Wb/nia/Mataio/10
I. Ifatenge zinengenia si felendrua Yesu[edit | edit source]
1 Ba humede ia ba nifahaönia andrö,[1] si felendrua, itehe khöra, wolaŵa bekhu si ra'iö, ena'ö lafofanö ba ena'ö lafadöhö fefu ngawalö wökhö ba fefu ngaŵalö wa'atebai.
II. Ifobawa lala khöra[edit | edit source]
2 Da'e döi zinenge andrö, si felendrua: Si föföna Zimoni, nifotöi Fetero ba Andrea, talifusönia; ba Yakobo, ono Zebedaio ba talifusönia Yohane,[2] 3 ba Filifo ba Batolomaio, ba Toma ba Mataio, sanema beo andrö, ba Yakobo, ono Galifaio ba Lebaio, 4 ba Simoni selote, ba Yuda, banua Kariota, si manga mbölinia dania.
5 Si felendrua andrö nifatenge Yesu ba iŵa'ö li khöra, imane: Böi misaŵa lala niha baero ba böi mi'ae ba mbanua Ndrawa Zamaria andrö. 6 Ba mbiri-biri sisuna andrö, ma'uwu Gizeraeli mi'ae'e.[3]
7 Mi'ae'e ba mi'angombakha, mimane: No ahatö mbanua zorugo andrö.[4] 8 Mifadöhö wökhö zofökhö, ba misusugi zi mate, ba mifadöhö mbou auri ba mifofanö mbekhu. Lö nibe'emi böli, ba böi göi mihalö mböli.[5]
9 Böi mi'ohe gana'a ba böi göi firö ba böi göi kefe, ba mböbö talumi.[6]
10 Böi mamola ami ba lala, böi dombua mbarumi, böi mobadagahe ami ba böi mani'o, noa sa si nangea labe'e gö ba zohalöŵö.[7]
11 Ba ba zi möi ami ba mbanua sebua, ba ma ba mbanua side-ide, ba mizofu-zofu ha niha zi nangea ba da'ö, ba ba da'ö mi'iagö, irege mofanö ami.
12 Ba na möi ami yomo ba nomo, ba mi'owai ira.[8] 13 Ba na si nangea nomo andrö, ba yafalukha ia wa'ohahau dödö andrö khömi. Ba na tenga si nangea ia, ba yamangawuli khömi wa'ohahau dödö andrö khömi.
14 Ba na so zi lö mama'amöi yomo ya'ami ba si lö mamondrongo limi, ba miheta ami ba nomo andrö ba ba mbanua andrö, mi'anotogö gawu-gawu ba gahemi.[9] 15 Si ndruhu niŵa'ögu khömi, öna-öna na zi göna mbanua Zodoma ba banua Gomora andrö, na luo wanguhuku, moroi ba zi göna mbanua andrö.[10]
16 Hiza, ufatenge ami, hulö mbiri-biri, ba hunö nasu gatua. Andrö ya'onekhe ami, si mane ulö ba ya'atulö ami, si mane marafadi.[11]
17 Ba mi'angelamaisi niha;[12] la'ohe sa dania ami ba rafe, ba ba zekola khöra, labözi-bözi dania ami.[13] 18 Ba ba gumandru ba ba razo te'ohe ami, börö ndra'o, ba wamaduhu'ö khöra ba ba niha baero.[14]
19 Ba na labe'e ba dangara ami, ba böi mi'abusi tödö he miwisa ba hadia niŵa'ömi; tebe'e sa khömi dania, ba da'ö sibai, hadia niŵa'ömi.[15] 20 Tenga sa ya'ami zihede, Eheha Namami andrö zihede, na humede ami.
21 Ibe'e dania nibunu dalifusönia niha, ba ibe'e nibunu nononia ama, ba maoso ndraono, udu ndra amara, labunu. 22 Ba dozi ira dania fa'udu khömi, börö döigu. Ba sanau ölö, irugi gamozua, da'ö ni'orifi.[16]
23 Ba na lagohi ami ba mbanua si sambua, ba mi'oloi, misa ŵa mbanua bö'ö. Si ndruhu niŵa'ögu khömi: Lö fakhamö mi dozigö mbanua Ndraono Gizeraeli irege so Nono Niha. 24 Tenga sebua moroi khö zamahaö nifahaö, ba tenga sebua moroi khö zokhö ya'ia zawuyu.[17]
25 Abönö sa'ae khö nifahaö, na tobali faoma ira zamahaö ya'ia, ba na faoma ira zokhö zawuyu. Na no labe'e töi zokhö omo Mbelesebu, ba tenga mendrua manö lamanö göi ba zoroiyomonia?[18]
III. Ifarou dödöra[edit | edit source]
26 Andrö böi mi'ata'ufi ira.[19] Lö'ö sa hadia ia nibalugö, si lö tefa'ele'ö dania, ba lö nibini'ö, si lö aboto ba dödö dania.[20]
27 Hadia niŵa'ögu khömi ba zogömi-gömi, ba niŵa'ö ba zohaga; ba hadia nirongomi tögi dalingami, ba mituriagö ba mbawa duwu-tuwu.
28 Ba böi mi'ata'ufi zamunu boto, si tebai mamunu noso. Ba mendrua manö mi'ata'ufi zangila mamakiko noso, fabaya boto, ba narako.
29 Tenga dombua zakefe, na la'amawa ziliŵi nali? ba sambua lö aekhu tou ba danö da'ö, na tenga moroi khö Namami andrö; 30 ba ba khömi, ba no te'erai göi rozi mbu fefu, ba högö yaŵa. 31 Andrö böi ata'u ami; no tohude ami moroi ba ziliŵi nali, he ŵa'ae oya ira.
32 Ba dozi ha niha zamaduhu'ö ya'o ba niha, da'ö göi nifaduhu'ögu khö Namagu, si so ba zorugo.[21] 33 Ba sangosilö'ögö ya'o ba niha, ba u'osilö'ögö göi khö Namagu, si so ba zorugo.[22]
34 Böi miŵa'ö tödömi, ba wolohe fa'atulö ba guli danö so ndra'o; tenga ba wolohe fa'atulö möi ndra'o, ba wolohe fasöndrata möido.
35 Ba wama'udu niha khö namania möi ndra'o, ba ba wama'udu ono alawe khö ninania ba ba wama'udu umönö ira alawe khö ninania matuania,[23] 36 ba si fa'udu ba niha dania zoroiyomonia.
37 Ha niha zomasi amania, ba ma inania, moroi ba wa'omasinia ndra'o, ba tenga si nangea khögu da'ö; ba ha niha zomasi ononia matua, ba ma ononia alawe, moroi ba wa'omasinia ndra'o, ba tenga si nangea khögu.[24]
38 Ba ha niha zi lö manuyu röfania, ba wolo'ö ya'o, ba tenga si nangea khögu.[25]
39 Khö zanöndra nosonia aetu ia, ba ha niha zaetu noso, na börö ndra'o, da'ö zanöndra ya'ia.[26]
40 Sama'amöi yomo ya'ami, ba ifa'amöi yomo ndra'o, ba sama'amöi yomo ya'o, ba ifa'amöi yomo zamatenge ya'o andrö.[27] 41 Sama'amöi yomo sama'ele'ö, me no sama'ele'ö döinia, ba itema luo zama'ele'ö, ba sama'amöi yomo satulö, me no satulö döinia, ba itema luo zatulö.[28]
42 Ba ha niha zamabadugö si samba mako idanö kafu, he ha da'ö, ba zi samösa, side-ide andre, me no nifahaö döinia, ba si ndruhu niŵa'ögu khömi, tebai aekhu luonia.[29]
Famotokhi ba gahe[edit | edit source]
- ↑ Ayati 1–15: Mar 3:13–19; 6:7–13: Luk 6:14–16; 9:1–6
- ↑ HalZin 1:13
- ↑ Faigi 15:24; HalZin 13:46
- ↑ Faigi 4:17; Luk 10:9
- ↑ Mar 16:17 b.t.; HalZin 8:20
- ↑ Luk 22:35
- ↑ Luk 10:7; KorI 9:7,14; TimI 5:18
- ↑ Luk 10:5,6
- ↑ HalZin 13:51; 18:6
- ↑ Faigi 11:24
- ↑ Luk 10:2; HalZin 23:6
- ↑ Ayati 17–22: Mar 13:9–13
- ↑ Faigi 24:9; Luk 21:12; HalZin 5:40
- ↑ HalZin 25, 23
- ↑ Luk 12:11,12
- ↑ Luk 21, 16. 17. Yoh 15, 18–21. F. 24, 13
- ↑ Yoh 13:16; 15:20
- ↑ Faigi 12, 24
- ↑ Ayati 26–33: Luk 12:2–9
- ↑ Mar 4:22; Luk 8:17
- ↑ Rom 10:9,10
- ↑ Luk 9:26; TimII 2:12
- ↑ Mikh 7:6
- ↑ MozV 13:6 b.t.; Luk 14:26
- ↑ Faigi 16:24 b.t.; Luk 14:26
- ↑ Luk 17:33; Yoh 12:25
- ↑ Faigi 18:5; Yoh 13:20
- ↑ SalI 17:10 b.t.; SalII 4:8 b.t.
- ↑ Faigi 25:40; Mar 9:41
Fabaliŵa lala[edit source]
Sura Mataio: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28
Amabu'ulali Sibohou: Mataio • Mareko • Luka • Yohane • Halöŵö Zinenge • Roma • Korindro I • Korindro II • Galatia • Efeso • Filifi • Kolose • Tesalonika I • Tesalonika II • Timoteo I • Timoteo II • Tito • Filemo • Heberaio • Yakobo • Fetero I • Fetero II • Yohane I • Yohane II • Yohane III • Yuda • Fama'ele'ö
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö