Wb/nia/Moze II/10

From Wikimedia Incubator
< Wb‎ | nia‎ | Moze II
Wb > nia > Moze II > 10
FAZA 10

Famakao fanete zi fitu: Tamo; ba[edit | edit source]

I. 1 Ba imane Yehowa khö Moze: Ae khö Wara'o, noa sa u'abe'e'ö dödönia ba tödö ngoni-ngoninia, ba wolau khönia tandra andrö khögu.

2 Ba ena'ö ödunö-dunö dania ba ndraonou ba ba ma'uwumö, hadia nifatörögu ba Ndrawa Miserayi, awö dandra andrö khögu, nilaugu khöra, ena'ö aboto ba dödömi, wa no ya'o Yehowa.

3 Ba möi khö Wara'o ndra Moze A'aroni, ba lamane khönia: Da'ö niŵa'ö Yehowa andrö, Lowalangi niha Heberaio: Ha wa'ara na tekhöu ö'ideide'ö ndra'ugö fönagu? Fofanö mbanuagu andrö, ena'ö lafosumange ndra'o!

4 Na tekhöu sa öfofanö mbanuagu, ba mahemolu, ba uasogö damo ba danöu,

5 ba alakha lahawui danö ma'asagörö, irege lö'ö sa'ae oroma danö tou. La'a dania zi tosai andrö, sauri na, ba si lö ahori na ba deu kara andrö, ba bulu geu fefu, sauri ba mbenua, ba lahori.

6 Ba moliha-liha dania ira ba mbate'e khömö ba ba mbate'e ngoni-ngoniu fefu ba ba mbate'e Ndrawa Miserayi fefu, irege zi lö larai mila ira tua moroi yaŵa, irugi ma'ökhö, götö wa no so ira ba guli danö. Aefa iŵa'ö da'ö, ba i'erogö Wara'o, ilau mofanö.

7 Ba lamane khö Wara'o ngoni-ngoninia: Ha wa'ara tö na tatehe tandraŵada niha andrö? Fofanö sa'ae niha andrö, ena'ö lafosumange Lowalangira Yehowa. Hadia lö saboto ba dödöu na wa si tekiko danö Miserayi?

8 Ba lakaoni mangawuli khö Wara'o ndra Moze A'aroni, ba imane khöra: Ba mi'ae'e ba mifosumange Lowalangimi Yehowa; ba ha niha atö zi möi miŵa'ö?

9 Imane Moze: Ono sawuyu khöma ba satua khöma, ba ma'ohe; ba ono matua khöma ba ono alawe ba biri-birima ba saŵima, ba ma'ohe; so sa khöma gowasa, nilau khö Yehowa. [1].

10 Ba imane khöra: Lau! yamutolo ami Yehowa, na ufa'ohe'ö khömi ndraono sawuyu khömi; si ndruhu, no so ba dödömi zi lö sökhi!

11 Tebai da'ö; akha möi ndra matua mamosumange Yehowa; ha sa da'ö niŵa'ömi! Ba lafofanö ira ba da'ö khö Wara'o.

12 Ba imane Yehowa khö Moze: Oro'ö dangau yaŵa danö Miserayi ba asogö damo, alakha lahawui danö Miserayi, ba wangohori fefu zinanö ba danö, fefu hadia ia zi tosai ba deu kara no.

13 Ba i'oro'ö zi'onia Moze yaŵa danö Miserayi, ba ifatörö ba danö nangi timu Yehowa, sara luo sara mbongi; ba me moluo, ba no i'ohe damo angi timu andrö.

14 Ba lahawui danö Miserayi tamo andrö, dozi banua ba danö Miserayi aekhu ira, oya sibai; lö irai si manö wa'oya föna, damo, ba lö'ö manö göi ifuli si manö dania.

15 Ba lahawui danö ma'asagörö, tobali lö'ö sa'ae oroma danö tou; ba lahori fefu zinanö ba danö ba bua geu fefu, si tosai ba deu kara no; tobali ma'ifu lö tosai bulu sauri, he ba geu ba he ba zinanö ba danö, ba danö Miserayi, ma'asagörö.

16 Ba i'aliogö ifakaoni'ö ndra Moze A'aroni Fara'o, ba imane: No sala ndra'odo khö Yehowa, Lowalangimi, ba khömi göi. [2].

17 Ba mibologö dödömi khögu ba lalögu andrö, hatö zi samuza andre, ba mi'angandrö khö Lowalangimi, Yehowa, salahigu, ena'ö itimba atö khögu wamunu andre!

18 Ba iröi Wara'o [Moze] ba mangandrö ia khö Yehowa.

19 Ba ifatörö nangi sabe'e moroi ba gaekhula Yehowa, zuzumö, sangoloi'ö tamo andrö ba sanibo ba nasi zukhu; sambua lö tosai tamo, ba danö Miserayi ma'asagörö.

20 Ba i'abe'e'ö dödö Wara'o Yehowa, ba lö ifofanö Ndraono Gizeraeli.

fanete zi ŵalu: Fa'ogömi-gömi[edit | edit source]

II. 21 Ba imane Yehowa khö Moze: Oro'ö dangau miyaŵa ba mbanua, ba ihawui danö Miserayi fa'ogömi-gömi, tobali la'ila mura'u tanga wa'ogömi-gömi andrö. [3].

22 Ba i'oro'ö dangania miyaŵa, ba mbanua, Moze, ba ihawui fa'ogömi-gömi danö Miserayi ma'asagörö, tölu bongi wa'ara.

23 Tobali lö i'ila nawönia zamösana, ba tebai maoso, tebai iröi nahania zi tölu bongi andrö. Ba ba Ndraono Gizeraeli fefu, ba moluo ba nahiara.

24 Ba ifakaoni ö Moze Fara'o, imane: Mi'ae'e ba wamosumange Yehowa; ba biri-birimi ba saŵimi, ba toröi; iraono sawuyu khömi, ba hana na fao.

25 Ba imane Moze: Ya'ugö zama'ohe'ö khöma sumange nitaba ba sumange nitunu, ena'ö ma'asiwai khö Lowalangima Yehowa,

26 ba si fao göi guriföma — sambua sa'a lö tola toröi furi, me soguna khöma ba wamosumange Lowalangima Yehowa; lö'ö sa ma'ila na, he mawisa wamosumange Yehowa, irege no marugi da'ö.

27 Ba i'abe'e'ö dödö Wara'o Yehowa, ba tekhönia ifofanö ira.

28 Ba imane khönia Fara'o: Labu'ögö! Angelama, fa böi sa'ae fa'ila bawa ita; na fa'ila bawa ita sa, ba si mate ndra'ugö.

29 Ba imane Moze: Ba no öŵa'ö; lö'ö sa'ae fa'ila bawa ita.


Famotokhi ba gahe[edit | edit source]

  1. Faigi 5, 1
  2. Faigi 9, 27
  3. Mat 27, 45

Fabaliŵa lala[edit source]

Olayama Moze II: 12345678910111213141516171819202122232425262728293031323334353637383940

Amabu'ulali Siföföna: Moze IMoze IIMoze IIIMoze IVMoze VYosuaSanguhukuRutiSamueli ISamueli IIRazo IRazo IINga'ötö INga'ötö IIEseraNehemiaEsiteraYobiSinunöAmaedola ZelomoSangombakhaSinunö SebuaYesayaYeremiaNgenu-Ngenu YeremiaHezekieliDanieliHoseaYoeliAmosiObadiaYonaMikhaNakhumiHabakukiSefaniaHagaiSakhariaMaleakhi

Bale zato: OlayamaAngombakhataBawagöli zatoMonganga afoNahia wamakoriNga'örö spesialNgawalö wanoloSafuria tebulöSanandrösaSangai halöŵö