Wb/nia/Moze IV/5
Niheta ba golombaseŵa zi ra'iö[edit | edit source]
I. 1 Ba humede Yehowa khö Moze, imane: 2 Ŵa'ö ba Ndraono Gizeraeli, laheta ba golombaseŵa dozi si no göna bou auri ba si so si hulö zonana, ba dozi si no ra'iö, me no lababaya mboto zi mate.[1] 3 He ira matua, ba he ira alawe, ba ni'ohe baero, fa böi ra'iö nahiara labe'e, me no ya'odo zi soso ba khöra.
4 Ba la'o'ö da'ö Iraono Gizeraeli, la'ohe baero golombaseŵa, dali niŵa'ö Yehowa khö Moze, si manö wolau Ndraono Gizeraeli.
Nisalahini zinagö[edit | edit source]
II. 5 Ba humede Yehowa khö Moze, imane: 6 Ŵa'ö ba Ndraono Gizeraeli: Na lafazökhi horö, he ira matua, ba he ira alawe, horö nifazökhizökhi niha, na lalimo Yehowa, ba na tobali mo'ömö niha si manö,[2] 7 ba ndra mu'ombakha'ö horö andrö, nifazökhira, ba la'ali zinagöra andrö, böi ambö, ba sambua ni'olima wa'ebuania lanönö, ba ba nilimora labe'e.[3] 8 Ba na lö sahatö ba da'ö, ba nibe'e ogauta andrö ena'ö, ba khö Yehowa möi gogauta andrö nibe'e, tana ba gere, lö lai mbiri-biri si matua andrö, fangatulö, nibe'e ba wangatulö ya'ia. 9 Ba fefu zi no amaedola wegero andrö, föfö game'ela Ndraono Gizeraeli andrö, ni'amoni'ö, fefu, ni'ohera khö gere, ba tana khönia. 10 Fefu hadia ia ni'amoni'ö niha, ba khönia; hadia ia nibe'e niha khö gere, ba no khönia.
Folohe ba duna na so ndra alawe niŵa'ö sohorö[edit | edit source]
III. 11 Ba humede Yehowa khö Moze, imane: 12 Hede ba Ndraono Gizeraeli, ömane khöra: Na mosala ndronga niha, na ilimo ia, 13 na so zorudu khönia [niha bö'ö] ba na lö irongo sodonga ya'ia, na lö teboka, he ŵa'ae no rai'ö ia ibe'e, ba na lö'ö göi si so ba mbörö, na lö mura'u baewawö, 14 ba na tesao khönia wa'olohu, na oloho ia ba khö ndrongania, me no ra'iö ia ibe'e — ma na tesao khönia wa'olohu, fa olohu ia ba khö ndrongania, he ŵa'ae lö si ra'iö ia — 15 ba yamu'ohe khö gere ndrongania niha da'ö, ba i'olohe'ö sumange andrö, niŵa'ö, nibe'e, ba khönia andrö: sadumba hamo gandru, ba lö tola ilau yaŵa wanikha, ba he kumöyö, ba lö tola ilau. Me no sumange ni'a, ba wa'olohu, sumange ni'a fama'ele'ö, famokai horö.
16 Ba yamufa'aso ia [ndra alawe andrö] ere, yamube'e föna Yehowa.
17 Ba ihalö nidanö ni'amoni'ö ere, ba nahia tanö; ba tanö ma'ifu ihalö ere, tou, baose, ba ilau ba nidanö andrö. 18 Ba ibe'e föna Yehowa ndra alawe andrö ere, idudugö mbunia ba ibe'e ba dangania zumange ni'a andrö, sumange fama'ele'ö — no sumange ni'a, ba wa'olohu; ba idanö safeto andrö, idanö fangelifi, ba i'ohe tangania ere. 19 Ba idöni ba duna[4] ndra alawe ere, imane khönia: Na lö sorudu khöu niha, na lö si sala ndra'ugö ba na tenga si ra'iö ndra'ugö ba na lö horöu khö ndrongau, ba böi yatobali famunumö nidanö safeto andre, idanö fangelifi. 20 Ba na no atö mosala ndra'ugö, na so horöu khö ndrongau, na no ra'iö ndra'ugö öbe'e, na no urudu khöu niha bö'ö, baero ndrongau — 21 (ba yamube'e ba hölu ndra alawe andrö ere, ba hölu fangelifi, imane ba ndra alawe andrö ere:) Yamube'e ni'elifi ndra'ugö Yehowa, ba niwami; yamube'e Yehowa ariri zolamö ba abao dalumö; 22 ba yamutörö mbetu'au idanö fangelifi andre, ena'ö abao dalumö ba ena'ö ariri zolamö! Ba imane dania ira alawe: Yaduhu! Yaduhu!
23 Ba itanö ba zura wangelifi andrö ere, ba isasai ba nidanö safeto andrö, 24 ba ifabadugö ba ndra alawe andrö nidanö safeto andrö, idanö fangelifi, ena'ö itörö dalunia idanö fangelifi andrö ba ena'ö afeto khönia. 25 Ba ihalö sa'ae ba danga ndra alawe zumange ni'a andrö ere, sumange ba wa'olohu andrö; ihahae zumange ni'a andrö föna Yehowa, ba i'ohe ba naha wame'e sumange. 26 Ba ihalö zi sadane ere, föfö zumange ni'a andrö, ihalö samohua, nibe'e, föfönia, ba itunu ba naha wame'e sumange; aefa da'ö, ba ifabadugö ba ndra alawe andrö nidanö andrö.
27 Ba na no ifabadugö khönia nidanö, ba na si ra'iö ia, na no ilimo ndrongania, ba itörö dalunia idanö fangelifi andrö, ba tobali afeto khönia: abao dania dalunia ba ariri zolania, ba ni'elifi ndra alawe andrö na niwara. 28 Ba na tenga si ra'iö ndra alawe andrö, na lö fa'ara'iönia, ba lö göna ia hadia ia, ba tola manabina ia.
29 Da'ö gamakhoita ba wa'olohu. Na mosala ndra alawe, na so horönia khö ndrongania, na si ra'iö ia, 30 ba ma zui na tesao wa'olohu ba ndra matua, na olohu ia ba khö ndrongania, ba yamu'ohe föna Yehowa ndra alawe andrö, ba yamufatörö khönia nifakhoi andrö, fefu.
31 Ba ira matua andrö, ba si lö horö; ba ira alawe si manö ba ilu'i horönia.
Famotokhi ba gahe[edit | edit source]
Fabaliŵa lala[edit source]
Olayama Moze IV: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö