Wb/nia/Mataio/5

Add links
From Wikimedia Incubator
< Wb‎ | nia‎ | Mataio
Wb > nia > Mataio > 5

I. Famahowu'ö zi sökhi bua-bua[edit | edit source]

1 Ba me i'ila niha sato andrö, ba möi ia ba hili, ba me no mudadao ia, ba la'ondrasi ia nifahaönia.[1] 2 Ba ibörötaigö fahuhuo, ifahaö ira, imane:

3 Ya'ahowu zi numana tödö, me khöra mbanua zorugo andrö.[2]

4 Ya'ahowu zebolo tödö, me ya'ira zokhö uli danö dania.[3]

5 Ya'ahowu zabu tödö, me ya'ira nirara tödö dania.[4]

6 Ya'ahowu zolofo ba sowökhi tödö fa'atulö dödö andrö, me ya'ira ni'abusoi'ö dania.[5]

7 Ya'ahowu zahakhö tödö, me ya'ira nihakhösi tödö dania.[6]

8 Ya'ahowu zohau-hau tödö, me ya'ira zangila Lowalangi dania.[7]

9 Ya'ahowu zangatulö'ö niha, me ya'ira nofotöi ono Lowalangi dania.[8]

10 Ya'ahowu nigohi ba wa'atulö dödö andrö, me khöra dania mbanua zorugo andrö.[9]

Huhuo Yesu ba Hili

11 Ya'ahowu ami, na la'o'aya ami niha, ba na lagohi ami, ba na siŵa mbalö laböbögö khömi si lö sökhi, na börö ndra'o.[10] 12 Mi'omusoi'ö dödömi ba mi'owua-wua'ö dödömi, me ebua luomi ba zorugo. No si manö göi ira, wolohi sama'ele'ö andrö, fönami.[11]

II. Famarou tödö nifahaö[edit | edit source]

13 Ya'ami nasio ba guli danö. Ba na taya wa'asi-asi nasio, ba ha labe'e fangasi-ngasinia? Lö gunania sa'ae, hatö fanibo ya'ia, fa lahundra-hundra niha.[12]

14 Ya'ami haga ba niha ba guli danö. Tebai tobini mbanua, si so ba hili yaŵa.[13] 15 Lö'ö göi tatunu wandru ba tabalugö tumba yöu, tabe'e yaŵa ba naha wandru, ba ihagaini hadia ia, khöra fefu, si so yomo.[14] {subst:Wb/nia/Sao|16}} Yasimanö hagami andrö, yahumaga ba niha, ena'ö la'ila mbua-buami andrö, si sökhi, ba ena'ö lasuno Namami andrö, si so ba zorugo.[15]

III. Famobawa lala satulö[edit | edit source]

17 Böi miŵa'ö tödömi, ba wowu'ai oroisa, awö zura zama'ele'ö andrö, möi ndra'o; tenga ba wowu'ai, ba wolo'ö oroisa möi ndra'o. [16]

18 Si ndruhu sa niŵa'ögu khömi, irugi adudu mbanua si yaŵa, awö danö, ba lö awu'a zambua dandra zura andrö, ba he si sambua niti, ba goroisa andrö, irege no ahori itörö.[17] 19 Andrö, na so zowu'ai oroisa sambalö, fondrege zide-ide, ba na imanö wamahaö niha, da'ö nifotöi fondrege zide-ide ba mbanua zorugo andrö. Ba na so zolo'ö ya'ia, ba na samahaö niha ia, da'ö nifotöi sebua ba mbanua zorugo.[18]

20 Uŵa ö sa khömi, na lö aröu tohude wa'atulö dödömi, moroi ba wa'atulö dödö zangila amakhoita andrö, ba moroi ba wa'atulö dödö Farizaio andrö, ba tebai möi ami ba mbanua zorugo andrö.[19]

21 No mirongo, wa no muŵa'ö khö ndra tua: Böi ange'e; ba na so zange'e, ba göna ia huku. [20] 22 Ba ya'o, ba uŵa'ö khömi: Fefu, ha niha zofönu khö dalifusönia, ba si göna huku; ba sanguma'ö khö dalifusönia: "sowöhö mowa ndra'ugö", ba nihuku ba rafe sebua andrö, ba sanguma'ö "sowöhö ndra'ugö", ba si göna narako alitö.[21]

23 Andrö, na öbe'e game'elau ba naha wame'e sumange, ba na itörö tödöu ba da'ö so hadia ia zinegu dalifusöu khöu,[22] 24 ba röi ba da'ö game'elau föna naha wame'e sumange, ba ae ua, ba atulö'ö ndra'ugö khö dalifusöu, ba awena öfuli'ö, ba öbe'e game'elau andrö.[23]

25 Ta'i-ta'i folo'ö khö zi fa'udu khöu, fatua so ami ba lala, fa lö ibe'e ba danga zanguhuku andrö ndra'ugö si fa'udu khöu andrö, ba ibe'e ba danga wazuri ndra'ugö sanguhuku ba tebe'e ba gurunga ndra'ugö.[24] 26 Si ndruhu niŵa'ögu khöu, lö aefa'ö ba da'ö, na tosai zi sakefe ömöu, si lö mubu'a.

27 No mirongo, wa no muŵa'ö: Böi ohorö! [25] 28 Ba ya'o, ba uŵa'ö, khömi: Dozi, ha niha zamaigi ira alawe, wangisö ya'ia, ba no ihoröni tödönia.[26]

29 Ba na i'alani ndra'ugö höröu kambölö, ba tema koe ia ba tibo'ö. Mohare'ö sa ba da'ö, na tekiko ndroto-ndrotou zambua, moroi tetibo ba narako mbotou ma'asambua.[27]

30 Ba na i'alani ndra'ugö tangau kambölö, ba tema eŵa ia ba tibo'ö. Mohare'ö sa ba da'ö, na tekiko ndroto-ndrotou zambua moroi tetibo ba narako mbotou ma'asambua.[28]

31 Ba no muŵa'ö: "Na so zangefa'ö ngambatönia ba yamube'e khönia zura wangefa'ö".[29] 32 Ba ya'o, uŵa'ö khömi: Dozi, ha niha zangefa'ö ngambatönia, na tenga horö mbörö, ba samohorö ngambatönia da'ö, ba sangowalu ni'efa'ö, ba sohorö.[30]

33 No mirongo göi, wa no muŵa'ö khö ndra tua: "Böi ae ba hölu, na si lö duhu, ba ötörö khö Zo'aya ba zi möi'ö ba hölu".[31] 34 Ba ya'o, ba uŵa'ö khömi: Böi manö mi'ae ba hölu. Böi mibe'e hölu mbanua si yaŵa, me no dadaoma Lowalangi.[32] 35 Ba böi göi tanö, me no dane-dane gahenia, ba böi göi Yeruzalema andrö, me no banua razo sebua.[33] 36 Böi göi be'e hölu högöu, me sara mbu lö ö'ila ö'afusi'ö ba lö ö'ila ö'aitöni.

37 Da'ö wehedemi: ya'ia, na ya'ia! ba: lö'ö, na lö'ö! Ba moroi ba Gafökha zi töra da'ö.[34]

38 No mirongo, wa no muŵa'ö: "Hörö fangali hörö ba ifö fangali nifö."[35] 39 Ba ya'o, ba uŵa'ö khömi: Böi milaŵa zi lö sökhi andrö. Ba na so zamalisi bo'ömö kambölö, ba oro'ö khönia zi tambai göi.[36]

40 Ba na so zangadugö ya'ugö, ba wangai barumö, ba lulu khönia lembe göi.[37]

41 Ba na so zamorege khöu, ba wolohe ya'ugö awönia ba lala zi saza fa'aröu, ba ae awönia zi dua za.

42 Be'e ba zangandrö khöu, ba böi erogö, na so zamalali khöu hadia ia.[38]

43 No mirongo, wa no muŵa'ö: "Omasi'ö zahatö khöu, ba yafatiu dödöu ba zi fatiu tödö khöu." [39] 44 Ba ya'o, ba uŵa'ö khömi: Mi'omasi'ö zi fatiu tödö khömi ba mi'angandrö, salahi zolohi ya'ami;[40] 45 ena'ö tobali ono Namami andrö, si so ba zorugo, ami, me ifatumbu'ö luonia andrö ba zi lö sökhi ba ba zi sökhi, ba teu andrö khönia, ba ibe'e ba zatulö ba ba zi lö atulö.[41]

46 Na mi'omasi'ö sa zomasi ya'ami, ba hadia luomi? Tenga lamanö göi sanema beo andrö?[42] 47 Ba na ha talifusömi mi'owai, ba hadia zi sökhi nilaumi? Tenga lamanö göi niha baero?

48 Andrö yamo'ahonoa ami, si mane fa'amo'ahonoa Namami andrö ba zorugo.[43]

Famotokhi ba gahe[edit | edit source]

  1. ↑ Faza 5–7: faigi göi Luk 6:20–49
  2. ↑ Luk 6:20; Yes 57:15
  3. ↑ Sin 126:5; KorII 7:10
  4. ↑ Sin 37:11
  5. ↑ Luk 6:21; Yoh 6:35
  6. ↑ Faigi 25:35 b.t.; Luk 6:36; Yak 2:13
  7. ↑ Sin 24:3–5; YohI 3:2,3
  8. ↑ Heb 12:14
  9. ↑ FetI 3:14
  10. ↑ Luk 6:22,23; FetI 4:14
  11. ↑ Yak 5:10; HalZin 7:52
  12. ↑ Mar 9:50; Luk 14:34–35
  13. ↑ Fil 2:15
  14. ↑ Mar 4:21; Luk 11:33
  15. ↑ FetI 2:12
  16. ↑ Rom 3:31
  17. ↑ Yes 40:8; Luk 16:17
  18. ↑ Yak 2:10; Dan 12:3
  19. ↑ Faigi 23:2 b.t.; Luk 18:11–12
  20. ↑ MozII 20:13; 21:12
  21. ↑ YohI 3:15
  22. ↑ Mar 11:25
  23. ↑ Faigi 6:14
  24. ↑ Faigi 18:34–35; Luk 12:58–59
  25. ↑ MozII 20:14
  26. ↑ Yob 31:1
  27. ↑ Faigi 18:9; Mar 9:47; Gal 5:24
  28. ↑ Faigi 18:8; Mar 9:43
  29. ↑ Mat 19:3–9; MozV 24
  30. ↑ Luk 16:18; KorI 7:11
  31. ↑ MozIII 19:12; MozIV 30:37
  32. ↑ Yes 66:1; Faigi 23:16 b.t.
  33. ↑ Sin 48:3
  34. ↑ Yak 5:12
  35. ↑ MozII 21:23–24
  36. ↑ Luk 6:29; Amaed 24:29
  37. ↑ KorI 6:7
  38. ↑ MozV 15:7 b.t.; Luk 6:30,34
  39. ↑ MozIII 19:18; 23:3 b.t.
  40. ↑ Amaed 25:21–22; Luk 6:27 b.t.; Luk 23:34; HalZin 7:60; FetI 3:9; Rom 12:14–20
  41. ↑ Luk 6:35; Efes 5:1
  42. ↑ Luk 6:32
  43. ↑ Luk 6:36; Kol 3:15

Fabaliŵa lala[edit source]

Sura Mataio: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28

Amabu'ulali Sibohou: Mataio • Mareko • Luka • Yohane • Halöŵö Zinenge • Roma • Korindro I • Korindro II • Galatia • Efeso • Filifi • Kolose • Tesalonika I • Tesalonika II • Timoteo I • Timoteo II • Tito • Filemo • Heberaio • Yakobo • Fetero I • Fetero II • Yohane I • Yohane II • Yohane III • Yuda • Fama'ele'ö

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö
Retrieved from "https://incubator.wikimedia.org/w/index.php?title=Wb/nia/Mataio/5&oldid=6272327"