Wb/nia/Yobi/34
I. Itegu huhuo Yobi Elihu, me lö si faduhu dödönia ba wa'atulö Lowalangi[edit | edit source]
1 Ba itohugö Elihu, imane: 2 "Mifondrongondrongo niŵa'ögu, ya'ami satua-tua, ba mibe'e mbörö dalingami, ya'ami si so tödö! 3 Itandra sa daroma li tögi dalinga, si mane fanandra gararo gö.[1] 4 Data'alu-alui zatulö, ena'ö faoma tasöndra zi sökhi. 5 Noa sa imane Yobi: 'Lö horögu, ba tenga ba lala ifatörö khögu Lowalangi. 6 Hadia, mofaya ndra'o, lö lai wa no lala khögu? No gönado ono wana si tebai nifadöhö, ba lö horögu.'[2] 7 Heza so niha si mane Yobi andrö, samamadu idanö fanandraŵa,[3] 8 si möi awö zolau si lö sökhi ba si fao ba zanao horö?[4] 9 Noa sa imane: 'Lö hare niha, na fahuwu ia khö Lowalangi'.[5] 10 Andrö mifondrongondrongo khögu, ya'ami si so fa'aboto ba dödö: Böi manö taŵa'ö, ilau zi lö sökhi Lowalangi ba ifatörö zi lö atulö Si lö ambö fa'abölö![6] 11 Lö'ö, ha folau niha isulöni khönia, dali wamatörönia ba niha mbua-bua niha.[7] 12 Si ndruhu, lö ibila'ö lala Lowalangi, ba lö iwu'ai huku Si lö ambö fa'abölö. 13 Ha niha zame'e ba dangania tanö? Ba ha niha zolata tanö'a ma'afefu? 14 Na ha ya'ia zi so ba dödönia ena'ö, na iböda Gehehania ba hanu-hanunia andrö,[8] 15 ba ahori adudu nösi guli danö fefu, ba ifuli tobali gawu-gawu niha.
II. Lö ebua dödö zambuana Lowalangi[edit | edit source]
16 Na si so tödö ndra'ugö, ba fondrondrongo da'e, be'e mbörö dalingau ba daroma ligu! 17 Hadia, tola maö samatörö zi lö omasi satulö? Ma öbali'ö si lö atulö Zi lö ambö fa'atulö andrö?[9] 18 Ya'ia andrö, sanguma'ö khö razo: 'Si lö ngaroro ndra'ugö!' ba ba zi so töi: 'Sebua horö ami!' 19 Si lö mamaigi bawa zalaŵa ba si lö ebua tödö ba zo'ana'a, moroi ba zi numana, me no nilau dangania dozi ira.[10] 20 I'ogomuzaö mate ira, ba na talu mbongi, ba tefahisi soi niha, ba taya; tetimba zabölö, ba tenga tanga niha. 21 Anehe sa ia lala zamösana, fefu mbekania, ba i'ila.[11] 22 Lö si bongi ba lö sogömi-gömi sibai, ba nibini'ö zamazökhi si lö sökhi ya'ira ena'ö.[12] 23 Alakha sa lö ifaigi-faigi niha, ena'ö i'ondrasi Lowalangi, nihuku. 24 Ifufu zabölö, lö musekhegö, ba ibe'e fangalira niha bö'ö. 25 Tobali aboto ba dödönia mbua-buara ba ba zi bongi itimba ira, ba afufu. 26 Ihare'ö khöra mbözi-bözi, si mane ba zi no manao horö, ba ba zanehe niha fefu. 27 Börö wa no fabali ira khönia awö wa lö ba dödöra lala andrö khönia fefu, 28 ba wamarongogö khönia si yaŵa fangarö-ngarö zi numana, ba ena'ö irongo wege-ege zebua famakao. 29 Ba na ifaigi wondrara, ba ha niha zanguhuku [ya'ia]? Ba na ibini'ö mbawania, ba ha niha zangila ya'ia? He ba zato ba he ba zi ha samö-samösa göi.[13] 30 Ena'ö lö möi salaŵa niha si lö sökhi, fa böi tandraŵa ba niha. 31 Hadia sa, taŵa'ö maö khö Lowalangi: 'Ulu'i; lö ulau zi lö sökhi;[14] 32 hadia zi lö i'ila hörögu, ba oroma'ö khögu: na no ulau zi lö atulö, ba ubato sa'ae?'
III. Lö tola itegu niha wamatörö Lowalangi andrö[edit | edit source]
33 Hadia, ifatörö ba zomasi ndra'ugö wanulöni; me no ökököni; tobali ya'ugö zanguhuku, ba tenga ya'odo? Ba hadia ni'ilau, ba falua baeha! 34 Niha si so fa'aboto ba dödö ba niha satua-tua, samondrongo khögu, ba lamane khögu: 35 'Ba huhuo Yobi andrö, ba lö fa'aboto ba dödö, ba si lö mutimba tödö niŵa'önia andrö.' 36 Ena'ö na tetandraigö Yobi, irugi ba wondrege, ba wamadaönia andrö, famadaö zi so horö! 37 Inönö sa'ae horönia olalöŵa; mango'aya ia, ba khöda andre, ba mangöhöna famadaö khö Lowalangi.
Famotokhi ba gahe[edit | edit source]
- ↑ Faigi 12:11
- ↑ Faigi 13:18; 27:2
- ↑ Faigi 15:16
- ↑ Sin 1:1
- ↑ Faigi 22:2 b.t.
- ↑ MozV 32:4; Nga'ötII 19:7; Rom 9:14
- ↑ Sin 62:13; Yer 32:19; Mat 16:27; KorII 5:10; Kol 3:25; FetI 1:17
- ↑ Sin 104:29; Sangomb 12:7
- ↑ MozI 18:25; Faigi 8:3
- ↑ MozV 10:17; Faigi 34:27
- ↑ Nga'ötII 16:9
- ↑ Sin 139:12
- ↑ Yes 50:9; Rom 8:34
- ↑ Ngenu 3:27
Fabaliŵa lala[edit source]
Olayama Yobi: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40 • 41 • 42
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö