Wb/nia/Moze IV/1

Fangofaya niha; salaŵara

I. 1 Ba humede Yehowa khö Moze ba danö si mate, ba gahe hili Zina'i, ba nose wama'ele'ö andrö, me fasulöna ba mbaŵa si dua, me döfi si dua, aefa aheta ira ba danö Miserayi, imane:

2 Mi'ofaya ha wa'ato mbanua Ndraono Gizeraeli andrö, sambu-sambua mado ba sawu-sawu, ba töira, sambu-sambua, dozi motöi matua, samö-samösa. 3 Dozi solohe baluse, ba Ndraono Gizeraeli, i'otarai zi 20 fakhe fa'ebua, ba si a'a moroi andrö, ba mi'ofaya, samba-sambawa, ya'ugö ba A'aroni. 4 Ba sambu-sambua mado, ba samö-samösa tebe'e awömi, högö niwara andrö. 5 Da'ö döi nibe'e awömi: ba mado Rubeno, ba Elisuri, ono Zedeuri. 6 Ba ba mado Zimeoni, ba Selumieli, ono Zuri-Sada'i. 7 Ba ba mado Yuda, ba Nahaso, ono Gaminadabi. 8 Ba ba mado Isasari, ba Natana'eli, ono Zuara. 9 Ba ba mado Zebuloni, ba Eliabi, ono Helono. 10 Ba ba Ndraono Yosefo: ba mado Geferayi, ba Elizama, ono Gamihudi, ba ba mado Manase, ba Gamelieli, ono Wedasuri. 11 Ba ba mado Mbeniyami, ba Abidano, ono Gideono. 12 Ba ba mado Dano, ba Ahiezeri, ono Ami-Sada'i. 13 Ba ba mado Gaseri, ba Fagieli, ono Okherana. 14 Ba ba mado Gado, ba Eliazafi, ono Degueli. 15 Ba ba mado Nafetali, ba Ahira, ono Genano. 16 Da'ö nituyu ba zato, högö niwara andrö, högö ngahönö Ndraono Gizeraeli.

Sabölö zi felendrua tua

II. 17 Ba lafakaoni'ö niha andrö, si no mutötöi khöra, ira Moze A'aroni, 18 ba lafalukha'ö mbanua ma'afefu, me fasulöna ba mbaŵa si dua. Ba lafatanö'ö ba zura wa'atumbu döira, iwara ba ngafura ba töira, si ha sambu-sambua, i'otarai zi 20 fakhe fa'ebua ba si a'a moroi andrö, samö-samösa. 19 Dali niŵa'ö Yehowa khö Moze; si manö sa wangofayania ya'ira ba danö si mate, ba gahe hili Zina'i.

20 Ba fa'ato nga'ötö ndraono Rubeno, si a'a ndraono Gizeraeli, iwara ba ngafura ba töira, si ha sambu-sambua, ni'ofaya, samö-samösa — dozi motöi matua, i'otarai zi 20 fakhe fa'ebua ba si a'a moroi andrö, dozi solohe baluse, 21 ha wa'ato ni'ofaya, mado Rubeno, ba no 46.500.

22 Ba fa'ato nga'ötö ndraono Zimeoni, iwara ba ngafura ba töira, si ha sambu-sambua, ni'ofaya, samö-samösa — dozi motöi matua, i'otarai zi 20 fakhe fa'ebua ba si a'a moroi andrö, dozi solohe baluse, 23 ha wa'ato ni'ofaya, mado Zimeoni ba no 59.300.

24 Ba fa'ato nga'ötö ndraono Gado, iwara, ba ngafura ba töira, si ha sambu-sambua, i'otarai zi 20 fakhe fa'ebua ba si a'a moroi andrö, dozi solohe baluse, 25 ha wa'ato ni'ofaya, mado Gado, ba no 45.650.

26 Ba fa'ato nga'ötö ndraono Yuda, iwara ba ngafura ba töira, si ha sambu-sambua, i'otarai zi 20 fakhe fa'ebua ba si a'a moroi andrö, dozi solohe baluse, 27 ha wa'ato ni'ofaya, mado Yuda, ba no 74.600.

28 Ba fa'ato nga'ötö ndraono Izasari, iwara ba ngafura ba töira, si ha sambu-sambua, i'otarai zi 20 fakhe fa'ebua ba si a'a moroi andrö, dozi solohe baluse, 29 ha wa'ato ni'ofaya, mado Izasari, ba no 54.400.

30 Ba fa'ato nga'ötö ndraono Zebuloni, iwara ba ngafura ba töira, si ha sambu-sambua, i'otarai zi 20 wulu fakhe fa'ebua ba si a'a moroi andrö, dozi solohe baluse, 31 ha wa'ato ni'ofaya, mado Zebuloni, ba no 57.400.

32 Ba ba ndraono Yosefo andrö, ba fa'ato nga'ötö ndraono Geferayi, iwara ba ngafura ba töira, si ha sambu-sambua, i'otarai zi 20 fakhe fa'ebua ba si a'a moroi andrö, dozi solohe baluse, 33 ha wa'ato ni'ofaya, mado Geferayi, ba no 40.500.

34 Ba fa'ato nga'ötö ndraono Manase, iwara ba ngafura ba töira, si ha sambu-sambua, i'otarai zi 20 fakhe fa'ebua ba si a'a moroi andrö, dozi solohe baluse, 35 ha wa'ato ni'ofaya, mado Manase, ba no 32.200.

36 Ba fa'ato nga'ötö ndraono Mbeniyami, iwara ba ngafura ba töira, si ha sambu-sambua, i'otarai zi 20 fakhe fa'ebua ba si a'a moroi andrö, dozi solohe, baluse, 37 ha wa'ato ni'ofaya, mado Mbeniyami, ba no 35.400.

38 Ba fa'ato nga'ötö ndraono Dano, iwara ba ngafura ba töira, si ha sambu-sambua, i'otarai si 20 fakhe fa'ebua ba si a'a moroi andrö, dozi solohe baluse, 39 ha wa'ato ni'ofaya, mado Dano, ba no 62.700.

40 Ba fa'ato nga'ötö ndraono Gaseri, iwara ba ngafura ba töira, si ha sambu-sambua, i'otarai zi 20 fakhe fa'ebua ba si a'a moroi andrö, dozi solohe baluse, 41 ha wa'ato ni'ofaya mado Gaseri, ba no 41.500.

42 Ba fa'ato nga'ötö ndraono Nafetali, iwara ba ngafura ba töira, si ha sambu-sambua, i'otarai zi 20 fakhe fa'ebua ba si a'a moroi andrö, dozi solohe baluse, 43 ha wa'ato ni'ofaya, mado Nafetali, ba no 53.400.

44 Da'ö ni'ofaya andrö, ni'ofaya ndra Moze A'aroni ba salaŵa Ndraono Gizeraeli; felendrua da'ö, sambu-sambua mado, ba samö-samösa. 45 Ba dozi ni'ofaya, Iraono Gizeraeli, ngafura andrö, i'otarai zi 20 fakhe fa'ebua ba si a'a moroi andrö, dozi solohe baluse ba Ndraono Gizeraeli — 46 dozi ni'ofaya, ba no 603.550.

Te'oniagö Nono Lewi

III. 47 Ba Ono Lewi andrö, iwara andrö, ba lö lafao khöra ba wangofaya.

48 Ba humede Yehowa khö Moze, imane: 49 Ono Lewi andrö, ba lö tola ö'ofaya, lö tola ö'erai wa'atora, ba ngai Ndraono Gizeraeli bö'ö. 50 Ba nahia zura goroisa öfataro Nono Lewi, ba ba wakakenia, fefu, ba ba zi faböbö khönia, fefu. Ya'ira zangosa'ö ose andrö, awö wakake andrö ba khönia fefu, ba ya'ira zangai halöŵö ba da'ö, lafasui nose wame'e nahiara. 51 Ba na mofanö nose, ba Ono Lewi zanudugö, ba na tebato nose, ba Ono Lewi zama'anö, ba na so niha bö'ö, si hatö'ö ya'ia, ba nibunu. 52 Ba Iraono Gizeraeli bö'ö, ba yamufaigi nahania zamösana ba zinga mandrera khöra, dali ngawawara andrö. 53 Ba Ono Lewi, ba lafasui nahia zura goroisa, wame'e nahara, fa böi göna fönu Lowalangi Ndraono Gizeraeli sato. Ba lahalö-halö halöŵö ba nahia zura goroisa Ono Lewi andrö. 54 Ba la'o'ö sibai Iraono Gizeraeli niŵa'ö Yehowa khö Moze — ba da'ö labe'e.

Famotokhi ba gahe

Fabaliŵa lala

Olayama Moze IV: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36

Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö