Wb/nia/Moze IV/27
I. Amakhoita ba nono alawe sanema ondröita
[edit | edit source]1 Ba so nono Zelofadi alawe, Selofadi ono Heferi ono Gileadi ono Makhiro ono Manase, nga'ötö Manase andrö, ono Yosefo, ba töi nononia andrö, ba Mala ba Noa ba Hogela ba Milika ba Tirisa.
2 La'ondrasi ndra Moze Eleazari ere andrö ba satua ba sato fefu, ba golayama nose wama'ele'ö, lamane: 3 Amama, ba no mate ba danö si mate, tenga awö zi fao khö Gora no, si maoso no, solaŵa Yehowa; ba horönia [samösa ya'ia] mate ia. Ba lö ono matua khönia. 4 Ba hana wa labe'e taya döi namama ba nga'ötö andrö khöra, me no lö ono matua khönia; Khöma mibe'e dana khöma tanö, ba ngai dalifusö namama!
5 Ba i'ohe khö Yehowa huhuora andrö Moze.
6 Ba imane Yehowa khö Moze: 7 Si ndruhu niŵa'ö nono Zelofadi andrö. Öbe'e sa'ae khöra dana khöra, ba ngai dalifusö namara, tana khö namara ena'ö, ba khöra möi öbe'e.[1]
8 Ba ömane ba Ndraono Gizeraeli: Na so zi mate lö ono matua, ba khö nononia alawe möi dana khönia tanö mibe'e. 9 Ba na lö'ö göi ono alawe khönia, ba ba dalifusönia mitehe dana khönia andrö. 10 Ba na lö'ö göi talifusönia, ba ba dalifusö namania mitehe. 11 Ba na lö'ö göi talifusö namania, ba ba zabölö ahatö khönia ba nga'ötöra andrö möi mibe'e; da'ö sa'ae zokhö.
Da'ö dania huku ba Ndraono Gizeraeli, dali niŵa'ö Yehowa khö Moze.
II. I'ombakha'ö wa'amate Moze Yehowa ba iŵa'ö wamataro Yosua, fangali Moze
[edit | edit source]12 Ba imane Yehowa khö Moze: Ae miyaŵa ba hili Gabari andrö, ba faigi danö andrö, nibe'egu ba Ndraono Gizeraeli.[2] 13 Ba na no öfaigi, ba la'orudugö göi ndra'ugö khö ndra tuau, si mane ga'au A'aroni, si no mu'orudugö,[3] 14 me no lö nifondrondrongomi niŵa'ögu andrö, ba danö si mate Sini, me fasoso zato, me mifolakhömi mena'ö ndra'odo ba zanehe ira, ba nidanö andrö (Idanö wasosota andrö da'ö ba Gadesi, ba danö si mate Sini)[4]
15 Ba humede Moze khö Yehowa, imane: 16 Ena'ö na ifataro zamösa solohe sato Yehowa andrö, So'aya noso ba mboto niha fefu,[5] 17 solohe ya'ira na mofanö ba na mangawuli, solohe ya'ira na möi, heza, ba na lafuli ira baose, fa böi hulö mbiri-biri si lö kubalo mbanua Yehowa andrö.[6]
18 Ba imane Yehowa khö Moze: Halö khöu Yosua andrö, ono Nuni, niha si so Eheha, tufa högönia tangau,[7] 19 ba ohe khö Geleazari ere andrö ba ba zato fefu, ba wamataro ya'ia ba zanehe ira; 20 ba öhare'ö khönia ösa lakhömimö andrö, ena'ö lafondrondrongo linia Iraono Gizeraeli sato, fefu. 21 Yamöi khö Geleazari ere, ena'ö idöni ba duna Urimi andrö, khö Yehowa; balazi dania niŵa'önia na mofanö ira, ba na molombase, ya'ia ba Iraono Gizeraeli fefu, sato fefu.[8]
22 Ba i'o'ö Moze niŵa'ö Yehowa khönia: ihalö Yosua andrö ba i'ohe khö Geleazari ere ba ba zato fefu. 23 Ba itufa högönia tanga, ifataro ia, dali niŵa'ö Yehowa, nifa'ema Moze.
Famotokhi ba gahe
[edit | edit source]Fabaliŵa lala
[edit source]Olayama Moze IV: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö