Wb/nia/Mataio/19

I. Lasofu na tola itibo'ö ngambatönia niha

1 Ba me no i'o'ozui Yesu huhuo andrö,^[1] ba iheta ia ba Galilaia, isaŵa danö Yudaia, yefo Yoridano.

2 Ba ato zolo'ö ya'ia niha, ba ifadöhö wökhöra ba da'ö.

3 Ba möi khönia warizaio, latandraigö ia, lamane: Hadia, tola itibo'ö ngambatönia niha, gofu hadia mbörö?^[2]

4 Ba itema li, imane: Hadia, lö ni'ilami ba zura, wa ira matua ba ira alawe nifazökhi zomböi ba mböröta?^[3] 5 ba no imane: "Andrö iröi dania namania, awö ninania, niha, ba i'olembai ngambatönia, ba tobali ha sambua boto zi darua andrö"?^[4] 6 Ba tenga sa'ae darua ira, ha sambua boto. Ba böi yamufabali niha nifaböbö Lowalangi.^[5]

7 Lamane khönia: Ba hana wa no i'oroi'ö Moze labe'e zura wangefa, ba latibo'ö ia?^[6]

8 Imane khöra: Börö wa'abe'e dödömi, wa itehe khömi Moze wanibo'ö ira alawemi; ba moroi ba mböröta, ba tenga si manö. 9 Ba uŵa'ö khömi: Na so zanibo'ö ira alawenia, na tenga horö mbörö, ba na ihalö danö bö'ö, ba sohorö da'ö.^[7]

10 Lamane khönia nifahaönia: Na si manö huku niha ba ndra alawe, ba lö sökhi wangowalu.^[8]

11 Ba imane khöra: Lö dozi aboto ba dödö huhuo andre, ha ba nibe'e fa'aboto ba dödö.^[9] 12 So sa nikhai, si no tohöna si manö, moroi ba dalu nina; ba so nikhai, nikhai niha, ba so nikhai, si no mogai ya'ira tangara, börö mbanua zorugo andrö. Sangila mamotokhi ba dödönia, ba yamubotokhi.^[10]

II. Ifahowu'ö ndraono Yesu

13 Ba la'ohe khönia ndraono sawuyu,^[11] ena'ö itufa ira tanga ba mangandrö. Ba latenaŵa ira nifahaö.

14 Ba imane khöra Yesu: Mifa'amöi ndraono, böi mitaha ira we'amöi khögu, ba zi manö sa mbanua zorugo andrö.^[12] 15 Ba itufa ira tanga, ba iheta ia ba da'ö.

III. Ono matua andrö so'ana'a

16 Ba hiza niha si möi khönia,^[13] imane: He samahaö! hadia zi sökhi nilaugu, ena'ö usöndra wa'auri si lö aetu andrö? ^[14]

17 Ba imane khönia: Hadia wa ösofu khögu zi sökhi? Ha samösa zi sökhi. Ba na omasi'ö ökhamö wa'auri, ba o'ö goroisa andrö.^[15]

18 Imane: Hadia goroisa?

Ba imane Yesu: Da'ö: Böi ange'e! Böi ohorö! Böi anagö! Böi böbögö zi lö duhu!^[16] 19 Fosumange namau, awö ninau! ba: Omasi'ö zahatö khöu, si mane fa'omasiu ndra'ugö!^[17]

20 Imane khönia ono matua andrö: No ahori u'o'ö da'ö, hadia zambö ndra'o?

21 Imane khönia Yesu: Na omasi'ö mo'ahonoa, ba ae amawa zi so khöu ba be'e ba zi numana, ba so khöu girö-girö ba zorugo ba tabu, o'ö ndra'o.^[18]

22 Ba me irongo da'ö ono matua andrö, ba mofanö ia, abu dödö; me no sebua ana'a ia.

IV. Ha ŵaraö isöndra lala wangorifi so'ana'a

23 Ba imane Yesu ba nifahaönia: Si ndruhu niŵa'ögu khömi, afökhö sibai ba zo'ana'a wogamö banua zorugo andrö.^[19] 24 Ba uŵa'ö göi khömi, aoha na i itörö dögi walölöŵa kudo, moroi ikhamö mbanua zorugo so'ana'a.^[20]

25 Ba me larongo da'ö nifahaönia, ba tobali sibai dödöra, ba lamane: Ba ha niha zogamö fa'auri?

26 Ba ifaigi ira Yesu ba imane khöra: Na ba niha, ba tebai; ba ba Lowalangi, ba molala fefu hadia ia.^[21]

27 Ba humede Wetero, imane khönia: Faigi ndra'aga, no maröi fefu hadia ia ba no ma'o'ö ndra'ugö, ba hadia khöma dania?^[22]

28 Ba imane khöra Yesu: Si ndruhu niŵa'ögu khömi, ya'ami solo'ö ya'o, ba ba wangazökhi dania, na mudadao Nono Niha ba dadaoma lakhöminia andrö, ba dumadao göi ami, felendrua dadaoma ba sanguhuku mado Gizeraeli andrö, si felendrua, ami.^[23]

29 Ba dozi si no mondröi talifusö matua, ba ma talifusö alawe, ba ma ama, ba ma ina, ba ma ono, ba ma benua, na börö döigu, ba oya winaeta lasöndra mangawuli, ba latema wa'auri si lö aetu andrö, amaedola gondröita.

30 Ba ato zi möi furi dania si so föna iada'e, ba si möi föna, si so furi iada'e.^[24]

Famotokhi ba gahe

↑ Ayati 1–9: Mar 10:1–12
↑ Mar 10:8
↑ MozI 2:27; 5:2)
↑ MozI 2:24; Efes 5:31
↑ KorI 7:10
↑ Faigi 5:31
↑ Faigi 5:32; Luk 16:18
↑ KorI 7:1
↑ KorI 7:2; 7:17
↑ KorI 7:26,32 b.t.; TimI 4:3; TimII 3:6
↑ Ayati 13–15: Mar 10:13–16; Luk 18:15–17
↑ Faigi 18:3
↑ Ayati 16–22: Mar 10:17–22; Luk 18:18–23
↑ Luk 10:25
↑ Luk 10:26–28; Gal 3:12,21
↑ MozII 20:12 b.t.
↑ Faigi 22:39; MozIII 19:18
↑ Faigi 5:48; 6:20; Luk 12:33,34
↑ TimI 6:9
↑ Faigi 13:22
↑ Luk 1:37
↑ Faigi 4:20
↑ Faigi 25:31; Luk 22:28 b.t.; Fam 3:21; KorI 6:2
↑ Faigi 20:8,16; Luk 13:30

Fabaliŵa lala

Sura Mataio: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28

Amabu'ulali Sibohou: Mataio • Mareko • Luka • Yohane • Halöŵö Zinenge • Roma • Korindro I • Korindro II • Galatia • Efeso • Filifi • Kolose • Tesalonika I • Tesalonika II • Timoteo I • Timoteo II • Tito • Filemo • Heberaio • Yakobo • Fetero I • Fetero II • Yohane I • Yohane II • Yohane III • Yuda • Fama'ele'ö

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö

[1] Ayati 1–9: Mar 10:1–12

[2] Mar 10:8

[3] MozI 2:27; 5:2)

[4] MozI 2:24; Efes 5:31

[5] KorI 7:10

[6] Faigi 5:31

[7] Faigi 5:32; Luk 16:18

[8] KorI 7:1

[9] KorI 7:2; 7:17

[10] KorI 7:26,32 b.t.; TimI 4:3; TimII 3:6

[11] Ayati 13–15: Mar 10:13–16; Luk 18:15–17

[12] Faigi 18:3

[13] Ayati 16–22: Mar 10:17–22; Luk 18:18–23

[14] Luk 10:25

[15] Luk 10:26–28; Gal 3:12,21

[16] MozII 20:12 b.t.

[17] Faigi 22:39; MozIII 19:18

[18] Faigi 5:48; 6:20; Luk 12:33,34

[19] TimI 6:9

[20] Faigi 13:22

[21] Luk 1:37

[22] Faigi 4:20

[23] Faigi 25:31; Luk 22:28 b.t.; Fam 3:21; KorI 6:2

[24] Faigi 20:8,16; Luk 13:30

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]

[15]

[16]

[17]

[18]

[19]

[20]

[21]

[22]

[23]

[24]