Wb/nia/Moze IV/35
I. Banua Nono Lewi andrö
[edit | edit source]1 Ba humede Yehowa khö Moze, ba zalo'o tanö Ndraono Moabi andrö, ba ndraso Yoridano, ba gamaudu Yerikho, imane:
2 Be'e li ba Ndraono Gizeraeli, ena'ö latehe banua Nono Lewi, nahiara, mbanua tana khöra ösa; ba ba mbanua andrö ba Nono Lewi, ba mifao mbenua si tefasui ya'ira, nidudura urifö.[1] 3 Ba banua andrö, ba nahiara, ba benua, ba ba guriföra sonoro ba ba ngawalö guriföra bö'ö. 4 Ba benua andrö ba zinga mbanua, nitehemi ba Nono Lewi, ba hönö hela wa'ebolo, i'otarai göli mbanua fasui, mibe'e. 5 Ba misu'a baero mbanua, tanö ba gatumbukha, ba 2.000 hela, ba si manö göi tanö raya, 2.000 hela, ba tanö ba gaekhula luo 2.000 hela ba tanö yöu 2.000 hela, ba dalu bakha so mbanua.
Da'ö mbenua khöra, ba zinga mbanua, nidudura uriföra. 6 Ba ba mbanua andrö nitehemi ba Nono Lewi, ba önö mitehe banua fangorifi, ena'ö ba da'ö isaŵa woloi si no mamunu niha; ba 42 na baero ö mitehe khöra. 7 Fa'oya mbanua fefu, nitehemi ba Nono Lewi, ba 48 mbanua, awö mbenua andrö, nifao ba da'ö.
8 Mado Ndraono Gizeraeli sato niha, ba oya latehe banua tana khöra, ba sambö fa'ato, ba fa'onaigö; balazi wa'ebolo danö, nibe'e khöra, tana khöra, ba wamaigi ha uga mbanua, nitehe zi sambua mado ba Nono Lewi.
II. Banua fangorifi
[edit | edit source]9 Ba humede Yehowa khö Moze, imane: 10 Hede ba Ndraono Gizeraeli ba ömane khöra: Na no mi'ötö Yoridano, na no mirugi danö Gana'ana, 11 ba miŵa'ö mbanua si göna, ena'ö banua fangorifi khömi; ba da'ö yamusaŵa si no mange'e, si no manunu niha, si lö mu'odödögö.[2] 12 Saŵatö khömi mbanua andrö, ba zolau balö, fa böi labunu zange'e andrö, lö mu'etu'ö huku ba walukhata mbanua. 13 Ba banua fangorifi andrö, nitehemi, ba önö. 14 Tölu mitehe banua yefo Yoridano ba tölu göi ba danö Gana'ana. Banua fangorifi dania.[3] 15 Saŵatö mbanua andrö, si önö, he ba Ndraono Gizeraeli, ba he ba niha bö'ö, ba zi fatewu gana ba khömi, ena'ö ba da'ö lasaŵa dozi si no mamunu niha, si lö mu'odödögö.
III. He lawisa ba zange'e
[edit | edit source]16 Ba na fakake si'öli wamözinia ya'ia, wamunu ya'ia, ba no sange'e ia, ba sange'e, ba nibunu göi.[4] 17 Ba na no igönaisi kara, wamunu ya'ia, kara si so ba dangania mege, sikhamö famunu niha, ba no sange'e, ba nibunu göi. 18 Ba na no ibözi fakake eu, wamunu ya'ia, fakake si so ba dangania mege, sikhamö famunu niha, ba no sange'e ia, ba sange'e, ba nibunu göi. 19 Ba solau balö zamunu sange'e andrö; na fakhamö ia khönia, ba yamubunu. 20 Ba na no ituli'ö börö ba watiusa, ba ma na no ihaluni hadia ia, ni'odödögö, wamunu ya'ia,[5] 21 ba ma na igukhui, börö ba watiusa, wamunu ya'ia, ba nibunu göi zogukhui ya'ia; no sange'e; solau balö zamunu sange'e andrö, na fakhamö ia khönia.
22 Ba na no ituli'ö lö mu'ödödögö, lö fatiusa, ba ma na no ihaluni hadia ia, lö mu'odödögö, ma kara, 23 sikhamö famunu niha, igönaisi, wamunu ya'ia, ba na lö si fatiu dödönia khönia, na tenga tödönia wolau khönia si lö sökhi, 24 ba banua zamatunö huhuora sange'e solau balö, 25 ba ndramu'orifi zange'e andrö banua, ba zolau balö andrö; lafa'ohe'ö mangawuli ia ba mbanua andrö, nisaŵania woloi, ba wangorifi ya'ia, ba yamu'iagö da'ö, irege mate gere sebua andrö, nibayoini fanikha ni'amoni'ö.
26 Ba na iheta ia ba danö mbanua andrö, nisaŵania, 27 sauri ia, ba na fakhamö khönia zolau balö, baero danö mbanua andrö, saŵatönia, ba na ibunu dania zange'e andrö solau balö, ba lö horönia. 28 Sangiagö banua andrö saŵatönia sa zange'e andrö, irege mate gere sebua, ba na no mate gere sebua, ba tola mangawuli ba dana khönia zange'e andrö.
29 Da'ö huku ba khömi dania, gotö-götö wa'ara dania, ba mbanuami fefu.
30 Na so zamunu niha, ba nibunu zange'e andrö, balazi hadia niŵa'ö zi so ba mbörö; ba tebai tebunu niha, na ha samösa zi so ba mbörö.[6] 31 Ba lö tola mitema höli nosonia ba zange'e, nibunu ena'ö; nibunu sa'ae ia. 32 Ba lö'ö göi tola mitema höli, fa alakha lö isaŵa mbanua andrö, sauari ia, fa tola mangawuli ia, fa tola i'iagö heza ba danö, fatua lö si mate gere sebua.
33 Ba böi mibe'e rai'ö danö andrö si so ami; do andrö, ba ra'iö danö ibe'e, ba lö'ö sa aheta ba danö zala andrö, ba ndro andrö, na tenga ba ndro niha andrö, same'e aduwa ya'ia. 34 Ba böi mibe'e ra'iö danö andrö, si so ami, si so ya'odo göi: ba hunö Ndraono Gizeraeli sa so ndra'o, ya'odo andre, Yehowa.
Famotokhi ba gahe
[edit | edit source]Fabaliŵa lala
[edit source]Olayama Moze IV: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö