Wb/nia/Moze IV/29
I. Sumange na owasa nilau torofe[edit | edit source]
1 Ba na tesa'a lö faoro, na baŵa si fitu, ba owulo ami ba ni'amoni'ö, ba lö tola mihalö hadia ia halöŵö ba da'ö, baŵa wolau torofe fangekhugö niha ia khömi, miŵa'ö.[1]
2 Ba sumange nitunu, samohua, nibe'emi khö Yehowa ba da'ö, ba sara nono zawi, si matua, ba sageu mbiri-biri, si matua ba fitu rozi nono mbiri-biri, si döfi fa'ebua, si lö sala. 3 Ba nifao ba da'ö, sumange ni'a, hamo si sökhi, nifaruka fanikha, ba dua dumba ba nono zawi andrö, ba tölu hinaoya ba mbiri-biri si matua andrö, 4 ba sara-sara ono mbiri-biri andrö si fitu, ba tölu-tölu kata.
5 Ba baero ö, ba sageu nambi si matua, sumange fameta horö, ba wameta salami, 6 baero zumange nitunu andrö na fasulöna, awö zumange ni'a, nifao ba da'ö, ba baero zumange nitunu andrö sero ma'ökhö ba sumange ni'a andrö, ba sumange nibadu, nifao, nifakhoi andrö — samohua, sumange nifatörö ba galitö, nibe'e khö Yehowa.
II. Na owasa fangatulö[edit | edit source]
7 Ba ba zi mewulu, ba mbaŵa si fitu andrö, ba owulo ami ba ni'amoni'ö ba mangalulu ami; hadia ia halöŵö, ba lö tola mihalö ba da'ö.[2]
8 Ba sumange nitunu, nibe'emi khö Yehowa, samohua, ba sara nono zawi, si matua, ba sageu mbiri-biri si matua ba fitu rozi nono mbiri-biri si döfi fa'ebua; si lö sala mibe'e. 9 Ba nifao ba da'ö, sumange ni'a, ba hamo si sökhi nifaruka fanikha, dua dumba ba nono zawi andrö, ba tölu hinaoya ba mbiri-biri si matua, 10 ba sara-sara ono mbiri-biri andrö, ba tölu-tölu kata.
11 Ba baero ö, ba sageu nambi si matua, sumange fameta horö, lö lai zumange fameta horö andrö, ba wameta salami, ba lö lai zumange nitunu andrö, sero ma'ökhö ba sumange ni'a ba sumange nibadu, nifao ba da'ö.
III. Na owasa nose daha geu[edit | edit source]
12 Ba ba duli ba mbaŵa si fitu andrö göi, ba owulo ami ba ni'amoni'ö; ba lö tola mihalö hadia ia halöŵö ba da'ö; owasa nilau khö Yehowa, fitu bongi wa'ara.[3] 13 Ba sumange nitunu nibe'emi sumange nifatörö ba galitö, samohua khö Yehowa, ba feledölu nono zawi, si matua, ba dua geu mbiri-biri si matua, ba feleöfa nono mbiri-biri, si döfi fa'ebua; ba si lö sala. 14 Ba nifao ba da'ö, sumange ni'a, ba hamo si sökhi, nifaruka fanikha, sara-sara ono zawi andrö, si feledölu, ba dua-dua dumba, ba sage-sageu biri-biri si matua, ba tölu-tölu hinaoya, 15 ba sara-sara ono mbiri-biri andrö, si feleöfa, ba tölu-tölu kata. 16 Ba baero ö, ba sageu nambi si matua, sumange fameta horö, lö lai zumange nitunu andrö, sero ma'ökhö ba sumange ni'a ba sumange nibadu, nifao ba da'ö.
17 Ba mahemolu ö, ba felendrua rozi nono zawi, si matua, ba dua geu mbiri-biri si matua, ba feleöfa rozi nono mbiri-biri, si döfi fa'ebua, si lö sala, 18 awö zumange ni'a andrö ba sumange nibadu, nifao ba da'ö, ba nono zawi andrö ba ba mbiri-biri si matua ba ba nono mbiri-biri andrö, dali wa'oya, balazi nifakhoi andrö. 19 Ba baero ö, ba sageu nambi si matua, sumange fameta horö, lö lai zumange nitunu andrö, sero ma'ökhö ba sumange ni'a andrö ba sumange nibadu, nifao ba da'ö.
20 Ba mahemolu ö, ba felezara rozi nono zawi, ba dua geu mbiri-biri si matua, ba feleöfa nono mbiri-biri si lö sala, 21 si döfi fa'ebua, awö zumange ni'a andrö ba sumange nibadu, nifao ba da'ö, ba nono zawi andrö ba ba mbiri-biri si matua ba ba nono mbiri-biri andrö, dali wa'oya, balazi nifakhoi andrö. 22 Ba baero ö, ba sageu nambi si matua, sumange fameta horö, lö lai zumange nitunu andrö, sero ma'ökhö, ba sumange ni'a andrö ba sumange nibadu, nifao ba da'ö.
23 Ba mahemolu ö, ba fulu rozi nono zawi, ba dua geu mbiri-biri si matua ba feleöfa rozi nono mbiri-biri, si lö sala, si döfi fa'ebua, 24 awö zumange ni'a andrö ba sumange nibadu, nifao ba da'ö, ba nono zawi andrö ba ba mbiri-biri si matua ba ba nono mbiri-biri andrö, dali wa'oya, balazi nifakhoi andrö. 25 Ba baero ö, ba sageu nambi si matua, sumange fameta horö, lö lai zumange nitunu andrö, sero ma'ökhö ba sumange ni'a andrö ba sumange nibadu, nifao ba da'ö.
26 Ba mahemolu ö, ba siŵa rozi nono zawi, ba dua geu mbiri-biri si matua ba feleöfa rozi nono mbiri-biri, si lö sala, si döfi fa'ebua, 27 awö zumange ni'a andrö ba sumange nibadu, nifao ba da'ö, ba nono zawi andrö ba ba mbiri-biri si matua ba ba nono mbiri-biri andrö, dali wa'oya, balazi nifakhoi andrö. 28 Ba baero ö, ba sageu nambi si matua, sumange fameta horö, lö lai zumange nitunu andrö, sero ma'ökhö, ba sumange ni'a andrö ba sumange nibadu, nifao ba da'ö.
29 Ba mahemolu ö, ba ŵalu rozi nono zawi ba dua geu mbiri-biri si matua ba feleöfa rozi nono mbiri-biri, si lö sala ba si döfi fa'ebua, 30 awö zumange ni'a andrö ba sumange nibadu, nifao ba da'ö, ba nono zawi andrö ba ba mbiri-biri si matua ba ba nono mbiri-biri andrö, dali wa'oya, balazi nifakhoi andrö. 31 Ba baero ö, ba sageu nambi si matua, sumange fameta horö, lö lai zumange nitunu andrö, sero ma'ökhö, ba sumange ni'a andrö ba sumange nibadu, nifao ba da'ö.
32 Ba mahemolu ö, ba fitu rozi nono zawi ba dua geu mbiri-biri si matua ba feleöfa nono mbiri-biri, si lö sala, si döfi fa'ebua, 33 awö zumange ni'a andrö ba sumange nibadu, nifao ba da'ö, ba nono zawi andrö ba ba mbiri-biri si matua ba ba nono mbiri-biri andrö, dali wa'oya, balazi nifakhoi andrö. 34 Ba baero ö, ba sageu nambi si matua, sumange fameta horö, lö lai zumange nitunu andrö, sero ma'ökhö, ba sumange ni'a andrö ba sumange nibadu, nifao ba da'ö.
35 Ba na luo si ŵalu, ba owulo ami; ba lö tola mihalö hadia ia halöŵö ba da'ö.[4] 36 Ba sumange nitunu, nibe'emi sumange nifatörö ba galitö, samohua khö Yehowa, ba sara nono zawi ba sageu mbiri-biri si matua, ba fitu rozi nono mbiri-biri, si lö sala, si döfi fa'ebua, 37 awö zumange ni'a andrö ba sumange nibadu, nifao ba da'ö, ba nono zawi andrö ba ba mbiri-biri si matua ba ba nono mbiri-biri andrö, dali wa'oya, balazi nifakhoi andrö. 38 Ba baero ö, ba sageu nambi si matua, sumange fameta horö, lö lai zumange nitunu andrö, sero ma'ökhö, ba sumange ni'a andrö ba sumange nibadu, nifao ba da'ö.
39 Da'ö zumange nibe'emi khö Yehowa, na baŵa gowasa andrö khömi, baero nibe'emi sumange nitunu ba sumange ni'a ba sumange nibadu ba sumange fangorifi, he na ba wanörö amabu'ula li, ba he na saoha gölö.
Famotokhi ba gahe[edit | edit source]
Fabaliŵa lala[edit source]
Olayama Moze IV: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö