Wb/nia/Moze IV/18
I. Halöŵö gere ba halöŵö nono Lewi[edit | edit source]
1 Ba imane Yehowa khö Ga'aroni: Ya'ugö ba iraonou andrö ba iwami zolu'i sala ba ni'amoni'ö andrö, ba he si sala halöŵö gere andrö khömi, ba ya'ugö ba iraonou zolu'i. 2 Ba talifusöu andrö göi, mado Lewi, iwami, ba fa'amöi, awöu, ena'ö fao ira khöu, ngoni-ngoniu, na mihalö-halö halöŵö ba golayama nose goroisa, ya'ugö ba iraonou.[1] 3 Ba halöŵöra nihalö-halö khöu ba hadia nihalö-halö ba nose, ma'asambua. Ba böi lahatö'ö ira ba wakake ni'amoni'ö andrö ba ba naha wame'e sumange, fa böi faoma mate ami, he ya'ira ba he ya'ami. 4 Ba ndrafao khöu, ndra muhalö-halö halöŵö ba nose wama'ele'ö, fefu hadia ia halöŵö ba nose; ba niha bö'ö, ba lö tola ihatö'ö ia khömi. 5 Ba ya'ami zangai halöŵö ba ni'amoni'ö andrö, awö halöŵö ba naha wame'e sumange, fa böi ifuli göna fönu Ndraono Gizeraeli.
6 Hiza, no utuyu ba Ndraono Gizeraeli nono Lewi andrö, bualagu khömi, nibe'e tana khö Yehowa, ena'ö lahalö-halö halöŵö ba nose wama'ele'ö.
7 Ba ya'ugö ba iraonou andrö, ba mihalö-halö halöŵömi, halöŵö gere, hadia ia fefu ba naha wame'e sumange, ba bakha barö mba'a-ba'a andrö; mihalö-halö halöŵö. Bualagu khömi halöŵö gere andrö: ba niha bö'ö, si hatö'ö ya'ia, ba nibunu.
II. Urakha gere ba zumange ba ba zi a'a mbua danö ba ba zi a'a nono gurifö[edit | edit source]
8 Ba imane Yehowa khö Ga'aroni: Hiza, utehe khöu nibe'e yaŵa sumangegu si no amaedola wegero andrö; ba game'ela Ndraono Gizeraeli andrö ni'amoni'ö fefu utehe khöu ba ba ndraonou, tana khömi, ömö nibe'e-be'e, si lö mamalö-malö.[2] 9 Ba da'ö dana khöu ba game'ela andrö ni'amoni'ö sibai — na no muhalö dana nitunu andrö —: fefu game'elara sumange ni'a ba sumange fameta horö ba sumange ogauta, nibe'era khögu, fangali [nilimo]; khöu ba ba ndraonou, ni'amoni'ö sibai.
10 Ba naha ni'amoni'ö sibai ö'a ia; dozi motöi matua zi manga ya'ia: ni'amoni'ö ia öŵa'ö. 11 Ba da'ö zi möi khöu si hulö wegero, ba game'elara [bö'ö] andrö, ba zumange Ndraono Gizeraeli andrö nihahae: utehe khöu ba ba nonou matua ba ba nonou alawe; ömö, nibe'e, si lö mamalö-malö; dozi si lö si ra'iö moroi yomo khöu zi manga ya'ia.[3]
12 Fefu zi sökhi fanikha ba fefu zi sökhi agu ba fakhe, fondrege zi sökhinia, nibe'era khö Yehowa, ba no utehe khöu. 13 Fefu zi a'a mbua danö khöra, nibe'era khö Yehowa, ba khöu; dozi si lö si ra'iö, moroi yomo khöu, zi manga ya'ia. 14 Fefu hadia ia nilakha'ö ba Ndraono Gizeraeli, ba khöu.[4]
15 Fefu zi a'a ba wa'atumbu, fefu nibe'e-be'e khö Yehowa, he niha, ba he urifö, ba khöu, ba si a'a nono niha, ba öbe'e nisanu, ba si manö göi zi a'a nono gurifö si ra'iö.[5] 16 Ba ba wananu ya'ia [ba nono niha], ba na sara waŵa wa'ebua, ba ma na ebua moroi andrö öbe'e nisanu, dali watö, lima sekeli (rufia) wananu, ba zaga ni'amoni'ö, si samba sekeli, ba 20 gera.[6]
17 Ba si a'a nono zawi ba he ono mbiri-biri ba he ono nambi, ba lö tola öbe'e nisanu: ni'amoni'ö da'ö; donia, ba öbe'e fanefe naha wame'e sumange, ba taŵönia, ba ötunu, sumange nifatörö ba galitö, nibe'e khö Yehowa, samohua. 18 Ba ösira, ba khöu, si mane osu andrö, nihahae ba faha andrö kambölö, khöu ia. 19 Fefu zumange si hulö wegero andrö, föfö game'ela ni'amoni'ö andrö nibe'e Ndraono Gizeraeli amaedola wegero khö Yehowa, ba khöu utehe ba ba nonou matua ba ba nonou alawe, ömö, nibe'e, si lö mamalö-malö. Amabu'ula li nilau asio da'ö, si lö tebulö, götö-götö wa'ara, khöu ba ba nga'ötöu dania.[7]
III. Si sambua ni'ofulu nitehe ba Nono Lewi ba si sambua ni'ofulu zi sambua ni'ofulu nitehe ba gere[edit | edit source]
20 Ba imane Yehowa khö Ga'aroni: Lö labe'e dana khöu ba danöra, lö benuau ba khöra. Ya'odo sa dana khöu ba amaedola gondröita khöu ba hunö Ndraono Gizeraeli.[8] 21 Ba nitehegu ba nono Lewi, ba sambua ni'ofulu ba Ndraono Gizeraeli, amaedola gondröita, ba halöŵö andrö, nihalö-halöra, halöŵö ba nose wama'ele'ö.
22 Ba Iraono Gizeraeli, ba lö tola sa'ae lahatö'ö ira ba nose wama'ele'ö, fa böi lahalö horöra ba fa böi mate ira. 23 Ono Lewi zangai-ngai halöŵö ba nose wama'ele'ö, ba ya'ira zolu'i sala danö bö'ö, dali nifakhoi andrö khömi, si lö tebulö, götö-götö wa'ara; ba tana khöra tanö, ba lö labe'e khöra ba Ndraono Gizeraeli.[9]
24 Me utehe ba nono Lewi zi sambua ni'ofulu andrö ba Ndraono Gizeraeli nibe'era khö Yehowa sumange si no amaedola wegero, ube'e amaedola gondröita khöra; andrö wa no ufakhoi ba khöra andrö, wa lö labe'e khöra dana khöra tanö ba Ndraono Gizeraeli.
25 Ba humede Yehowa khö Moze, imane: 26 Ŵa'ö ba nono Lewi, ömane khöra: Na mitema ba Ndraono Gizeraeli zi sambua ni'ofulu andrö, nitehegu khömi tana khömi ba khöra andrö, ba mibe'e ösa sumange si no amaedola wegero, khö Yehowa, sambua ni'ofulu zi sambua ni'ofulu andrö.[10] 27 Ba lafotöi khömi zumange fegero andrö khömi, amaedola wakhe ba golayama mbasitö ba amaedola zi töra ba wolazi nagu. 28 Ba si manö ba ni'ofulu andrö fefu, sinemami, nitemami ba Ndraono Gizeraeli, mibe'e ösa, sumange fegero khö Yehowa; ba sumange fegero andrö föfönia, nihonogöi khö Yehowa, ba ba danga Ga'aroni ere mibe'e. 29 Fefu game'ela, si möi khömi, ba lö tebulö mibe'e ösa sumange fegero khö Yehowa, fefu zi sökhinia mibe'e ösa, amakhoita. Ame'ela ni'amoni'ö, föfönia.
30 Ömane khöra: Na mimanö, wame'e si sökhinia, ba tefotöi ba nono Lewi, amaedola nösi golayama mbasitö ba amaedola nösi wolazi nagu. 31 Fefu gofu heza, ba tola mi'a, ya'ami ba soroiyomomi fefu, me no luomi ba halöŵömi ba nose wama'ele'ö.
32 Ba lö tohare khömi horö ba da'ö, asala mibe'e zi sökhinia, ba da'ö, asala mibe'e zi sökhinia, ba lö'ö sa mifatörö zalakha ba game'ela Ndraono Gizeraeli andrö, ni'amoni'ö, ba lö mate ami.
Famotokhi ba gahe[edit | edit source]
Fabaliŵa lala[edit source]
Olayama Moze IV: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö