Wb/nia/Mataio/7

From Wikimedia Incubator
< Wb‎ | nia‎ | Mataio
Wb > nia > Mataio > 7

I. Böi manguhuku niha ita[edit | edit source]

1 Böi mihuku niha,[1] fa böi tehuku ami.[2] 2 Hadia huku nifatörömi ba niha bö'ö, da'ö nifatörö khömi zui dania; ba su'a-su'a ni'anu'a'ömi, ba la'anu'a'ö zui dania ba wanu'a khömi.[3]

3 Ba hana wa ö'ila golowingö, si so ba hörö dalifusöu, ba lö ba dödöu mboto geu andrö ba hörömö? 4 Ba hadia wa öŵa'ö khö dalifusöu: Base'ö, da'uheta golowingö andrö ba höröu, ba hiza mboto geu ba hörö khöu.

5 Ofönai'ö ba höröu, wangeheta boto geu andrö, samini tödö, ba awena dania öfaigi wameta olowingö andrö ba hörö dalifusöu.

II. Böi ta'o'aya ni'amoni'ö[edit | edit source]

6 Böi mibe'e ö nasu ni'amoni'ö andrö, ba böi mitibo'ö ba mba'o mbawi mani-mani andrö khömi, fa böi lahundragö ahera bawi ba fa böi labali'ö ira furi, ba wanasawi ya'ami.

III. Tefondrondrongo wangandröda[edit | edit source]

7 Mi'angandrö ba tebe'e khömi; mi'angalui, ba misöndra, mibökö-bökö mbawandruhö, ba tebokai khömi.[4] [5] 8 Dozi sangandrö manema, ba sangalui, ba isöndra, ba khö zamökö-mökö bawandruhö, ba tebokai.

9 Ma ha niha ba khömi niha, same'e khö nononia kara, na i'andrö roti khönia? 10 Ba ma same'e ulö, na i'andrö gi'a?

11 Andrö, na mi'ila mibe'e ba ndraonomi game'ela si sökhi, ya'ami si lö sökhi, ba tenga mendrua manö ibe'e zi sökhi Amami andrö, si so ba zorugo, ba zangandrö khönia?[6]

IV. Tuho goroisa[edit | edit source]

12 Andrö, fefu hadia ia zomasi ami lalau khömi niha, da'ö göi milau khöra; da'ö sa goroisa andrö ba da'ö niŵa'ö zama'ele'ö andrö.[7]

V. Lala ba mbanua Lowalangi[edit | edit source]

13 Mitörö mbawa göli sise-ise andrö, me no ebua mbawa göli ba me no ebolo lala saekhu ba wa'atekiko andrö, ba me no ato zanörö ya'ia.[8] 14 Ba me no ide-ide mbawa göli ba me no ise-ise lala saekhu ba wa'auri andrö, ba me lö ato zanöndra ya'ia.

VI. Böi tafondrondrongo li zamahaö samini tödö[edit | edit source]

15 Mi'angelamaisi zama'ele'ö andrö, si falimo, si möi khömi, si so nukha mbiri-biri, ba bakha, ba asu gatua, si manga niha, ira.[9] 16 Ba mbua-buara aboto ba dödömi ira. Hadia, teteteu mbua nagu ba za'a-sa'a mao, ba ma bua marafala ba lato?[10]

17 Si manö wa i'owua mbua si sökhi fefu geu si sökhi, ba eu sobou, ba i'owua mbua si lö sökhi.[11] 18 Tebai i'owua mbua si lö sökhi eu si sökhi ba tebai i'owua mbua si sökhi eu sobou. 19 Fefu geu si lö mowua bua si sökhi, ba te'obö ba tetibo'ö ba galitö.[12]

20 Andrö, ba mbua-buara aboto ba dödömi ira.

21 Lö dozi molala dania ba mbanua zorugo andrö si faso'aya khögu, wanguma'ö: He So'aya! he So'aya! ha solo'ö somasi Namagu andrö, si so ba zorugo.[13]

22 Ato dania zanguma'ö khögu, na luo da'ö: He So'aya! he So'aya! Hadia, tenga töimö khöma, ba wama'ele'ö, ba hadia, tenga töimö khöma, wamofanö bekhu, ba hadia, tenga no oya nifazökhima tandra, soroi ba döimö andrö?[14]

23 Ba ha da'ö dania, ba lö ubini'ö khöra, umane: Lö urai fa'ila khömi, miheta ami khögu, ya'ami solau si lö atulö.[15]

VII. Amaedola nomo nitaru'ö ba dete gara[edit | edit source]

24 Andrö, fefu ha niha zamondrongo niŵa'ögu andre, ba solo'ö, ba ba niha satua-tua, sanaru'ö omonia ba zokara, fakhili-khili ia.[16] 25 Ba ilau teu sabölö-bölö, so molö, ilau angi, itörö nomo andrö, ba lö aso'a ia, me no nitaru'ö ba dete gara.

26 Ba fefu ha niha zamondrongo niŵa'ögu andre, si lö molo'ö, ba ba niha sambö tödö, sanaru'ö omonia ba gawu nasi, fakhili-khili ia.[17] 27 Ba ilau teu sabölö-bölö, so molö, ilau angi, itörö nomo andrö, ba aso'a, abölö-bölö wa'aso'ania.[18]

28 Ba tobali, me no i'o'ozui huhuonia andrö Yesu, ba tobali dödö zato ba wamahaönia.[19] 29 Me no famahaö zabölö wamahaönia ya'ira, ba tenga si mane ba zangila amakhoita andrö khöra.

Famotokhi ba gahe[edit | edit source]

  1. Ayati 1–5: Luk 6:37–42
  2. Rom 2:1 b.t.; 14:10
  3. Mar 4:24
  4. Ayati 7–11: Luk 11:9–13
  5. Faigi 21:22; Yoh 14:14
  6. Yak 1:5,6,17
  7. Luk 6:31; Rom 13:8–10
  8. Luk 13:24
  9. Faigi 24:4,5,24; HalZin 20:29
  10. Luk 6:44; Yak 3:12
  11. Faigi 12:33 b.t.
  12. Faigi 3:10
  13. Luk 6:46; Yak 1:22–25
  14. Luk 13:25 b.t.
  15. Faigi 25:41
  16. Luk 6:47,48; Yoh 13:17
  17. Luk 6:49
  18. Hes 13:11 b.t.
  19. Mar 1:22; Luk 4:32

Fabaliŵa lala[edit source]

Sura Mataio: 12345678910111213141516171819202122232425262728

Amabu'ulali Sibohou: MataioMarekoLukaYohaneHalöŵö ZinengeRomaKorindro IKorindro IIGalatiaEfesoFilifiKoloseTesalonika ITesalonika IITimoteo ITimoteo IITitoFilemoHeberaioYakoboFetero IFetero IIYohane IYohane IIYohane IIIYudaFama'ele'ö

Bale zato: OlayamaAngombakhataBawagöli zatoMonganga afoNahia wamakoriNga'örö spesialNgawalö wanoloSafuria tebulöSanandrösaSangai halöŵö