19, 34
  8. Yes 1, 17
  9. MozV 23, 19. Sin 15, 5. Hez 22, 12
  10. MozV 24, 13
  11. HalZin 23, 5
  12. MozIII 23, 27
  13. MozIII 19, 2. FetI 1, 16

Fabaliŵa lala[edit source]

Olayama Moze II: 12345678910111213141516171819202122232425262728293031323334353637383940

Amabu'ulali Siföföna: Moze IMoze IIMoze IIIMoze IVMoze VYosuaSanguhukuRutiSamueli ISamueli IIRazo IRazo IINga'ötö INga'ötö IIEseraNehemiaEsiteraYobiSinunöAmaedola ZelomoSangombakhaSinunö SebuaYesayaYeremiaNgenu-Ngenu YeremiaHezekieliDanieliHoseaYoeliAmosiObadiaYonaMikhaNakhumiHabakukiSefaniaHagaiSakhariaMaleakhi

Bale zato: OlayamaAngombakhataBawagöli zatoMonganga afoNahia wamakoriNga'örö spesialNgawalö wanoloSafuria tebulöSanandrösaSangai halöŵö