Wb/nia/Moze II/24
I. Fawu'usa li[edit | edit source]
1 Ba imane khö Moze: Ae miyaŵa khö Yehowa, ya'ugö ba ira A'aroni, Nadabi, Elihu ba satua Ndraono Gizeraeli, fitu ngafulu, ba mi'angalulu khönia; ba zaröu so ami. 2 Ba ha Moze zi hatö'ö ya'ia khö Yehowa; ya'ira andrö, ba lö tola lahatö'ö ira, ba sato, ba böi fao khönia, we'amöi miyaŵa.
3 Ba möi Moze, i'ombakha'ö ba zato goroisa Yehowa andrö fefu ba amakhoitania fefu.
Ba latema linia sato, ha sara li, lamane: Oroisa andrö fefu, nibe'e Yehowa, ba ma'o'ö!
4 Ba itanö ba zura goroisa Yehowa fefu Moze.
Ba mahemolu ö, ba ihulö wongi ifa'anö naha wame'e sumange, ba gahe hili, awö harefa, felendrua, i'ohiaö wa'oya mado Ndraono Gizeraeli, si felendrua. 5 Ba iŵa'ö ba nono matua Ndraono Gizeraeli labe'e zumange nitunu khö Yehowa ba lataba nono zaŵi, si matua, sumange fangorifi.
6 Ba ihalö zi matonga ndro Moze, ilau ba wiga, ba si matonga, ba ibe'e fanefe naha wame'e sumange. 7 Ba ihalö zura wawu'usa li andrö, ba ifarongogö ba zato wombaso.
Ba lamane: Fefu hadia ia niŵa'ö Yehowa, ba mafondrondrongo, ma'o'ö.
8 Ba ihalö ndro no mege Moze, itefe zato, imane: Do wawu'usa li andrö da'e, fawu'usa li nilau Yehowa khömi, dali goroisa andrö fefu.[1]
II. I'oroma'ö ia Lowalangi ba zatua Ndraono Gizeraeli[edit | edit source]
9 Ba möi miyaŵa Moze ba ira A'aroni, Nadabi, Abihu ba satua Ndraono Gizeraeli, fitu ngafulu.[2]
10 Ba oroma khöra Lowalangi Ndraono Gizeraeli; barö gahenia, ba hulö mbatu nila nifa'anö, si mane banua si yaŵa wa'ohahau.[3] 11 Ba nitutuyu andrö ba Ndraono Gizeraeli, ba lö ibabaya. Ba me no lanehegö Lowalangi, ba manga ira.
III. Ifuli möi miyaŵa ba hili Moze ba öfa wulu wonginia ba da'ö[edit | edit source]
12 Ba imane Yehowa khö Moze: Ae miyaŵa khögu ba hili ba ba da'ö iagö, ba ube'e khöu gara wanura andrö, ba nisura goroisa ba amakhoita andrö, nisuragu, ba wamahaö ya'ira.
13 Ba maoso Moze, i'ohe genoninia Yosua andrö; ba möi miyawa ba hili Lowalangi Moze. 14 Ba ba zatua no mege, ba imane: Mibaloiga ba da'e, irege mangawuliga khömi; so sa atö awömi Ga'aroni ba Huri. Na so zi so huhuo, ba yamu'ohe khöra.
15 Ba me no irugi yaŵa hili, ba ibalugö hili lawuo. 16 Ba i'iagö hili Zina'i lakhömi Yehowa. Önö ngaluo wa'ara ibalugö hili lawuo andrö; ba me luo si fitu, ba humede ia khö Moze, moroi ba lawuo. 17 Ba ba wamaigi Ndraono Gizeraeli, ba hulö galitö si manga-manga hadia ia lakhömi Yehowa andrö ba zuzu hili.[4]
18 Ba möi bakha ba lawuo Moze, möi ia miyaŵa ba hili. Ba öfa wulu ngaluo ba öfa wulu mbongi Moze ba hili.[5]
Famotokhi ba gahe[edit | edit source]
Fabaliŵa lala[edit source]
Olayama Moze II: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö