Jump to content

Wb/nia/Famayagö-idanö

From Wikimedia Incubator
< Wb‎ | nia
Wb > nia > Famayagö-idanö

Famayagö-idanö no sambua halöŵö nifalua ba wamalalini era-era ba ba wangefa'ö horö. Fabö'ö-bö'ö lala wamalua ya'ia, ba hiza si-lö-tola-lö la'oguna'ö idanö. Ifalua da'a Yohane ba nidanö Yoridano (Mareko 1:4).[1]

Ngawalö wamayagö idanö[edit | edit source]

Ibayagö-idanö Yesu Yohane. Nigambaraini Juan Sánchez Cotán (1600–1627). Famayagö idanö simane tefalua irugi ma'ökhö bakha ba Gereja Katolik, Gereja Lutheran ba ba Gereja Anglikan

Lö ta'ila sibai hewisa wamalua Yohane wamayagö idanö andrö, ba hiza molo'ö nidunö-dunö ndra Niha Keriso me föna awö gambara nigambaraini ndra Niha Keriso me föna, ifezizio niha bakha ba nidanö Yohane ba ihawui högöra faoma idanö.

Famayagö idanö bakha ba nungo nidanö nifalua sambua Gereja Protestan

Ba hiza so gereja simane Gereja Ortodoks ba mato ha'uga gereja Protestan sohöndrögö barö nidanö niha, tenga ha labayagö idanö. So zolau ya'ia bakha ba nahia idanö sebua ba so göi zolau ya'ia bakha mba'a sebua ma zui ba nungo nidanö.

Eluaha[edit | edit source]

Molo'ö Yohane samösa, fabö'ö dania wamayagö idanö nifalua Yesu. Ibayagö niha Yohane faoma idanö, ba hiza ibayagö niha Yesu faoma Eheha Ni'amoni'ö (Mareko 1:8; Zinenge/1#5 Halöŵö Zinenge 1:5). Lö ta'ila sibai na eluaha niŵa'ö Yohane andre wa i'otarai khö Yesu lö moguna sa'ae möi niha ba nidanö ba wamalua dandra wamalalini era-era ba ba wangefa'ö horö.

Ni'ilada moroi ba zi no to'ölö tefalua i'otarai ndra nifahaö Yesu irugi ma'ökhö, ya'ia wa lö möi ira sa'e ba nidanö, ba hiza lahalö nidanö ba laduwagö ba högö niha, si tobali tandra wanasa horöra ba famalalini era-era. Andrö göi wa bakha ba Gereja Katolik lafotöi ia Fanasa Ni'amoni'ö, eluahania tandra ni'amoni'ö ba wanasa horö.

Fanasa Ni'amoni'ö no tobali sambua ba gotalua zi fitu sakramen bakha ba Gereja Katolik ba si föföna sibai latema'ö ba niha fatua lö tobali ira ndroto-ndroto Gereja.

  1. Oya nahia ba Zura Ni'amoni'ö si fakhai ba wamayagö idanö, ba gotaluania Yoh 1:32, Yoh 3:3,5, Yoh 3:22, Yoh 4:1, HalZin 8:36, HalZin 10:47, HalZin 22:16, btn.

Fabaliŵa lala[edit | edit source]

Sura Ni'amoni'ö: Amabu'ulali Siföföna: Moze I | Moze II | Moze III | Moze IV | Moze V | Yosua | Sanguhuku | Ruti | Samueli I | Samueli II | Razo I | Razo II | Nga'ötö I | Nga'ötö II | Esera | Nehemia | Esitera | Yobi | Sinunö | Amaedola Zelomo | Sangombakha | Sinunö Sebua | Yesaya | Yeremia | Hezekieli | Danieli | Hosea | Yoeli | Amosi | Obadia | Yona | Mikha | Nakhumi | Habakuki | Sefania | Hagai | Sakharia | Maleakhi | Amabu'ulali Sibohou: Mataio | Mareko | Luka | Yohane | Halöŵö Zinenge | Roma | Korindro I | Korindro II | Galatia | Efeso | Filifi | Kolose | Tesalonika I | Tesalonika II | Timoteo I | Timoteo II | Tito | Filemo | Heberaio | Yakobo | Fetero I | Fetero II | Yohane I | Yohane II | Yohane III | Yuda | Fama'ele'ö

Bale zato: OlayamaAngombakhataBawagöli zatoMonganga afoNahia wamakoriNga'örö spesialNgawalö wanoloSafuria tebulöSanandrösaSangai halöŵö