Wb/nia/Moze II/11

From Wikimedia Incubator
< Wb‎ | nia‎ | Moze II
Wb > nia > Moze II > 11
FAZA 11

Tehönagö te'ombakha'ö wamakao safuria andrö: Famunu ono si a'a. Lö tebulö wa'abe'e dödö Wara'o[edit | edit source]

I. 1 Ba imane Yehowa khö Moze: Hatö sambalö tö famakao ufatörö khö Wara'o ba ba Ndrawa Miserayi; awena dania ifofanö ami ba da'e, ifaulugö, itimba na'i ami, iforege.

2 Ba öŵa'ö ba zato, dozi ira, ba ndramu'andrö ba zi so ba ngaira gama-gama firö ba gama-gama ana'a; he ira matua ba he ira alawe. [1].

3 Ba ebua dödö Ndrawa Miserayi khöra ibe'e Yehowa; ba sebua töi göi Moze ba danö Miserayi, ba ngoni-ngoni Wara'o andrö ba ba mbanuania.

4 Ba imane Moze: Da'ö niŵa'ö Yehowa: Na talu mbongi, ba utöröi danö Miserayi ma'asagörö, [2],

5 ba ahori mate zi a'a nono matua ba danö Miserayi, i'otarai nono si a'a khö Wara'o, sidadao ba dadaoma razo, numalö ba nono si a'a khö zawuyu ira alawe, sanutu fakhe, fabaya nono si a'a ba gurifö fefu.

6 Ba tobali fe'ira-ira sabölö-bölö ba danö Miserayi ma'asagörö, si lö irai, ba lö'ö manö göi ifuli si manö dania.

7 Ba ba Ndraono Gizeraeli, fefu, ba lö nikhau nasu, he niha ba he urifö, ena'ö aboto ba dödömi, wa ifaehusi ira Ndrawa Miserayi Ndraono Gizeraeli Yehowa.

8 Ba ndramu'ondrasido dania ngoni-ngoniu andrö fefu, ba wangalulu khögu ba ba wangandrö khögu: Heta'ö, ya'ugö ba banuami fefu, solo'ö khöu! ba awena dania uhetado. Aefa da'ö, ba iröi Wara'o, mofönu sibai ia.

9 Ba imane Yehowa khö Moze: Lö i'o'ö khömi Fara'o, ena'ö oya dandra andrö khögu, ba danö Miserayi.

10 Ba lalau dandra andrö fefu föna Wara'o ira Moze A'aroni; ba i'abe'e'ö dödö Wara'ö Yehowa, ba tobali lö i'efa'ö Ndraono Gizeraeli ba danönia.


Famotokhi ba gahe[edit | edit source]

  1. Faigi 3, 22
  2. Faigi 12, 29

Fabaliŵa lala[edit source]

Olayama Moze II: 12345678910111213141516171819202122232425262728293031323334353637383940

Amabu'ulali Siföföna: Moze IMoze IIMoze IIIMoze IVMoze VYosuaSanguhukuRutiSamueli ISamueli IIRazo IRazo IINga'ötö INga'ötö IIEseraNehemiaEsiteraYobiSinunöAmaedola ZelomoSangombakhaSinunö SebuaYesayaYeremiaNgenu-Ngenu YeremiaHezekieliDanieliHoseaYoeliAmosiObadiaYonaMikhaNakhumiHabakukiSefaniaHagaiSakhariaMaleakhi

Bale zato: OlayamaAngombakhataBawagöli zatoMonganga afoNahia wamakoriNga'örö spesialNgawalö wanoloSafuria tebulöSanandrösaSangai halöŵö