Wb/nia/Mataio/9
I. Ifadöhö wökhö zi mate dambai Yesu[edit | edit source]
1 Ba möi ia baowo,[1] isaŵa si yefo, mbanuara.
2 Ba hiza, la'ohe khönia zi mate dambai, si mörö-mörö ba gaso.
Ba me i'ila wamatira Yesu, ba imane ba zi mate dambai andrö: Böi ata'ufi, onogu, no te'efa'ö khöu horöu.
3 Ba hiza, lamane dödöra ösa, sangila amakhoita: Sangaoha-ngaoha da'ö.
4 Ba me i'ila gera-erara Yesu, ba imane: Hana wa lö sökhi gera-erami, ba dödömi bakha?[2] 5 He zaoha ira sa, fanguma'ö: No te'efa'ö khöu horöu, ba ma fanguma'ö: Faoso, ba owaö-waö?
6 Ba ena'ö mi'ila, tola i'efa'ö Ono Niha horö ba guli danö (ba awena imane ba zi mate dambai andrö): Faoso, fazaŵa gasomö ba fuli'ö khömi.[3]
7 Ba maoso ia, ifuli ia khöra.
8 Ba me la'ila da'ö niha sato, ba ata'u ira ba lasuno Lowalangi, same'e fa'abölö si manö ba niha.
II. Ikaoni Mataio andrö[edit | edit source]
9 Ba, me itörö Yesu,[4] me i'otarai da'ö, ba i'ila niha, sidadao ba naha wanema beo, Mataio döinia, ba imane khönia: O'ö ndra'o. Ba maoso ia, i'o'ö.
10 Ba me manga ia yomo, ba hiza, ato zi möi sanema beo, awö zebua horö, orudu manga ira khö Yesu ba khö nifahaönia.
11 Ba me la'ila da'ö farizaio, ba lamane ba nifahaönia: Hana wa orudu manga zamahaö ya'ami ba zanema beo ba ba zebua horö?[5]
12 Ba imane, me irongo da'ö: Ba zabölö, ba lö moguna zame'e dalu-dalu, ha ba zofökhö moguna. 13 Ba mi'ae mibe'e ba dödömi, hadia niŵa'ö andrö: "Fa'ahakhö dödö zomasido, ba tenga sumange." Tenga sa ba wogaoni satulö möi ndra'o, ha ba wogaoni si so horö.[6]
III. Lö mamoni nifahaönia[edit | edit source]
14 Ba da'ö möi khönia nifahaö Yohane andrö, lamane: Hana ndra'aga ba farizaio, wa mamoni ba gö ndra'aga, ba lö'ö sa mamoni nifahaömö?[7]
15 Ba imane khöra Yesu: Hadia, tola abu dödö zi möi ba walöŵa, fatua awöra zangowalu? Ba irugi baŵa dania, ba aheta khöra zangowalu, ba awena dania mamoni ba gö ira.[8]
16 Ba lö sombalo baru satua balo-balo si bohou; asika zui sa mbaru, ba zinga mbalo-balo andrö, ba tobali ebua zasikania.
17 Ba lö'ö göi lalau nagu si bohou ba nahia satua. Ba na lalau, ba asika nahia andrö ba aduwa nagu ba tekiko nahia. Ba nahia si bohou lalau nagu si bohou, ba faoma lö hadia ia.
IV. Ifadöhö wökhö ndra alawe sendro talu[edit | edit source]
18 Me iŵa'ö khöra da'ö,[9] ba hiza zalaŵa, si möi yomo, mangalulu khönia, imane: No mate mege nonogu alawe, ba ae tufa ia tangau, ba auri ia.
19 Ba maoso Yesu, i'o'ö, awö nifahaönia.
20 Ba hiza ndra alawe, sendro talu, no mewelendrua fakhe sa'ae; i'ondrasi Yesu moroi furi, ibabaya gahe mbarunia; 21 imane sa dödönia: He ha barunia ubabaya, ba döhö wökhögu.[10]
22 Ba ibali'ö ia Yesu, i'ila ba imane: Böi ata'ufi, onogu; no i'orifi ndra'ugö famatimö andrö. Ba abe'e ndra alawe andrö, i'otarai da'ö sibai.
V. Isusugi nono Ya'iro andrö[edit | edit source]
23 Ba me irugi nomo zalaŵa no mege Yesu, me i'ila zolau sigu, awö niha sato, si fagua-gua, ba imane:[11] 24 Miheta ami, tenga sa si mate nono alawe andrö, si mörö. Ba la'igi-igi'ö ia.[12]
25 Ba me no tefofanö baero niha sato, ba möi ia si bakha, ira'u danga, ba maoso nono alawe andrö.
26 Ba humöngö duria da'ö ba danö andrö, ma'asagörö.[13]
VI. Ifadöhö wökhö hörö zau'a ba fökhö zobekhu[edit | edit source]
27 Ba me mofanö Yesu ba da'ö, ba la'o'ö ia niha sau'a, darua, mu'ao ira, lamane: Hakhösi tödö ndra'aga, ma'uwu Dawido![14]
28 Ba me möi ia yomo, ba la'ondrasi ia sau'a andrö, ba imane khöra Yesu: Hadia, faduhu dödömi, u'ila ulau da'ö? Lamane khönia: Faduhu dödöma, Tua.
29 Awena ibabaya höröra, imane: Ya'itörö zi faduhu dödömi.[15]
30 Ba teboka höröra. Ba itenaŵa sibai ira Yesu, imane: Mifaigi, böi irongo da'ö niha, gofu ha niha.[16] 31 Ba möi ira baero, ba la'ombakha'ö ia ba danö andrö ma'asagörö.
32 Ba me no möi ira baero, ba hiza, la'ohe khönia niha si lö hede, sobekhu.[17]
33 Ba me no tefofanö mbekhu andrö, ba humede zi lö hede no mege, ba ahöli-höli dödö niha sato, lamane: Lö irai oroma zi manö ba Ndraono Gizeraeli.
34 Ba lamane farizaio: Moroi ba zalaŵa mbekhu andrö, wa ifofanö mbekhu.[18] [19]
VII. Ebolo mbasitö ba lö ato zamasi[edit | edit source]
35 Ba itöröi mbanua sebua awö mbanua side-ide Yesu, mamahaö ia ba zekola khöra, manuriagö turia mbanua Lowalangi andrö, turia somuso dödö, ba ifadöhö fefu ngawalö wökhö ba fefu ngawalö wa'atebai.[20]
36 Ba me i'ila niha sato, ba ahakhö dödönia ira, me no nifakao ira, nifazaewe, hulö mbiri-biri, si lö kubalo.[21]
37 Ba imane khö ndra nifahaönia: Ebolo sa mbasitö, ba lö ato zohalöŵö.[22] 38 Andrö mi'andrö khö zokhö basitö andrö, ena'ö ifatenge zohalöŵö ba mbasitönia.
Famotokhi ba gahe[edit | edit source]
- ↑ Ayati 1–8: Mar 2:1–12; Luk 5:17–26
- ↑ Yoh 2:24,25
- ↑ Yoh 5:8
- ↑ Ayati 9–13: Mar 2:13–17; Luk 5:27–32
- ↑ Luk 15:2
- ↑ Faigi 12:7; Hos 6:6; TimI 1:15
- ↑ Luk 18:12
- ↑ Yoh 3:29
- ↑ Ayati 18–26: Mar 5:22–43; Luk 8:41–56
- ↑ Faigi 14:36
- ↑ Yer 9:17
- ↑ Yoh 11:11
- ↑ Luk 7:17
- ↑ Faigi 20:30
- ↑ Faigi 8:13
- ↑ Faigi 12:16; Mar 1:44
- ↑ Faigi 12:22
- ↑ Faigi 12:24; Mar 3:22
- ↑ Moroi ba zalaŵa mbekhu eluahania tola ifofanö mbekhu andrö börö wamataro zalaŵa mbekhu.
- ↑ Faigi 4:23
- ↑ Hes 34:4,5; Mar 6:34
- ↑ Luk 10:2
Fabaliŵa lala[edit source]
Sura Mataio: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28
Amabu'ulali Sibohou: Mataio • Mareko • Luka • Yohane • Halöŵö Zinenge • Roma • Korindro I • Korindro II • Galatia • Efeso • Filifi • Kolose • Tesalonika I • Tesalonika II • Timoteo I • Timoteo II • Tito • Filemo • Heberaio • Yakobo • Fetero I • Fetero II • Yohane I • Yohane II • Yohane III • Yuda • Fama'ele'ö
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö