Wb/nia/Moze II/31
I. Famataro tuka nose andrö[edit | edit source]
1 Ba humede Yehowa khö Moze, imane:[1]
2 Hiza, no ukaoni Mbesale'eli andrö, ono Guri ono Huri, mado yuda, no utötöi döi, 3 ba no uhöna khönia Geheha Lowalangi,[2] ba fa'atuka ba fa'aboto ba dödö ba fangila, awö ngawalö wa'ato'ölö,[3] 4 ba wangalui nekhe-nekhe ba wohalöŵö ba gana'a ba ba wirö ba ba döla, 5 ba ba wangazökhi feremata, famoadu, ba fama'anö eu, hadia ia ngawalö.
6 Ba noa göi ube'e awönia Goholiabi, ono Gahizamakhi, mado Dano, ba no ube'e dödö wa'atuka ba duka andrö fefu, ena'ö ahori lafazökhi niŵa'ögu khöu: 7 Ose wama'ele'ö andrö,[4] ba tawöla andrö, naha zura goroisa ba lagö-lagö andrö yaŵa, fabaya fakake ba nose fefu;[5] 8 ba meza andrö, awö wakake khönia, awö naha wanunu samohua, 9 awö naha wame'e sumange nitunu, fabaya fakakenia fefu, ba gala andrö, awö gahenia. 10 Awö nukha nihaogö famazökhi andrö ba nukha ni'amoni'ö khö Ga'aroni, ere andrö, fabaya nukha ndraononia ba wo'ere, 11 ba fanikha famayoini ba samohua andrö nitunu ba ni'amoni'ö andrö. La'o'ö sibai niŵa'ögu khöu, wamazökhi ya'ia.
II. Famasugi ba dödö oroisa ba zabato. Itema zura goroisa si dua görö Moze[edit | edit source]
12 Ba imane Yehowa khö Moze:[6]
13 Be'e li ba Ndraono Gizeraeli, ömane: Böi zi lö itörö tödömi luo wolombase andrö khögu! me no tandra ia khöda, götö-götö wa'ara, ena'ö aboto ba dödö, wa no ya'o, Yehowa, zi amoni'ö ya'ami.[7]
14 Andrö böi olifu ami luo wolombase andrö; ni'amoni'ö ia khömi; ha niha zanawö oroisa ba khönia ba huku famunu hukunia. Na so zangai hadia ia halöŵö, na luo da'ö, ba nise'e da'ö ba niwara.[8] 15 Önö ngaluo zi tola tehalö halöŵö, ba luo si fitu andrö, ba no luo ni'amoni'ö khö Yehowa, lö'ö manö mohalöŵö ba da'ö, dozi sangai halöŵö ba luo sabato, ba huku famunu huku. 16 Andrö böi olifu Ndraono Gizeraeli luo sabato andrö, ba we'amoni'ö ya'ia, götö-götö wa'ara, amakhoita si lö tebulö. 17 Ya tandra ia khöma Iraono Gizeraeli, götö-götö wa'ara. önö ngaluo Yehowa wamazökhi banua si yaŵa, awö danö; ba me luo si fitu andrö, ba molombase ia, ihasugö ia.[9]
18 Ba me no i'o'ozui huhuonia khö Moze, ba ibe'e ba dangania zura goroisa andrö, si dua görö, kara wanura, nisua turu Lowalangi.[10]
Famotokhi ba gahe[edit | edit source]
Fabaliŵa lala[edit source]
Olayama Moze II: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö