Wb/nia/Moze II/35
I. Oroisa Moze ba zato[edit | edit source]
1 Ba ifalukha'ö mbanua Ndraono Gizeraeli fefu Moze ba imane khöra: Da'ö ni'oroi'ö Yehowa nilau:
2 Önö ngaluo, ba tola mohalöŵö, ba luo si fitu andrö, ba mi'amoni'ö, baŵa ni'amoni'ö khö Yehowa, salösu lö mohalöŵö ami. Dozi sangai halöŵö na luo da'ö, ba nibunu.[1] 3 Na luo sabato andrö, ba lö tola mi'ebua'ö galitö ba nahiami andrö, fefu.
4 Ba humede na Moze ba mbanua Ndraono Gizeraeli fefu imane: 5 Da'ö ni'oroi'ö Yehowa:
Mibe'e bobotolö khö Yehowa zi so khömi, ösa: ana'a ba firö ba töla[2] 6 ba ungu sowu waru-waru ba soyo ba kirimisi ba tarafali ba bu nambi 7 ba uli mbiri-biri si matua nilau soyo ba uli guaza mina ba eu bana 8 ba fanikha wandru ba remba-remba ba wanikha famayoini andrö ba ba nitunu, 9 samohua, ba feremata una ba feremata nitagu ba nono mbaru ba doto andrö ba ba mbola waetasa andrö.
10 Ba dozi ba khömi si so fa'atuka, ba ndramufa'aso ira ba ndramulau fefu hadia ia niŵa'ö Yehowa.
11 Ose andrö,[3] fabaya ba'a-ba'a andrö khönia, kulambu ba sagönia andrö ba khai-khai andrö khönia ba fafa ba lazi ba taru nahe andrö, fabaya ahe, ba tawöla andrö, 12 fabaya hea-heania ba lagö-lagö ba kulambu andrö, fomba'a; 13 ba meza andrö, fabaya hea-heania, awö wakakenia fefu, awö roti andrö, nifaigi-faigi; 14 awö naha wandru andrö, fabaya fakake khönia ba fandrunia ba fanikha wandru, 15 awö naha wanunu kumöyö, fabaya hea-heania ba fanikha famayoini andrö, awö nitunu andrö, samohua, ba kulambu andrö, ba'a-ba'a mbawandruhö nose, 16 awö naha wanunu sumange andrö, fabaya taralinia, töla, ba hea-heania ba fakake andrö khönia, fefu, awö gala andrö, 17 fabaya ahenia, ba ba'a-ba'a golayama ba taru nahe andrö khönia, fabaya ahe, ba ba'a-ba'a mbawa göli golayama, 18 ba osö'osö nose andrö ba osö'osö ba golayama, fabaya sinali andrö, awö nukha andrö, 19 nihaogö sibai fanoso, nukha ba halöŵö andrö, ba ni'amoni'ö, nukha ni'amoni'ö andrö khö Ga'aroni ere andrö, awö nukha nononia ba halöŵöra, halöŵö gere.
II. Buala zato[edit | edit source]
20 Ba mofanö Ndraono Gizeraeli fefu, laröi Moze.
21 Ba dozi si terou tödö, dozi saoha ölö, ba möi mame'e bobotolö andrö khö Yehowa, ba wamazökhi ose wama'ele'ö andrö ba soguna ba halöŵö andrö bakha, ba ba nukha ni'amoni'ö andrö. 22 Ba la'ohe — he ira matua ba he ira alawe — dozi si no terou tödö, ba famakhai mbaru ba saeru dalinga, ba laeduru ba aya, awö ngawalö gana'a si no awai; ba awö dozi si no mangohonogöi fame'e ame'ela ana'a khö Yehowa.[4]
23 Ba dozi si so ungu sowu waru-waru ba soyo ba kirimisi ba tarafali ba bu nambi ba uli mbiri-biri si matua, nilau soyo, ba uli guaza mina, ba la'ohe. 24 Ba dozi sedöna mame'e bobotolö firö ba töla, ba labe'e mbobotolö andrö khö Yehowa, ba dozi si so eu bana, ni'oguna'ö ba wamazökhi hadia ia, fefu, ba la'ohe.
25 Ba ira alawe fefu, si so fa'atuka ba mogadi, tangara, ba la'ohe mbana andrö: ungu sowu waru-waru ba soyo ba kirimisi ba tarafali. 26 Ba dozi ira alawe si terou tödö, ba wa'atukara andrö, ba mogadi bu nambi.
27 Ba satua, ba la'ohe weremata una ba feremata bö'ö andrö, nitagu ba nono mbaru ba doto andro ba ba mbola waetasa andrö. 28 Ba remba-remba andrö ba fanikha ba wandru ba ba wanikha famayoini andrö ba nitunu andrö, samohua.
29 Dozi ira matua ba dozi ira alawe, si terou tödö, ba wolohe, ba nifazökhi andrö, ni'oroi'ö Yehowa famazökhi, khö Moze — la'ohe ame'ela saoha gölö khö Yehowa Iraono Gizeraeli.
III. Tefataro tuka Mbesale'eli ba Oholiabi[edit | edit source]
30 Ba imane Moze ba Ndraono Gizeraeli:[5] Hiza, no itötöi Yehowa döi Mbesale'eli andrö, ono Guri, ma'uwu Huri, mado Yuda,[6] 31 ba no ihöna khönia Geheha Lowalangi ba fa'atuka ba fa'aboto ba dödö ba fangila, awö ngawalö wa'onekhe, 32 ba wangalui nekhe-nekhe, ba wolau ya'ia, he ana'a ba he firö ba he töla, 33 ba he ba wolau ba weremata nifa'oli, ba he ba wolau ba geu, ba wamazökhi ngawalö nekhe-nekhe danga fefu.
34 Ba he fa'onekhe ba wamahaö, ba no ibe'e khönia, khönia ba khö Goholiabi andrö, ono Gahizamakhi, mado Dano.[7]
35 No ihöna khöra wa'atuka, ba wolau ngawalö halöŵö andrö, nifolau ziambu ba tuka geu ba tuka wanoso ba sanoso nifola'a-la'a, ungu sowu waru-waru ba soyo ba kirimisi ba tarafali, nifolau zanoso; ba wangasiwai halöŵö andrö, fefu ba ba wangalui nekhe-nekhe.
Famotokhi ba gahe[edit | edit source]
Fabaliŵa lala[edit source]
Olayama Moze II: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö