Wb/nia/Moze II/25
I. Fanguma'ö bobotolö ba ni'amoni'ö
[edit | edit source]1 Ba humede Yehowa khö Moze, imane:
2 Ŵa'ö ba Ndraono Gizeraeli, ena'ö labe'e mbobotolö khögu; midozigö zi no aoha gölö, wangai, khöra.[1]
3 Ba da'ö game'ela nihalömi khöra: ana'a ba firö ba töla; ba ungu sowu 4 waru-waru ba ungu soyo ba kirimisi, ba tarafali ba bu nambi; 5 ba uli mbiri-biri nilau soyo ba uli mina guaza ba bana (eu); 6 ba fanikha ba wandru, ba remba-remba ba wanikha famayoini ba ba nitunu samohua; 7 ba feremata una, ba feremata bö'ö, talakhoi nono mbaru andrö, awö ba mbola waetasa andrö.[2]
8 Ba lafa'anö khögu nahia ni'amoni'ö, ena'ö sosodo ba khöra.[3] 9 Mitöngöni sibai wamaedo nahia ba famaedo wakakenia andrö fefu ni'oroma'ögu khöu dania, wamazökhi ya'ia.
II. Tawöla gamabu'ula li
[edit | edit source]10 Ba lafazökhi dawöla, bana geunia, 2½ bela wa'anau ba 1½ hela wa'ebolo ba 1½ hela wa'alaŵa.[4]
11 Ba öfo'uli si ndruhu mbalaki tanö bakha ba tanö baero öfo'uli ba öfasui wamosinga ya'ia ana'a. 12 Ba öfa öfahele tumbo ni'ogaolo, ana'a, ba öfakhai ba gahenia si öfa, dombu-dombua fatambai.
13 Ba öfazökhi hea-hea bana, ba öfo'uli ana'a. 14Ba hea-hea andrö, ba öfatörö ba dumbo ni'ogaolo no mege, ba ngai dawöla, ena'ö tobali famahea dawola.
15 Böi tebulö ba dumbo ni'ogaolo andrö ba ngai dawöla hea-hea andrö; lö tola aheta ba da'ö. 16 Ba barö dawöla andrö öbe'e zura goroisa, nibe'egu ba dangau dania.
17 Ba öfazökhi lagö-lagö, si ndruhu mbalaki 2½ hela wa'anau ba 1½ hela wa'ebolo. 18 Ba dombua öfazökhi kerubi ana'a, — niböbözi wamazökhi ya'ia — faföfö lagö-lagö andrö; faoma faföfö öbe'e kerubi andrö. 19 Ba dete lagö-lagö andrö öbe'e kerubi andrö faföfö. 20 Ba kerubi andrö, ba samologö afira, miyaŵa, wamalugö lagö-lagö andrö afira, si fatahö ira, la'otahögö lagö dawöla kerubi andrö. 21 Ba öbe'e ba dete dawöla lagö-lagö andrö; ba bakha barö dawöla öbe'e zura goroisa andrö, nibe'egu ba dangau dania.[5]
22 Ba ba da'ö u'oroma-roma'ö ndra'o khöu dania, moroi ba lagö-lagö andrö fahuhuo ndra'o khöu, moroi ba gotalua kerubi andrö si dombua, si so ba dete dawöla wamaduhu'ö andrö, ero na so niŵa'ögu, nifa'emau ba Ndraono Gizeraeli.[6]
III. Meza roti nifaigi-faigi andrö
[edit | edit source]23 Ba öfazökhi meza, bana geunia, 2 hela wa'anau ba sahela wa'ebolo ba 1½ wa'alaŵa.[7] 24 Ba öfo'uli ia si ndruhu mbalaki ba öfosinga ana'a, fasui.
25 Ba öfolambe-lambe, lalu'a wa'ebolo, fasui, ba öfosinga göi ana'a lambe-lambe andrö, si fasui göi. 26 Ba öfa öfazökhi khönia tumbo ni'ogaolo, ba ba watalinga gahenia öfakhai dumbo andrö. 27 Si fatöfa ba lambe-lambe dumbo andrö, naha hea-hea, ba wolohe meza andrö.
28 Ba hea-hea andrö, ba bana, nifo'uli ana'a; da'ö wamahea meza andrö. 29 Ba öfazökhi zoguna ba da'ö, mako ba figa ba kundri ba mako ba wamadu, fame'e zumange nibadu; si ndruhu mbalaki ö'oguna'ö wamazökhi ya'ia.
20 Ba ba meza andrö, ba lö öbulö'ö roti nifaigi-faigi, fönagu.[8]
IV. Naha wandru
[edit | edit source]31 Ba öfazökhi na naha wandru si ndruhu mbalaki,[9] niböbözi naha wandru andrö, ahenia ba tölania; ba nifobunga ia, bowo sawena aboto.[10]
32 Ba nifodaha fatambai, tölu-tölu dambai ndraha. 33 Ba sara-sara daha, ba tölu-tölu tebe'e ni'obowo kanari, sambu-sambua bowo, sawena aboto; si manö ba ndraha andrö fefu, si önö, daha naha wandru andrö.
34 Ba ba döla, ba öfa tebe'e bunga ni'obowo kanari, sawena aboto. 35 Sambu-sambua bowo tou zi dua-dua daha khönia, ba ndraha andrö, si önö, daha naha wandru andrö.
36 Ba bene mbowo andrö ba daha andrö, ba ha sara, awö döla; niböbözi fefu, ba ha sara, si ndruhu mbalaki.
37 Ba fitu öfazökhi fandru khönia, nibe'e yaŵa dania, ba wohagami naha andrö fönania.
38 Ba guti wandru khönia ba sife andrö, ba si ndruhu mbalaki göi. 39 Otu a dua wulu balaki ö'oguna'ö si ndruhu mbalaki, wamazökhi ya'ia, fabaya gama-gamania no mege.
40 Ba faigi, fa ötöngöni sibai dulada andrö, ni'oroma'ö khöu ba hili, wamazökhi ya'ia.[11]
Famotokhi ba gahe
[edit | edit source]Fabaliŵa lala
[edit source]Olayama Moze II: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö