Wb/nia/Mataio/3

From Wikimedia Incubator
< Wb‎ | nia‎ | Mataio
Wb > nia > Mataio > 3

I. Yohane samayagö idanö[edit | edit source]

1 Ba me luo da'ö,[1] ba so Yohane andrö, samayagö idanö, mangombakha ia ba danö si mate, ba Yudaia, imane: 2 Mifalalini gera-erami, noa sa'ae ahatö mbanua zorugo andrö.[2] 3 Da'ö sa niŵa'ö Yesaya, sama'ele'ö andrö, me imane: "So li zi'ao ba danö si mate, imane: Mihaogö lala Zo'aya, mifadaya lalania. [3]

4 Ba baru Yohane andrö, ba bu gondra ba uli zaŵi mböbö talu, ba önia, ba tamo, awö wikt:nia:ŵe ŵani,ŵe ŵani ba gatua. [4]

5 Ba möi baero khönia mbanua Yeruzalema ba banua Yudaia andrö, fefu, awö mbanua si fatambai Yoridano, fefu. 6 Ba lafabayagö'ö idanö ira khönia ba Yoridano ba la'ombakha'ö horöra. [5]

II. Fangombakhania[edit | edit source]

7 Ba me i'ila, ato zi möi khönia farizaio ba sadukaio, nibayagö idanö, ba imane khöra: He ya'ami, ono gulö! ha niha zangoroma'ö khömi lala wangefa ba wönu andrö dania? [6] 8 Mi'a'asogö sa'ae mbua-bua, si nangea bua-bua wamalalini era-era. 9 Böi miwai, tola miŵa'ö tödömi: Furugöma Gaberahamo; uŵa'ö sa khömi, i'ila Lowalangi, ibali'ö ma'uwu Gaberahamo gara andre.[7] 10 Ba no mufaudugö wato ba ŵa'a geu, ba fefu döla geu sa'ae, si lö bua si sökhi, ba la'obö ba latibo'ö ba galitö.[8]

11 Ya'odo, ba idanö ubayagö khömi, ba wamalalini era-era, ba si so furigu dania, ba sabölö moroi khögu; ambö solohe badagahenia ndra'odo, ba Eheha ni'amoni'ö ba alitö ibayagö khömi da'ö.[9] 12 So ba dangania dörinia ba ihaogö golayama mbasitö khönia ba ulitö, ba ifa'anö ba halasa ba adaya andrö, ba itunu ba galitö si lö mate-mate.

III. Tebayagö idanö Yesu[edit | edit source]

Gambara Famayagö idanö Yesu nigambaraini Francesco Albani (ngaotu ndröfia si-17) nibe'e töi

13 Me luo da'ö so Yesu,[10] i'otarai Galilaia, isaŵa Yoridano, khö Yohane, ba wamabayagö'ö idanö ya'ia khönia.

14 Ba itenaŵa ia Yohane, imane: Moguna sa khögu tebayagö idanö ndra'o khöu, ba möi ndra'ugö khögu?

15 Ba itema linia Yesu, imane khönia: Lau manö ua; si manö sa zi nangea khöda, ba wolo'ö satulö andrö, hadia ia fefu.

16 Awena itehe khönia.

Ba me no mubayagö idanö Yesu, ba i'anema'ö möi miyaŵa moroi ba nidanö; ba hiza, tebokai mbanua si yaŵa, ba i'ila Geheha Lowalangi, si möi mitou, hulö marafadi, we'amöi khönia. 17 Ba hiza li, si otarai zorugo, imane: Onogu da'ö, ono omasiö, wa'omasigu.[11]

Famotokhi ba gahe[edit | edit source]

  1. Ayati 1–12: Mar 1:1–8; Luk 3:1–20; Yoh 1:6–28
  2. Faigi 4:17
  3. Yes 40:3
  4. Luk 1:15; SalII 1:8
  5. HalZin 19:3,4
  6. Faigi 12:34; 23:33
  7. Yoh 8:33 b.t.
  8. Faigi 7:19; Yoh 15:6
  9. HalZin 13:24,25; 2:3,4; Yes 4:4
  10. Ayati 13–17: Mar 1:9–11; Luk 3:21,22; Yoh 1:31–34
  11. Yes 11:2; 42:1; Faigi 17:5; Luk 9:25; FetII 1:17

Fabaliŵa lala[edit source]

Sura Mataio: 12345678910111213141516171819202122232425262728

Amabu'ulali Sibohou: MataioMarekoLukaYohaneHalöŵö ZinengeRomaKorindro IKorindro IIGalatiaEfesoFilifiKoloseTesalonika ITesalonika IITimoteo ITimoteo IITitoFilemoHeberaioYakoboFetero IFetero IIYohane IYohane IIYohane IIIYudaFama'ele'ö

Bale zato: OlayamaAngombakhataBawagöli zatoMonganga afoNahia wamakoriNga'örö spesialNgawalö wanoloSafuria tebulöSanandrösaSangai halöŵö