Wb/nia/Moze IV/3
Tehonogöi ere ndraono Ga'aroni[edit | edit source]
I. 1 Ba da'e nga'ötö ndra A'aroni Moze, me luo fahuhuo Yehowa khö Moze, ba hili Zina'i. 2 Da'e döi ndraono Ga'aroni andrö: Nadabi, si a'a, ba Abihu; ba Eleazari ba Itamari. 3 Da'ö döi ndraono Ga'aroni andrö, töi gere andrö, nibayoini, nifo'ösi tanga, ena'ö lahalö-halö halöŵö gere.[1] 4 Ba si mate föna Yehowa Nadabi ba Abihu, me la'ohe föna Yehowa galitö si tenga, ba danö si mate, ba gahe hili Zina'i; ba lö khöra ono matua. Ba Eleazari ba Itamari sa'ae zangai-ngai halöŵö gere, barö mbawa namara.[2]
5 Ba humede Yehowa khö Moze, imane: 6 Hede ba mado Lewi, ohe khö Ga'aroni ere, ena'ö ngoni-ngoninia ira. 7 Ba ya'ira zangai-ngai hadia ia nihalö-halö khönia, ba ba zato fefu, föna nose wama'ele'ö; ya'ira zangai-ngai halöŵö ba nose. 8 Ba ba dangara tebe'e fefu wakake ba nose wama'ele'ö ba hadia ia ba Ndraono Gizeraeli; sangai-ngai halöŵö ba nose ira. 9 Öbe'e barö mbawa ndra A'aroni iraononia Nono Lewi, tana khönia manö nibe'e Ndraono Gizeraeli bö'ö. 10 Ba A'aroni ba iraononia, ba öfataro, ba wangai halöŵöra, halöŵö gere; niha bö'ö, si hatö'ö ya'ia, ba nibunu.[3]
Famöfögö Ono Lewi, ba hadia halöŵöra[edit | edit source]
II. 11 Ba humede Yehowa khö Moze, imane: 12 Ya'odo zanutuyu ba Ndraono Gizeraeli bö'ö Ono Lewi andrö, salahi zi a'a bawa'atumbu, fefu, ba Ndraono Gizeraeli — si a'a ndraono khö ninara — ena'ö tana khögu Nono Lewi andrö.[4] 13 Me no tana khögu fefu zi a'a ba wa'atumbu; me luo ubunu zi a'a nono fefu, ba danö Miserayi u'amoni'ö khögu fefu zi a'a ba wa'atumbu ba Ndraono Gizeraeli, ya'odo andre, Yehowa; he niha ba he urifö; tana khögu ira.[5]
14 Ba humede Yehowa khö Moze, ba danö si mate, ba gahe hili Zina'i, imane: 15 Ofaya Nono Lewi andrö, ba ngafura ba ba watalifusöta khöra, dozi motöi matua, i'otarai zi sara wawa fa'ebua, ba si a'a moroi andrö, ö'ofaya, ya'ira.
16 Ba i'ofaya ira Moze, i'o'ö goroisa Yehowa andrö, dali niŵa'önia khönia. 17 Ba da'e döi ndraono Lewi andrö: Gereso ba Kahati ba Merari.[6] 18 Ba töi ndraono Gereso, ba ngafura, ba Libeni ba Sime'i. 19 Ba iraono Gahati, ba ngafura, ba Ameramo ba Yesehari ba Heberona ba Uzieli. 20 Ba iraono Merari, ba ngafura, ba Maheli ba Musi. Da'ö nga'ötö Lewi ba ira amara. 21 Nga'ötö Gereso ndraono Libeni andrö ba iraono Zime'i. Nga'ötö ndraono Gereso da'ö. 22 Fa'ato ni'ofaya, ya'ira — dozi motöi matua, i'otarai zi sara waŵa fa'ebua ba si a'a moroi andrö — ba no 7.500. 23 Nga'ötö Gereso andrö, ba ba gero nose soso golombaseŵara, tanö ba gaekhula luo. 24 Ba högö ndraono Gereso andrö, ba Eliazafi, ono La'eli. 25 Ba halöŵö ndraono Gereso andrö ba nose wama'ele'ö, ba famaigi ösi nose, awö dufo sagö andrö ba balu-balu dufo sagö ba ba'a-ba'a mbawandruhö nose wama'ele'ö, 26 ba ba'a-ba'a golayama andrö ba ba'a-ba'a mbawa göli ba golayama, samasui ose, awö naha wame'e sumange, ba sinalinia — fabaya fefu hadia ia halöŵö ba da'ö. 27 Ba madou Gahati, ba ya'ia nga'ötö Ameramo andrö, awö nga'ötö Yesehari, awö nga'ötö Heberona, awö nga'ötö Uzieli. Da'ö nga'ötö ndraono Gahati. 28 Ba fa'atora — dozi motöi matua, i'otarai zi sara waŵa fa'ebua ba si a'a moroi andrö, ba no 8.600, si so halöŵö ba ni'amoni'ö andrö. 29 Ba nga'ötö ndraono Gahati andrö, ba ba ngai nose soso golombaseŵara, tanö miraya. 30 Ba högö nga'ötö ndraono Gahati andrö, ba Elisafa, ono Uzieli. 31 Ba halöŵöra, ba famaigi tawöla andrö ba meza ba naha wandru, awö naha wame'e sumange, awö wakake ni'amoni'ö andrö, ni'oguna'ö ba wangai-ngai halöŵö andrö, ba ba'a-ba'a andrö — fabaya fefu hadia ia halöŵö ba da'ö. 32 Ba högö zatua Nono Lewi andrö, ba Eleazari, ono Ga'aroni ere andrö, ya'ia mandru zangai halöŵö ba ni'amoni'ö. 33 Ba nga'ötö Merari, ba ya'ia ndraono Maheli andrö ba iraono Musi; da'ö nga'ötö Merari. 34 Ba fa'ato ni'ofaya, ya'ira — dozi motöi matua, i'otarai zi sara waŵa fa'ebua ba si a'a moroi andrö, ba no 6.200. 35 Ba högö nga'ötö Merari andrö, ba Surieli, ono Gabiha'ili, ba ba zi tambai nose soso golombaseŵa khöra, tanö miyöu. 36 Ba nibe'e ba danga ndraono Merari, ba ya'ia wafa [döla-döla] nose, awö lazi, awö daru nahe andrö, fabaya ahe, awö wakakenia fefu, fabaya fefu hadia ia halöŵö ba da'ö. 37 Ba baero ö, ba taru nahe ba golayama andrö, fasui, fabaya ahe ba taru-taru ba sinali.
38 Ba ba mbawa duasa nose, tanö miföna — föna nose wama'ele'ö, tanö ba gatumbukha luo, — ba olombaseŵa Moze, awö ndra A'aroni iraononia, sangai-ngai halöŵö andrö, ba ni'amoni'ö, hadia zoguna ba Ndraono Gizeraeli; ba niha bö'ö si hatö'ö ya'ia, ba nibunu. 39 Ba dozi ni'ofaya, Ono Lewi, ni'ofaya ndra Moze A'aroni, sawu-sawu, wolo'ö niŵa'ö Yehowa — dozi motöi matua, i'otarai zi sara waŵa fa'ebua ba si a'a moroi andrö, ba no 22.000.
Tebe'e salahi zi a'a ndraono ba Ndraono Gizeraeli Nono Lewi[edit | edit source]
III. 40 Ba imane Yehowa khö Moze: Ofaya fefu nono matua si a'a, ba Ndraono Gizeraeli, i'otarai zi sara waŵa fa'ebua ba si a'a moroi andrö ba tanö ba zura döira, ha wa'ato. 41 Ba Ono Lewi andrö öhalö khögu, khö Yehowa, salahi zi a'a ba wa'atumbu fefu, ba Ndraono Gizeraeli; ba urifö nono Lewi, ba öbe'e salahi zi a'a ba wa'atumbu ba gurifö Ndraono Gizeraeli [bö'ö]. 42 Ba i'ofaya fefu zi a'a ba wa'atumbu ba Ndraono Gizeraeli Moze, dali niŵa'ö Yehowa khönia. 43 Ba fa'ato döi nono matua si a'a fefu, i'otarai zi sara waŵa fa'ebua ba si a'a moroi andrö, dozi ni'ofaya, ba no 22.273.
44 Ba humede Yehowa khö Moze, imane: 45 Ono Lewi halö salahi zi a'a ba wa'atumbu fefu, ba Ndraono Gizeraeli, ba urifö Nono Lewi, ba öbe'e salahi guriföra; ena'ö tana khögu Nono Lewi andrö; Yehowa ndra'odo. 46 Ba ba wananu si 273 andrö, si a'a ba wa'atumbu ba Ndraono Gizeraeli, sanalu'i fa'ato Nono Lewi, 47 ba lima rufia zamösa öŵa'ö; saga ni'amoni'ö ni'anulo'ö; samba sekeli [rufia] ba 20 gera.[7] 48 Ba ana'a andrö, ba ba danga ndra A'aroni iraononia öbe'e, fananu zi töra andrö, ba khöra.
49 Ba iŵa'ö wananu andrö Moze ba zi töra andrö ba nibe'e fananu Ono Lewi. 50 Ba zi a'a ba wa'atumbu ba Ndraono Gizeraeli iŵa'ö, 1365 ba rufia, saga ni'amoni'ö. 51 Ba ibe'e ba danga ndra A'aroni iraononia wananu andrö Moze, dali li Yehowa, si mane niŵa'ö Yehowa khö Moze.
Famotokhi ba gahe[edit | edit source]
Fabaliŵa lala[edit source]
Olayama Moze IV: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö