Wb/nia/Moze II/1

I. Itugu ato sibai Ndraono Gizeraeli

1 Da'e ndraono Gizeraeli, si no möi ba danö Miserayi; fao ira Yakobo no, ba no i'ohe zoroiyomonia fefu zamösana:^[1] 2 Rubeno ba Simeoni ba Lewi ba Yuda, 3 ba Isasari ba Sebuloni ba Beniyami, 4 ba Dano ba Nafetali ba Gado ba Aseri. 5 Ba nga'ötö Yakobo fefu, ba fitu ngafulu niha; ba Yosefo, ba si no tohöna ba danö Miserayi. 6 Ba mate Yosefo ba talifusönia, awö zi sagötö niha andrö ma'afefu. 7 Ba mo'ono'ono Ndraono Gizeraeli, itugu fahöna ba tobali ato sibai, tobali anönö danö ya'ira.^[2]

II. Lafakao ira

8 Ba so razo si bohou ba danö Miserayi, si lö falukha sa'ae khö Yosefo. 9 Ba imane da'ö ba mbanuania: Itugu ato moroi khöda Ndraono Gizeraeli andrö ba abölö ira moroi khöda. 10 Talabu, ta'alui wa'onekhe, ba khöra andrö, fa böi abölö ato ira ba fa böi fa'awö ira ba nemalida, na tesao wanuwö, wangeheta ya'ira ba danö! 11 Ba lafataro khöra mandru, ba wamakao ya'ira ba halöŵö zawuyu, ba sanaru'ö banua khö Wara'o ira, banua naha nihöna, Fitomo ba Ramese. 12 Ba lahötöi lafakao, ba ihötöi mo'ono'ono ira ba ato, tobali ata'u ira Ndraono Gizeraeli. 13 Ba laforege ba Ndraono Gizeraeli Dawa Miserayi ba halöŵö sabe'e, halöŵö zawuyu, 14 ba alangu dödöra labe'e, ba halöŵö sabe'e andrö ba la'uri ba gara tembo ba ba ngawalö halöŵö ba danö; oi halöŵö niforege khöra, ena'ö lahalö.

III. I'oroi'ö Fara'o labunu nono matua khöra

15 Ba ibe'e goroisa razo Miserayi ba zangamöi talu ba niha Heberaio — Sifera döi zi samösa ba Fua döi zi samösa — imane: 16 Na möi ami, na madono ndra alawe Heberaio, ba mifaigi ba daoge-daoge; na ono matua, ba mibunu; ba ono alawe atö, ba hana na auri. 17 Ba sangata'ufi Lowalangi zangamöi talu andrö, ba lö la'o'ö ni'oroi'ö razo Miserayi khöra, la'orifi sa nono matua. 18 Ba ifakaoni'ö zangamöi talu andrö razo Miserayi, imane, khöra: Hana wa mimanö, wa mi'orifi nono matua andrö? 19 Ba lamane khö Wara'o sangamöi talu andrö: Ira alawe Heberaio andrö, ba tenga si mane ira alawe Ndrawa Miserayi, no sabe'e ira; lö fakhamö so zangamöi talu, ba no tumbu nono. 20 Ba ifahowu'ö zangamöi talu andrö Lowalangi, ba ato sibai niha ba abölö sibai ira. 21 Ba me la'ata'ufi Lowalangi sangamöi talu andrö, ba i'oya'ö khöra ndraono.

22 Ba iŵa'ö ba mbanuania fefu Fara'o: Fefu nono matua, si tumbu ba niha Heberaio, ba mitibo'ö ba Nilo; ba ono alawe fefu, ba hana na mi'orifi.^[3]

Famotokhi ba gahe

↑ MozI 46:8
↑ MozV 26:5; Sin 105:24; HalZin 7:17
↑ HalZin 7:19

Fabaliŵa lala

Olayama Moze II: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40

Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö

[1] MozI 46:8

[2] MozV 26:5; Sin 105:24; HalZin 7:17

[3] HalZin 7:19

[1]

[2]

[3]