Wb/nia/Moze IV/36

I. He wisa wame'e nihalö ono alawe andrö sanema ondröita

1 Ba so zatua nga'ötö ndraono Gileadi andrö, ono Makhiro ono Manase, nga'ötö ndraono Yosefo andrö; so niŵa'öra khö Moze ba ba zalaŵa, satua mado Ndraono Gizeraeli, lamane:

2 No iŵa'ö khöu Yehowa, ya'ugö Tua, dahö-dahö mbalazi ba wame'e ba Ndraono Gizeraeli tana khöra tanö; ba noa göi ötema goroisa khö Yehowa, ya'ugö Tua, ondröita niwama Selofadi andrö, ba öbe'e ba nononia alawe. 3 Ba na mado Ndraono Gizeraeli bö'ö zangai ya'ira, ba tobali aefa ba dana khö niwama dana khöra tanö andrö, ba möi ba dana ba mado andrö sangai ya'ira, ba te'ambösi dana khöma andrö. 4 Ba irugi dania döfi wa'owua-wua dödö andrö, ba tobali tefaböbö ba dana ba mado andrö, sangai ya'ira, dana khöra, ba aheta ba dana niwama.

5 Ba ibe'e li ba Ndraono Gizeraeli Moze, dali niŵa'ö Yehowa, imane: Si ndruhu niŵa'ö nga'ötö ndraono Yosefo andrö. 6 Da'ö ni'oroi'ö Yehowa, ba ndraono Zelofadi andrö: Hana na heza zomasi ira möi nihalö ira, asala iwara zangai ya'ira, 7 fa böi tefa'ema ba mado bö'ö khöra dana ba Ndraono Gizeraeli tanö; dozi Iraono Gizeraeli, ba böi laböhöli dana ba niwara. 8 Ba dozi ono alawe sanema ondröita ba mado Ndraono Gizeraeli heza, ba ba niwara möi nihalö ira, fa böi aefa ba Ndraono Gizeraeli fefu gondröita ndra amara; 9 ba böi tefa'ema ba mado si sambua dana ba zi sambua; dozi mado Ndraono Gizeraeli, ba böi ndra muböhöli dana khöra andrö.

II. Ono Zelofadi andrö

10 Ba ono Zelofadi andrö, ba la'o'ö niŵa'ö Yehowa khö Moze, 11 Mala andrö ba Tirisa ba Hogela ba Milika ba Noa, ba si fasamba ama khöra zangai. 12 Nga'ötö ndraono Manase andrö, ono Yosefo, zangai ya'ira, tobali lö tebulö ba madora dana khöra tanö, ba mado ndra amara.

13 Da'ö goroisa Yehowa, ba da'ö nifakhoinia ba zalo'o tanö Ndraono Moabi andrö, ba ndraso Yoridano, ba gamaudu Yerikho, nifaŵa'ögönia khö Moze.

Famotokhi ba gahe

Fabaliŵa lala

Olayama Moze IV: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36

Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö