Wb/nia/Moze IV/30

I. Amakhoita ba gamabu'ula li ndra matua

1 Ba ibe'e li ba Ndraono Gizeraeli Moze, dali manö niŵa'ö Yehowa khö Moze. 2 Ba humede Moze ba zatua mado Ndraono Gizeraeli, imane:

Da'ö ia, ni'oroi'ö Yehowa. 3 Na so zamabu'u linia khö Yehowa, ma na möi ba hölu, wamabu'u famoni hadia ia, ba lö tola ifuli linia, yamutörö sibai niŵa'önia andrö.

II. Ba gamabu'ula li nono alawe ba ba gamabu'ula li zi no muhalö

4 Ba na ono alawe zamabu'u linia khö Yehowa, na ifabu'u wamoni hadia ia, fatua ono alawe na ia baomo namania, 5 ba na irongo amania gamabu'ula linia ba famoni andrö, nifabu'unia, ba na lö hede-hedenia, ba tebai awu'a gamabu'ula linia fefu, ba famoninia fefu, nifabu'unia, ba tebai awu'a.

6 Ba na itenaŵa ia amania, na luo irongo, ba si lö'ö gamabu'ulania fefu, awö wamoni andrö, nifabu'unia; ba ibe'e aefa zalania Yehowa, me no amania zanenaŵa ya'ia.

7 Ba na lahalö ia lö mutörö gamabu'ula li, ba ma hadia niŵa'önia, si lö mu'odödögö sibai, wamabu'u hadia ia, 8 ba na irongo sangai ya'ia, ba na lö hede-hedenia ba da'ö, na luo irongo, ba lö awu'a gamabu'ula linia, ba famoninia andrö, nifabu'unia, ba lö awu'a. 9 Ba na itenaŵa ia fo'omonia, na luo irongo, ba amaedola zi lö'ö gamabu'ula li andrö, si lö mutörö na, ibe'e, awö niŵa'önia andrö, si lö mu'odödögö sibai, wamabu'u hadia ia, ba ibe'e aefa zalania Yehowa.

III. Ba gamabu'ula li lakha mbanua ba ba gamabu'ula li nitibo'ö ndra matua

10 Ba amabu'ula li zi no mate donga ba amabu'ula li ndra alawe nitibo'ö, fefu nifabu'ura, ba lö awu'a khöra. 11 Ba na baomo wo'omonia ifabu'u linia, ma si möi ba hölu, wamabu'u hadia ia wamoni, ba na irongo fo'omonia, 12 ba na lö hede-hedenia ba da'ö, ba na lö itenaŵa ia, ba tebai awu'a gamabu'ula linia fefu, ba famoni andrö fefu, nifabu'unia, ba tebai awu'a.

13 Ba na awu'a ibe'e fo'omonia, na luo irongo nifabu'u andrö, ba amaedola zi lö'ö fefu niŵa'önia, he na amabu'ula li, ba he na famoni nifabu'unia; no si lö'ö ibe'e fo'omonia, andrö wa ibe'e aefa zalania Yehowa. 14 Fefu gamabu'ula linia ba fefu wamabu'unia famoni, ba wamakao ya'ia, si no möi ba hölu ia, ba fo'omonia zangila mame'e aro, ba fa'omonia göi zangila mame'e si lö'ö.

15 Na lö hede-hede wo'omonia ba da'ö, ha uga bongi, ba tebai awu'a ibe'e gamabu'ula linia fefu, si lö mutörö na, ba he famoninia fefu; börö wa lö hede-hedenia, me luo irongo; ba da'ö tebai awu'a. 16 Ba na amaedola zi lö'ö ibe'e, na no irongo mege, ba ihalö horönia horö ndra alawe andrö ba da'ö.

17 Da'ö gamakhoita, niŵa'ö Yehowa khö Moze, amakhoita ba ndra matua ba khö wo'omonia, ba amakhoita khö nama ba khö nononia alawe, si lö muhalö, si so baomo namania na.

Famotokhi ba gahe

Fabaliŵa lala

Olayama Moze IV: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36

Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö