Wb/nia/Yobi/9

I. Ifa'ele'ö wa lö ambö fa'abölö andrö khö Lowalangi

1 Ba itema linia Yobi, imane: 2 "Ya'ia, u'ila, wa si manö — he iwisa niha wabu'asa khö Lowalangi! 3 Na omasi ia fasoso, ba he hönö ngawalö isofu, ba sambalö lö i'ila ibu'a niha. 4 Si no atua-tua tödö ba si no fahöna fa'abölö — ha niha zirai fatandro khönia, ba si lö göna hadia ia? 5 Ya'ia andrö, samawu'a hili, si lö oroma, wanuli'ö ba wönunia; 6 Samahisi tanö ba nahania, fa mangiwa gehomonia. 7 Sanenaŵa luo, ta böi tumbu, ba somba'a döfi. 8 Samologö banua yaŵa, ha ya'ia, ba sanörö talu nasi. 9 Somböi dofi soya ba "si tölu", awö "zara" andrö, fabaya bate'e [ndröfi] andrö tanö raya. 10 Solau sebua, si tebai aboto ba dödö niha, ba sahöli-höli dödö, si lö mutaha mu'erai. 11 Hiza, itörö ngaigu, ba lö u'ila ia; amaedola zihombo ia, wanörö, ba lö oroma khögu. 12 Na ihori niha, ba ha niha zanenaŵa ya'ia? Ha niha zi tola manguma'ö khönia: Hadia nilaumö? 13 Lö i'alösi wönunia Lowalangi — noa sa laköwö ira fönania sanolo Dawa Miserayi — 14 ba mendrua manö tebai fabu'a ndra'o khönia; tebai usöndra niŵa'ögu khönia, 15 ya'odo, si tebai manema li, he na lö horögu; sangandrö fa'ahakhö dödö ena'ö ndra'o khönia sanguhuku ya'odo. 16 Ba he ŵa'ae itema ligu, na u'angaröfi li ia, ba tebai faduhu dödögu, wa ifondrondrongo khögu. 17 Irasa na'i ndra'o angi sabölö, ba inönö zokhogu, lö börö. 18 Lö itehe khögu wangahasugö ya'odo, i'abusoi'ö ndra'o safökhö sibai khögu. 19 Na fa'abe'e zabölö mbalazi, ba hiza ia! ba na lala huku mbalazi, ba ha niha zogaoni ya'odo! 20 Na lala khögu, ba bewegu zangetu'ö hukugu; ba na lö horögu, ba si falimo ndra'o ibe'e [bewegu andrö]. 21 Lö'ö sa horögu — ba lö ba dödögu nosogu; anuzu dödögu we'asogu ba guli danö. 22 Oi faoma manö, andrö ufalua baeha: faoma ibunu, he satulö ba he si so horö. 23 Na adölö famunu niha mbözi-bözi andrö, ba ma'iki ia ba wa'aragu-ragu dödö zi lö horö. 24 Uli danö andre, ba no mube'e ba danga zebua horö, hörö zanguhuku, ba i'okhö: na tenga ya'ia, ba ha niha na sa!

II. Tebai fabu'a niha khö Lowalangi

25 No alio mbaŵagu andrö, moroi ba zi fagohi, moloi, lö mu'ila wa'ohahau dödö. 26 No itörö manö, amaedola dundraha saoha, amaedola moyo sondra'u. 27 Na umane dödögu: Da'u'osolifuagö wa'abu dödögu andrö, da'uböhöli wa lö sökhi-sökhi dödögu ba u'ohau-hau'ö mbawagu; 28 ba humokha mbugu zafökho andrö khögu fefu — u'ila wa lö öbe'e aefa ndra'odo. 29 Lö tola tenga si so horö ndra'odo, ba hadia wa u'eregeisi na dödögu si lö boto? 30 He usasai ndra'o taŵa deu si baku ba he udukhu idanö nawu dangagu, 31 ba ö'ungugö ndra'o ba getuna ba tobali ogoro nukhagu ndra'odo. 32 Tenga niha si mane ya'odo ia, fa u'ila utema linia, fa tola fabu'a ndra'aga föna zanguhuku. 33 Lö khöma same'e ba lala, si faoma manufa tanga ya'aga. 34 Ena'ö na iheta ba hulugu mbözi-bözinia, ba ena'ö na lö ikeani ndra'odo fameta'u andrö khönia: 35 Ba humede ndra'o, lö ata'udo ia; tenga sa si manö dögögu."

Famotokhi ba gahe

Fabaliŵa lala

Olayama Yobi: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40 • 41 • 42

Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö