Jump to content

Wb/nia/Mataio/1

From Wikimedia Incubator
< Wb‎ | nia‎ | Mataio
Wb > nia > Mataio > 1

1 Sura mböröta Yesu Keriso,[1] ma'uwu Dawido andrö, ma'uwu Gaberahamo.

2 Iza'aki nono Gaberahamo, Yakobo nono Giza'aki, Yuda nono Yakobo ba talifusönia andrö. 3 Feresi nono Yuda ba Sera, ononia khö Damara andrö. Eseromo nono Weresi. Aramo nono Geseromo. 4 Aminadabi nono Garamo, Na'aso nono Gaminadabi, Salemo nono Na'aso. 5 Boasi nono Zalemo, ononia khö Rakhaba andrö. Yobedi nono Mboasi, ononia khö Ruti andrö. Iza'i nono Yobedi. 6 Dawido nono Giza'i, Dawido razo andrö. Selomo nono Dawido, ononia khö wo'omo Guria andrö. 7 Rehabeamo nono Zelomo. Abia nono Rehabeamo. Asa nono Gabia. Yozafati nono Asa. 8 Yoramo nono Yozafati. Usia nono Yoramo. 9 Yotamo nono Usia. Ahasi nono Yotamo. 10 Hisikia nono Gahasi. Manase nono Hisikia. Amoni nono Manase. 11 Yosia nono Gamoni. Yekhonia nono Yosia ba talifusönia andrö, me luo tefawu'a ira, me te'ohe ba Mbabilona. 12 Ba me no aefa tefawu'a ira, me te'ohe ba Mbabilona, ba mo'ono Yekhonia, Selatieli nononia. Serubabeli nono Zelatieli. Abiudi nono Zerubabeli. 13 Eliaki nono Gabiudi. Asori nono Geliaki. Sadoki nono Gasori. 14 Akhimi nono Zadoki. Eliudi nono Gakhimi. 15 Eleasari nono Geliudi. Matana nono Geleasari. Yakobo nono Matana. 16 Yosefo nono Yakobo, Yosefo fo'omo Maria andrö, ina Yesu, nifotöi Keriso. 17 Tobali fele öfa nga'ötö fefu, i'otarai Gaberahamo, irugi Dawido, ba fele öfa nga'ötö i'otarai Dawido, irugi tefawu'a ira, te'ohe ba Mbabilona; ba i'otarai tefawu'a ira, te'ohe ba Mbabilona, irugi Keriso, ba fele öfa nga'ötö zui.

II. Fa'atumbunia[edit | edit source]

18 Ba si mane wa'atumbu Yesu Keriso andrö: Me no ifohu nina Yesu, Maria, Yosefo andrö, me lö sorudu ira na, ba terongo, manabina ia khö Geheha ni'amoni'ö.[2]

19 Ba iböhöi manö ia mena'ö Yosefo, soniha ya'ia, lö i'ombakha'ö, me niha satulö ia, lö edöna i'ailasi.[3]

20 Ba me ifatou-tou tödönia da'ö, ba hiza, oroma khönia mala'ika Zo'aya ba wangifi, imane: He Yosefo, ma'uwu Dawido, böi ata'ufi wangai Maria andrö, nihamö; tabina andrö, si so ba dalunia ba no moroi ba Geheha ni'amoni'ö.[4]

21 Ba madono ia dania, ono matua, ba öbe'e töi nono andrö Yesu, me ya'ia zangefa'ö banuania ba horöra.[5] 22 Ena'ö itörö niŵa'ö Zo'aya, ni'ombakha'ö zama'ele'ö, andrö si manö da'ö fefu; imane sama'ele'ö andrö:

23 Hiza, so dania nono alawe sanabina, ba madono ono matua, ba labe'e töi nono andrö "Emanu'eli", "awöda Lowalangi" geluahania, na la'ali [ba li niha]. [6]

24 Ba me tokea Yosefo, ba i'o'ö niŵa'ö mala'ika Zo'aya andrö khönia, ihalö nihania. 25 Ba lö orudu ira, irugi madono ia, ono matua, ba ibe'e töi nono Yesu.[7]

Famotokhi ba gahe[edit | edit source]

  1. Sura mböröta eluahania sura nga'ötö. Ngawalö döi niha bakha ba zura nga'ötö andre no lafaudugö wanurania ba lela Nono Niha. Börö da'ö abua khöda wangalui ba Google ngawalö döi andrö. Ba zi so föna, ena'ö aoha khö ndraono zekola mamahaö ba wangosili Zura Ni'amoni'ö, abölö sökhi na tesura döi andrö molo'ö töi si no fagölö la'ila niha. Fangali ba li Niha böi tobali taha-taha ba wangi'ila.
  2. Luk 1:26–38
  3. MozV 24:1 b.t.
  4. Rom 3:1
  5. Luk 1:31; HalZin 4:12; 5:31
  6. Yes 7:14; TimI 3:16
  7. Luk 2:7,21

Fabaliŵa lala[edit source]

Sura Mataio: 12345678910111213141516171819202122232425262728

Amabu'ulali Sibohou: MataioMarekoLukaYohaneHalöŵö ZinengeRomaKorindro IKorindro IIGalatiaEfesoFilifiKoloseTesalonika ITesalonika IITimoteo ITimoteo IITitoFilemoHeberaioYakoboFetero IFetero IIYohane IYohane IIYohane IIIYudaFama'ele'ö

Bale zato: OlayamaAngombakhataBawagöli zatoMonganga afoNahia wamakoriNga'örö spesialNgawalö wanoloSafuria tebulöSanandrösaSangai halöŵö