Wb/nia/Moze II/7
I. Ifatenge khö Wara'o ndra Moze A'aroni Lowalangi[edit | edit source]
1 Ba imane Yehowa khö Moze: ubali'ö Lowalangi ndra'ugö khö Wara'o; ba ga'au A'aroni, ba si fahuhuo, salahiu.[1] 2 Fefu hadia ia niŵa'ögu khöu, ba öfa'ema, ba ga'au A'aroni zangombakha khö Wara'o, ena'ö i'efa'ö Ndraono Gizeraeli ba danönia. 3 Ba ya'o, ba u'oköli'ö dödö Wara'o andrö ba u'oya'ö wolau tandra ba sahöli-höli dödö, ba danö Miserayi.[2] 4 Ba lö'ö sa ifondrondrongo khömi Fara'o; awena dania ubaya Ndrawa Miserayi, ba uheta ba danö Miserayi ngahönö andrö khögu, banuagu andrö, Iraono Gizeraeli, fao wangoroma'ö fa'abölö, si lö ambö. 5 Ba ya'aboto dania ba dödö Ndrawa Miserayi, wa no Yehowa ndra'odo, na tosinga khöra wa'abölögu ube'e, ba na uheta ba ngaira Ndraono Gizeraeli.[3]
6 Ba la'o'ö niŵa'ö Yehowa khöra ira Moze A'aroni; da'ö lalau.
7 Ba no 80 fakhe Moze ba 83 Ga'aroni, me fahuhuo ira khö Wara'o.
8 Ba imane Yehowa khö ndra Moze A'aroni: 9 Na iŵa'ö khömi Fara'o: Mifazökhi dandra! ba ömane khö Ga'aroni: Labu, tibo'ö tou zi'ou föna Wara'o, ba tobali ulö sebua dania.
10 Ba möi khö Wara'o ndra Moze A'aroni, ba lalau niŵa'ö Yehowa: Itibo'ö tou zi'onia A'aroni, föna Wara'o ba föna ngoni-ngoninia, ba tobali ulö sebua.[4]
11 Ba ifakaoni'ö zatua-tua ba si no to'ölö ba gelemu Fara'o; ba lalau göi zi manö si fakelemu andrö, elemura andrö:[5]
12 Itibo'ö tou zi'onia zamösana, ba tobali ulö sebua; ba itölö sa zi'ora si'o Ga'aroni.
13 Ba lö tebulö wa'abe'e dödö Wara'o, ba lö i'o'ö khöra, itörö niŵa'ö Yehowa.
II. Böröta wamakao andrö: Tobali do nidanö[edit | edit source]
14 Ba imane Yehowa khö Moze: No abe'e dödö Wara'o ba te khönia ifofanö ira. 15 Mahemolu mbanua ae khö Wara'o ba ondrasi ia, na möi ia mondri ba mbewe Nilo, ohe tangau zi'o andrö, si no tobali ulö, ba ömane khönia: 16 Yehowa andrö, Lowalangi niha Heberaio zamatenge ya'o khöu, ba wanguma'ö khöu: Fofanö mbanuagu andrö, ena'ö lafosumange ndra'o ba danö si mate. Ba lö nifondrondrongou irugi da'e.
17 Ba imane sa'ae Yehowa: Ba da'ö aboto ba dödöu dania, wa Yehowa ndra'odo: ubözi dania nidanö ba Nilo si'o andre, si so ba dangagu, ba tobali do.[6] 18 Ba yamate gi'a ba Nilo ba ya'aböu Nilo, fa ogoro Ndrawa Miserayi wamadu idanö Nilo andrö.
19 Ba imane Yehowa khö Moze: ŵa'ö khö Ga'aroni: halö zi'ou andrö ba oro'ö dangau yaŵa nidanö Miserayi, yaŵa mbombo ba yaŵa lala nidanö niko'o ba yaŵa mbaŵa nidanö ba yaŵa nahia nidanö fefu: yatobali do; ya do manö ba danö Miserayi ma'asagörö, he ba nahia eu ba he ba nahia kara.
20 Ba la'o'ö ira Moze A'aroni niŵa'ö Yehowa khöra. Ifazaŵa zi'onia, ibözi nidanö ba Nilo, ba zanehe Wara'o, awö ngoni-ngoninia: ba tobali do nidanö fefu, ba Nilo.[7] 21 Ba i'a ba Nilo, ba mate ba aböu Nilo, tobali tebai sa'ae labadu nidanö ba Nilo Dawa Miserayi. Ba do manö fefu gofu heza ba danö Miserayi.
22 Ba lalau göi zi manö si fakelemu andrö, Dawa Miserayi, elemura andrö. Ba lö tebulö wa'abe'e dödö Wara'o, ba lö i'o'ö khöra, itörö niŵa'ö Yehowa.
23 Ba i'erogö ira Fara'o, möi ia miyomo; lö ibe e ba dödönia.
24 Ba lakhao danö Dawa Miserayi fefu, ba mbewe Nilo, wangalui idanö nibadu, me tebai labadu nidanö Nilo andrö.
25 Ba famakao andrö, nifatörö Yehowa, ba Nilo andrö, ba alo'o fitu bongi wa'ara.
Famotokhi ba gahe[edit | edit source]
Fabaliŵa lala[edit source]
Olayama Moze II: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö