Wb/nia/Moze II/20

From Wikimedia Incubator
< Wb‎ | nia‎ | Moze II
Wb > nia > Moze II > 20
FAZA 20

Fame'e oroisa si fulu[edit | edit source]

I. 1 Ba iŵa'ö daroma li andrö fefu Yehowa, imane:

2 ya'odo Yehowa Lowalangiu, si no mangeheta ya'ugö ba danö Miserayi andrö, ba zi no möi sawuyu ami. [1].

3 Böi so khömö Lowalangi tanö bö'ö, baero ndra'o. [2].

4 Böi fazökhi khöu nadu, ba he famaedo hadia ia, he si so si yaŵa ba mbanua, ba he si so si tou ba guli danö, ba he si so ba nidanö, barö danö. [3].

5 Böi angalulu khönia ba böi fosumange ia, me no Lowalangi solohu ndra'o, ya'odo andre, Yehowa, Lowalangiu, sanguhuku horö ndra ama ba ndraono ba ba ma'uwu mitou, khöra si fatiu tödö khögu,

6 ba si hakhösi tödö sangomasi'ö ya'o ba solo'ö oroisagu; irugi hönö nga'ötö.

7 Böi tötöi döi Lowalangiu Yehowa ba waya; lö'ö sa zi lö ihuku Yehowa zanötöi töinia ba waya. [4].

8 Ame'egö tödö luo wolombase andrö, ba we'amoni'ö ya'ia. [5].

9 Önö ngaluo mohalöŵö ndra'ugö ba öhalö halöŵöu fefu.

10 Ba ero fitu bongi, ba luo wolombase khö Lowalangiu Yehowa; böi babaya hadia ia halöŵö ba da'ö, he ya'ugö, ba he onou matua, ba he onou alawe, ba he sangai halöŵö khöu ira matua ba he sangai halöŵö khöu ira alawe, ba he uriföu, ba he si fatewu khöu ba mbanuami bakha.

11 Önö ngaluo sa mege khö Yehowa, ba wamazökhi banua si yaŵa, awö danö, awö nasi, awö nösira fefu; ba ba luo si fitu, ba no molombase ia. Andrö wa no ifahawu'ö luo si fitu andrö Yehowa, ba no i'amoni'ö. [6].

12 Fosumange namau, awö ninau, ena'ö anau nosou ba danö, nibe'e Lowalangiu Yehowa khöu. [7].

13 Böi ange'e. [8].

14 Böi ohorö. [9].

15 Böi anagö. [10].

16 Böi böbögö khö nawöu zi lö duhu. [11].

17 Böi isö nomo nawöu. Böi isö wo'omo nawöu ba he sangai halöŵö khönia ira matua, ba he sangai halöŵö khönia ira alawe, ba he öröbaonia, ba he kudonia, ba he hadia ia, fefu, nibaya-baya nawöu. [12].

Fa'ata'u zato[edit | edit source]

II. 18 Ba me larongo sato fefu we'ugu-ugu mbanua andrö ba me la'ila gari mbanua andrö, ba me larongo li dorofe ba me la'ila wanimbo hili, ba ata'u ira ba manizi-nizi ba ba zaröu la'iagö.

19 Ba lamane khö Moze: Sökhi na ya'ugö zihede khöma, ba samondrongo ndra'aga. Sökhi na tenga Lowalangi zihede khöma, fa böi mate ndra'aga. [13].

20 Ba imane Moze ba zato: Böi mi'ata'ufi; ba wanandraigö ya'ami sa so Lowalangi, ba ena'ö mi'ata'ufi ia, fa böi mifazökhi horö. [14].

21 Ba ba zaröu la'iagö sato, ba möi ba lawuo saitö andrö bakha Moze, ba zi so Lowalangi bakha.

Oroisa ba wama'anö naha wame'e sumange[edit | edit source]

III. 22 Ba imane Yehowa khö Moze: Da'ö niŵa'öu ba Ndraono Gizeraeli: No mi'ila, wa no muhededo khömi moroi ba mbanua si yaŵa.

23 Böi mifazökhi khömi nadu firö baerogu, ba he adu ana'a, ba böi mifazökhi khömi.

24 Naha wame'e sumange öfa'anö khögu, tanö, ba ba dete da'ö öbe'e zumange nitunu andrö khöu ba sumange fangorifi, biri-biri ba saŵi andrö khöu; ba nahia andrö fefu, nihonogöigu ba da'ö, ba wamosumange ya'odo ba da'ö, möido khöu, ba ufahowu'ö ndra'ugö.

25 Ba na öfa'anö khögu naha wame'e sumange, kara, ba lö tola öfake gara nitoto, wama'anö ya'ia; na ölau khönia wakake si'öli, ba salakha öfatörö khönia. [15].

26 Ba lö tola göi ora ötörö, we'amöi yaŵa ba naha wame'e sumange andrö khögu, fa böi tehoi fönania mbalu-balu zaila ndra'ugö.

Famotokhi ba gahe[edit | edit source]

  1. MozV 5, 6—21. Sin 81, 11. Hos 13, 4
  2. Yos 24, 14
  3. Sin 97, 7. Yes 40, 18
  4. Mos. III. 19, 12
  5. Faigi 31, 13; 35, 2
  6. MozI 2, 2
  7. MozIII 19, 3. Mat 15, 4. Efes 6, 2
  8. MozI 9, 6. Mat 5, 21
  9. MozIII 20, 10. Mat 5, 27. Heb 13, 4
  10. Efes 4, 28
  11. MozV 19, 18
  12. Rom 7, 7
  13. MozIV 18, 16. Heb 12, 19
  14. MozV 5, 28
  15. MozV 27, 5

Fabaliŵa lala[edit source]

Olayama Moze II: 12345678910111213141516171819202122232425262728293031323334353637383940

Amabu'ulali Siföföna: Moze IMoze IIMoze IIIMoze IVMoze VYosuaSanguhukuRutiSamueli ISamueli IIRazo IRazo IINga'ötö INga'ötö IIEseraNehemiaEsiteraYobiSinunöAmaedola ZelomoSangombakhaSinunö SebuaYesayaYeremiaNgenu-Ngenu YeremiaHezekieliDanieliHoseaYoeliAmosiObadiaYonaMikhaNakhumiHabakukiSefaniaHagaiSakhariaMaleakhi

Bale zato: OlayamaAngombakhataBawagöli zatoMonganga afoNahia wamakoriNga'örö spesialNgawalö wanoloSafuria tebulöSanandrösaSangai halöŵö