Wb/nia/Moze IV/26
I. Lafuli la'ofaya niha[edit | edit source]
1 Ba me no döhö wamakao andrö, ba imane Yehowa khö Moze, ba khö Geleazari, ono Ga'aroni ere: 2 Mi'ofaya Ndraono Gizeraeli fefu, si 20 fakhe ba si a'a moroi andrö, sambu-sambua mado, dozi solohe baluse ba Ndraono Gizeraeli.[1]
3 Ba laŵa'ö li ira Moze Eleazari khöra, ba zalo'o tanö Ndraono Moabi, ba gamaudu Yerikho, 4 khöra si 20 fakhe ba si a'a moroi andrö, dali niŵa'ö Yehowa khö Moze.
Ba da'e Ndraono Gizeraeli, si otarai danö Miserayi:
5 Rubeno, si a'a Ndraono Gizeraeli. Ba iraono Rubeno, ba Hanokhi, tua nga'ötö Hanokhi andrö; ba Walu, tua nga'ötö Walu andrö.[2] 6 Ba Heseroni, tua nga'ötö Heseroni andrö; ba Karemi, tua nga'ötö Garemi andrö. 7 Da'ö nga'ötö Rubeno andrö. Ba fa'ato ni'ofaya ya'ira, ba no 43.730.
8 Ba ono Walu andrö, ba Eliabi. 9 Ba iraono Geliabi, ba Nemueli ba Datano ba Abiramo. Da'ö zalaŵa rafe andrö, Datano ba Abiramo, si fao khö Gora no, me fasoso ira khö Yehowa,[3] 10 me ifaboka mbawania tanö, me itölö ira, awö Gora, me tekiko zi fao andrö, me i'a alitö zi 250 niha, me tobali tandra [famangelama] ira. 11 Ba lö si tekiko ndraono Gora.[4] 12 Ba ba nga'ötö ndraono Zimeoni, ba Nemueli, tua nga'ötö Nemueli andrö, ba Yamini, tua nga'ötö Yamini andrö, ba Yakhino, tua nga'ötö Yakhino andrö, 13 ba Sera, tua nga'ötö Zera andrö, ba Saulo, tua nga'ötö Zaulo andrö; 14 da'ö nga'ötö Zimeoni andrö, no 22.200.
15 Ba ba nga'ötö ndraono Gado andrö, ba Sefono, tua nga'ötö Zefono andrö, ba Hagi, tua nga'ötö Hagi andrö, ba Suni, tua nga'ötö Zuni andrö, 16 ba Osini, tua nga'ötö Gosini andrö, ba Eri, 17 tua nga'ötö Geri andrö, ba Arodi, tua nga'ötö Garodi andrö, ba Areli, tua nga'ötö Gareli andrö. 18 Da'ö nga'ötö ndraono Gado andrö, ha wa'ato ira, ni'ofaya, no 40.500.
19 Ba ono Yuda, ba Eri ba Onani, ba Eri andrö ba Onani, ba si mate ba danö Gana'ana.[5] 20 Ba ba nga'ötö ndraono Yuda andrö, ba Sela, tua nga'ötö Zela andrö, ba Faresi, tua nga'ötö Waresi andrö, ba Sera, tua nga'ötö Zera andrö. 21 Ba ba ndraono Waresi andrö, ba Eseromo, tua nga'ötö Geseromo andrö, ba Hamuli, tua nga'ötö Hamuli andrö. 22 Da'ö nga'ötö Yuda andrö, ha wa'ato ira, ni'ofaya no 76.500.
23 Ba ba nga'ötö Isasari andrö, ba Tola, tua nga'ötö Dola andrö, ba Fuwa, tua nga'ötö Wuwa andrö, 24 ba Yasubi, tua nga'ötö Yasubi andrö, ba Simeroni, tua nga'ötö Zimeroni andrö. 25 Da'ö nga'ötö Isasari andrö, ha wa'ato ira, ni'ofaya, no 64.300.
26 Ba ba nga'ötö Zebuloni, ba Seredi, tua nga'ötö Zeredi andrö, ba Elono, tua nga'ötö Gelono andrö, ba Yaleeli, tua nga'ötö Yaleeli andrö. 27 Da'o nga'ötö Zebuloni andrö, ha wa'ato ira, ni'ofaya, no 60.500.
28 Ba nga'ötö Yosefo, ba ononia andrö, Manase ba Eferayi. 29 Ba ba ndraono Manase, ba Makhiro, tua nga'ötö Makhiro andrö. Ono Makhiro, ba Gileadi, tua nga'ötö Gileadi andrö. 30 Ono Gileadi andrö, ba Yezeri, tua nga'ötö Yezeri andrö, ba Heleki, tua nga'ötö Heleki andrö, 31 ba Aserieli, tua nga'ötö Gaserieli andrö, ba Sikhema, tua nga'ötö Zikhema andrö, 32 ba Semida, tua nga'ötö Zemida andrö, ba Heferi, tua nga'ötö Heferi andrö. 33 Ba Selofadi andrö, ono Heferi, ba si lö ono matua, ha ono alawe; ba töi nononia alawe andrö, ba Mala ba Noa ba Hogela ba Milika ba Tirisa. 34 Da'ö nga'ötö Manase, ha wa'ato ira ni'ofaya, no 52.700.
35 Ba da'e nga'ötö ndraono Geferayi andrö: Sutela, tua nga'ötö Zutela andrö, ba Bekheri, tua nga'ötö Mbekheri andrö, ba Tahana, tua nga'ötö Dahana andrö.
36 Ba da'e Ndraono Zutela andrö: Erano, tua nga'ötö Gerano andrö. 37 Da'ö nga'ötö ndraono Geferayi, ha wa'ato ira, ni'ofaya, no 32.500. Da'ö nga'ötö ndraono Yosefo andrö. 38 Ba ba nga'ötö ndraono Mbeniyami, ba Bela, tua nga'ötö Mbela andrö ba Asibeli, tua nga'ötö Gasibeli andrö, ba Ahiramo, tua nga'ötö Gahiramo andrö, 39 ba Sufama, tua nga'ötö Zufama andrö, ba Hufama, tua nga'ötö Hufama andrö. 40 Ba ono Mbela andrö, ba Aradi ba Na'ama; Aradi, ba tua nga'ötö Garadi andrö, ba Na'ama, ba tua nga'ötö Na'ama andrö. 41 Da'ö nga'ötö ndraono Mbeniyami andrö, ha wa'ato ira, ni'ofaya, no 45.600.
42 Ba da'e nga'ötö ndraono Dano andrö: Suha, tua nga'ötö Zuha andrö; da'ö nga'ötö Dano, ba watalifusöta andrö khöra. 43 Fefu nga'ötö Zuha andrö, ha wa'ato ira, ni'ofaya, ba no 64.400.
44 Ba ba nga'ötö ndraono Gaseri, ba Yimena, tua nga'ötö Yimena andrö, ba Yisiwi, tua nga'ötö Yisiwi andrö, ba Beria, tua nga'ötö Mberia andrö. 45 Ba iraono Mberia, ba Heberi, tua nga'ötö Heberi andrö, ba Malekieli, tua nga'ötö Malekieli andrö. 46 Ba ono Gaseri alawe, ba Sera döi. 47 Da'ö nga'ötö ndraono Gaseri, ha wa'ato ira, ni'ofaya, no 53.400.
48 Ba ba nga'ötö ndraono Nafatali, ba Yaseeli, tua nga'ötö Yaseeli andrö, ba Guni, tua nga'otö Guni andrö, 49 ba Yeseri, tua nga'ötö Yeseri andrö, ba Silemi, tua nga'ötö Zilemi andrö. 50 Da'ö nga'ötö Nafetali ba wafalitusöta andrö khöra, ba fa'ato ni'ofaya, ya'ira, ba no 45.400.
51 Da'ö ni'ofaya, Iraono Gizeraeli, no 601.730.
II. Tefakhoi wamaosa tanö. Iraono Lewi[edit | edit source]
52 Ba humede Yehowa khö Moze, imane: 53 Khöra andrö lafaosa danö, nitutu tanö, balazi ha wa'ato ira. 54 Sato niha, ba ebolo danö labe'e tana khöra, ba ba zi öna-öna fa'ato, ba la'önaigö wogoi tana khöra; balazi ha wa'ato ni'ofaya, ya'ira, ba wogoi tana khöra.[6] 55 Ba nilau dahö-dahö ba wamaosa tanö, sambu-sambua mado zanema, balazi döi duara. 56 Dali dahö-dahö, ba wamaosa khöra, tana khöra, ba zato niha ba ba zambö fa'ato.
57 Ba da'ö ni'ofaya ono Lewi, sambu-sambua watalifusöta: Gereso andrö, tua nga'ötö Gereso, ba Kahati, tua nga'ötö Gahati andrö, ba Merari, tua nga'ötö Merari andrö.[7] 58 Da'ö nga'ötö Lewi andrö: nga'ötö Libeni andrö, ba nga'ötö Heberona, ba nga'ötö Maheli, ba nga'ötö Husi, ba nga'ötö Gora. Ba ono Gahati, ba Ameramo andrö; 59 ba fo'omo Gameramo, ba Yokhebe, ono Lewi alawe, ononia ba danö Miserayi; ba ono da'ö khö Gameramo, ba A'aroni ba Moze ba talifusöra alawe andrö, Miriya.[8] 60 Ba ono Ga'aroni, ba Nadabi ba Abihu ba Eleazari ba Itamari. 61 Ba Nadabi andrö ba Abihu, ba mate, me la'ohe föna Yehowa galitö si tenga.[9] 62 Ba fa'ato ni'ofaya, ya'ira, ba no 23.000, dozi motöi matua, si sara waŵa fa'ebua ba si a'a moroi andrö. Lö'ö sa mufao ira ba wangofaya Iraono Gizeraeli bö'ö mege, me lö sinemara tana khöra tanö, ba ngai Ndraono Gizeraeli bö'ö.
63 Da'ö ni'ofaya ndra Moze Eleazari ere andrö, sangofaya Iraono Gizeraeli ba zalo'o tanö Ndraono Moabi, ba mbewe Yoridano, ba gamaudu Yerikho. 64 Ba samösa lö'ö sa'ae ba da'ö ni'ofaya ndra Moze A'aroni ere no, me la'ofaya Ndraono Gizeraeli ba danö si mate ba gahe hili Zina'i. 65 Noa sa iŵa'ö khöra Yehowa, si mate ba danö si mate ira; ba no tobali samösa lö si tosai, ya'ira andrö, baero Galebi, ono Yefune, ba Yosua, ono Nuni.[10]
Famotokhi ba gahe[edit | edit source]
Fabaliŵa lala[edit source]
Olayama Moze IV: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö