Wb/nia/Moze IV/24

I. Fama ele'ö Mbileamo fanete zi dua balö

1 Ba me i'ila Bileamo, omasi Yehowa, tefahowu'ö Ndraono Gizeraeli, ba lö i'alui wama'ele'ö si mane ba zi mendrua mege, itema i'otahögö danö si mate. 2 Ba me ifakhölö ia, ba me i'ila Ndraono Gizeraeli solombase ba da'ö, sambu-sambua mado ba sambu-sambua nahia, ba so khönia Geheha Lowalangi.

3 Ba iŵa'ö niŵa'önia, imane: "Da'e niŵa'ö Mbileamo andre, ono Mbeori; da'e niŵa'ö niha andrö, si no teboka hörö. 4 Da'e niŵa'ö zamondrongo fehede Lowalangi, sanehe angilata khö Zi lö ambö fa'abölö, si no alau tou ba si no muheta balu-balu hörö: 5 Ha lö agasökhi nosemi, ya'ami ma'uwu Yakobo! nahiami andrö, ya'ami Iraono Gizeraeli. 6 Si mane daso, si no ebolo misa, si mane kabu ba mbewe nidanö sebua, si mane göna farasi, nitanö Yehowa, si mane eresi ba mbewe nidanö! 7 Aduwa nidanö ba dimba andrö khönia, ba si lö ambö idanö nowinia. Sabölö moroi khö Agagi andrö razora, sebua sibai wa'asalaŵania. 8 Lowalangi andrö zangeheta mege ba danö Miserayi, ba no amaedola wa'abölö göröbao khöra. Niha si fa'emali khöra, ba la'a, larasa döla, lafatö nono wana khöra. 9 No lafadölö ira, mörö ira tou, si mane singo, ba si mane singo si alawe; ha niha zi keani ya'ira? Ha niha zamahowu'ö ya'ugö, ba nifahowu-howu'ö, ba ha niha zangelifi ya'ugö, ba ni'elifi!"

II. Fango'ozui fama'ele'ö

10 Ba mofönu sibai Mbalaki khö Mbileamo, ilau datawo. Ba imane khö Mbileamo: Ba wangelifi emaligu ufakaoni'ö ndra'ugö, ba no ha sambalö famahowu khöu, no medölu ae! 11 Ba fuli'ö manö sa'ae khömi; tödögu, ba u'ebua'ö luou, ba si lö luo ndra'ugö ibe'e Yehowa.

12 Ba imane Bileamo khö Mbalaki: Hadia, tenga no uŵa'ö ba zinenge andrö, nifatengeu khögu: 13 He afönu nomonia firö ba ana'a ibe'e khögu Balaki, ba tebai zui ufadaö niŵa'ö Yehowa ba tebai ulau zomasi ndra'o, ha nibe'e Yehowa ba dödögu, ha da'ö uŵa'ö. 14 Ba ufulido sa'ae ba niwama; ba hiza, da'ubokai khöu hadia nilau niha andrö ba mbanuau dania.

15 Ba iŵa'ö niŵa'önia, imane: "Da'e niŵa'ö Mbileamo andre, ono Mbeori, niha andrö, si no teboka hörö. 16 Da'e niŵa'ö zamondrongo fehede Lowalangi, si no aboto ba dödö Fondrege zalaŵa andrö, sanehe angilata khö Zi lö ambö fa'abölö, si no alau tou ba si no muheta balu-balu hörö; 17 U'ila ia, ba lö'ö na anehedo ia, ba aröu na ma'ifu. Tumbu ndröfi ba ma'uwu Yakobo, ba si'o zalaŵa i'otarai Ndraono Gizeraeli; da'ö worasa dangi-dangi Ndraono Moabi, fabaya amu'u ma'uwu Zeti fefu. 18 Tanö Ndraono Gedomo, ba möi barö mbawara, ba Se'ira, emalira, ba möi barö mbawara. Ba sebua turia nilau Ndraono Gizeraeli, 19 Ba ma'uwu Yakobo i'otarai salaŵa, ba ihori zi no moloi mege, ba mbanua misa!"

20 Ba me i'ila Ndraono Gamaleki, ba iŵa'ö niŵa'önia, imane: "Si a'a niha baero andrö, ba ya'ia Ndraono Gamaleki, ba fozunia, ba fa'atekiko!"

21 Ba me i'ila ma'uwu Geni andrö, ba iŵa'ö niŵa'önia, imane: "No aro nahiamö, nifanuge ba dete gara gazunimö. 22 Ba fa'atekiko sa ato föna Ga'ino, ha wa'ara tö na, ba la'oloi'ö ndra'ugö Dawa Asiria."

23 Ba imane na: "Alai ita, ha niha zauri, na ifatörö zi manö Lowalangi! 24 Ba hiza nowo moroi sa ba Ndrawa Giti, fangöhöndrögö Ndrawa Asiria, fangöhöndrögö danö si yefo; ba da'ö göi, ba fa'atekiko fönania."

25 Ba ifazaŵa ia Bileamo, ba wamuli ya'ia ba khöra, ba mofanö göi Mbalaki.

Famotokhi ba gahe

Fabaliŵa lala

Olayama Moze IV: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36

Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö