Wb/nia/Moze IV/2

Famöfö'ö nahia olombaseŵa Mado Yuda ba mado Rubeno

I. 1 Ba humede Yehowa khö ndra Moze A'aroni, imane: 2 Ba nahia olombaseŵa andrö ba Ndraono Gizeraeli, ba ba mandrera khönia ifaigi zamösana ba ba dandra niwara; ba gamaudu nose wama'ele'ö labe'e nahara, fasui.

3 Tanö föna, tanö ba gatumbukha, ba mandrera ba golombaseŵa ba mado Yuda, dali ngawawara, ba solohe Iraono Yuda, Nahaso andrö, ono Gaminadabi, 4 awö zato andrö khönia, ni'ofaya andrö, 74.600.

5 Ba ba ngaira monaha mado Izasari, ba solohe Iraono Izasari, Natanaeli andrö, ono Zuara, 6 awö zato andrö khönia, ni'ofaya andrö, 54.400. 7 Ba mado Zebuloni, ba solohe Iraono Zebuloni, Eliabi andrö, ono Helono, 8 awö zato andrö khönia, ni'ofaya andrö, 57.400. 9 Dozi ni'ofaya andrö, si faböbö ba nahia olombaseŵa ba mado Yuda andrö, ngawawara andrö, ba 186.400: ya'ira zi so föna ba wofanö.

10 Ba tanö miraya, ba mandrera ba golombaseŵa ba mado Rubeno, ba ngawawara andrö, ba solohe Iraono Rubeno, Elisuri andrö, ono Zedeuri, 11 awö zato andrö khönia, ni'ofaya, 46.500.

12 Ba ba ngaira monaha mado Zimeoni, ba solohe iraono Zimeoni, Selumieli andrö, ono Zuri-Sada'i, 13 awö zato andrö khönia ni'ofaya, 59.300. 14 Ba mado Gado, ba solohe Iraono Gado, Eliazafi andrö, ono Regueli, 15 awö zato andrö khönia, ni'ofaya, 45.650.

16 Dozi ni'ofaya ba nahia olombaseŵa ba mado Rubeno, ba ngawawara andrö, ba 151.450; da'ö wanete zi so föna, ba wofanö. 17 Ba ose wama'ele'ö, olombaseŵa Nono Lewi, ba ba dödö golombaseŵa bö'ö andrö lafazaŵa ira; balazi heza nahiara mege, ba wamazaŵara ya'ira, ba nahania i'agö zamösana, dali mandrera khöra.

Famöfö'ö nahia olombaseŵa mado Geferayi ba mado Dano

II. 18 Ba mandrera ba golombaseŵa ba mado Geferayi, ba ngawawara andrö, ba tanö ba gaekhula tebe'e, ba solohe Iraono Geferayi, Elisama andrö, ono Gamihudi, 19 awö zato andrö khönia, ni'ofaya, 40.500. 20 Ba ba ngaira, ba mado Manase ba solohe Iraono Manase, Gamelieli andrö, ono Wedasuri, 21 awö zato andrö khönia, ni'ofaya andrö, 32.200. 22 Ba mado Mbeniyami ba solohe Iraono Mbeniyami, Abidano andrö, ono Gideono, 23 awö zato andrö khönia, ni'ofaya andrö, 35.400. 24 Dozi ni'ofaya, ba nahia olombaseŵa ba mado Geferayi, ba ngawawara andrö, ba no 108.100. Fanete zi dua bawa no mege da'ö, ba wofanö. 25 Ba mandrera ba golombaseŵa ba mado Dano, ba ngawawara andrö, ba tanö miyöu tebe'e, ba solohe Iraono Dano, Ahiezeri andrö, ono Ami-Sada'i, 26 awö zato andrö khönia, ni'ofaya andrö, 62.700. 27 Ba ba ngaira monaha mado Gaseri ba solohe Iraono Gaseri, Fagieli andrö, ono Okherana, 28 awö zato andrö khönia, ni'ofaya, 41.500. 29 Ba mado Nafetali, ba solohe iraono Nafetali, Ahira andrö, ono Genani, 30 awö zato andrö khönia, ni'ofaya andrö, 53.400. 31 Dozi ni'ofaya ba nahia olombaseŵa ba mado Dano, ba no 157.600. Da'ö zafuria, ba wofanö; dali mandrera andrö khöra. 32 Da'ö ni'ofaya andrö, Iraono Gizeraeli, ba niwara andrö; fa'ato ni'ofaya andrö, ba golombaseŵa, ba ngawawara andrö, ba no 603.550. 33 Ba Ono Lewi, ba lö'ö sa la'ofaya, lö lafao ba Ndraono Gizeraeli bö'ö, dali niŵa'ö Yehowa khö Moze.

34 Ba la'o'ö sibai Iraono Gizeraeli niŵa'ö Yehowa khö Moze wamaigi nahiara olombasewa, dali mandrera andrö khöra; ba si manö göi na lafazaŵa ira, dali niwara, ha ma'uwu ira.

Famotokhi ba gahe

Fabaliŵa lala

Olayama Moze IV: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36

Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö