Wb/nia/Moze IV/19

I. Labe'e fangehao nawu zawi soyo

1 Ba humede Yehowa khö ndra Moze A'aroni, imane: 2 Da'ö gamakhoita, nifakhoi Yehowa, me imane:

Ŵa'ö ba Ndraono Gizeraeli, ndramu'ohe khöu zawi soyo, si lö si sala, si lö hadia ia zi lö göna ba ba zi lö murai muhare'ö kalo mbagi. 3 Ba mibe'e ba danga Geleazari ere andrö; ba la'ohe baero, föna golombaseŵa, ba lataba ba zanehe ia. 4 Ba ihalö ndronia ma'ifu Eleazari ere andrö, turunia, ba mewitu itefe do andrö ösa gamaudu mbawa duasa nose wama'ele'ö. 5 Aefa da'ö, ba latunu zawi andrö ba zanehe ia; ulinia ba ösinia ba donia, ba nitunu, fabaya tainia. 6 Ba ihalö geu eresi ere ba sufa ba kirimisi, ba itibo'ö ba galitö fanunu zawi andrö.

7 Aefa da'ö, ba ibabago nukhania ere ba mondri. Awena tola ifuli ia ba golombaseŵa; ba si ra'iö na gere, irege bongi.

8 Ba sanunu ya'ia [sawi andrö] göi, ba ibabago nukhania ba mondri ba si ra'iö ia, irege bongi.

9 Ba si lö si ra'iö zangozaragö awu zawi andrö, ba itou'ö tou ba naha si sökhi, baero, föna golombaseŵa, ena'ö te'irö'ö soguna ba Ndraono Gizeraeli sato, nifaruka ba nidanö fangehao; sumange fameta horö ia. 10 Ba sangozaragö awu zawi andrö, ba ibabago nukhania ba si ra'iö ia irege bongi.

Ba huku si lö tebulö ba Ndraono Gizeraeli ba ba niha bö'ö, si soso ba khöra da'ö, si götö-götö fa'ara:

II. Idanö fangehao ba he lawisa wangoguna'ö ya'ia

11 Ha niha zombambaya si mate, hadia ia mboto niha si no mate, ba fitu bongi ra'iö ia. 12 Da'ö zame'e fameta zalania ya'ia [idanö no mege], na luo si tölu ba na luo si fitu, ba abeta wa'ara'iönia. Ba na lö iheta zalania, na luo si tölu ba na luo si fitu, ba dörö-döro ra'iö ia. 13 Ha niha zombamba-mbaya si mate, boto niha si no mate, ba lö iheta zalania, ba ra'iö nose Yehowa ibe'e, ba nise'e ba Ndraono Gizeraeli niha si manö; me lö mutefe ia idanö fangehao, ba si ra'i-ra'iö ia; falemba khönia wa'ara'iönia, si lö mamalö-malö.

14 Ba da'ö gamakhoita, na so zi mate baose: Dozi si möi baose andrö ba dozi si tohöna bakha, ba fitu bongi wa'ara ra'iö. 15 Ba fefu nahia, si lö lagö-lagö, lagö-lagö niböbö sinali, ba ra'iö. 16 Si manö göi dozi si fabaya ba nibunu baero ba mbenua ba ma ba zi mate ba da'ö ba ma ba döla zi mate ba ma ba lewatö, ba fitu bongi wa'ara ra'iö. 17 Ba ba zi no ra'iö si manö ba ndramuhalö nawu zumange fameta horö andrö, si no mutunu, labe'e ba nahia ba lalau yaŵa nidanö gumbu. 18 Ba si lö fa'ara'iö zangai sufa, i'ungugö ba nidanö andrö ba itefe nose andrö, awö gama-gama fefu, awö niha, si so baose, awö zi no fabaya ba döla zi mate ba ma ba nibunu, ba ma ba zi mate manö ba ma ba lewatö. 19 Na luo si tölu ba na luo si fitu itefe zi ra'iö si lö fa'ara'iö, ba aheta zalania ibe'e, na luo si fitu andrö. Ba ibabago nukhania ba mondri, ba aheta wa'ara'iönia na bongi.

20 Ba na so zi ra'iö ba lö iheta zalania, ba nise'e ba zato zi manö; noa sa ra'iö ni'amoni'ö andrö khö Yehowa ibe'e: lö mutefe ia idanö fangehao, andrö wa si ra'iö ia. 21 Amakhoita si lö tebulö khömi da'ö, nitörö, götö-götö wa'ara. Ba sanefe idanö fangehao andrö, ba ibabago nukhania, ba sombambaya idanö fangehao, ba ra'iö, irege bongi. 22 Ba fefu hadia ia, nibabaya zi nora'iö andrö, ba ra'iö, ba si manö göi dozi sombambaya ya'ia, bara'iö, irege bongi.

Famotokhi ba gahe

Fabaliŵa lala

Olayama Moze IV: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36

Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö