Wb/nia/Yobi/23
I. Fanedema Yobi ena'ö i'ila ibu'a ba hulunia khö Lowalangi[edit | edit source]
1 Ba itema linia Yobi, imane: 2 "Irege ma'ökhö andre fatandro wege-egegu, abua wa'atohare dangania ba wangarö-ngarögu. 3 Ena'ö na u'ila, heza usöndra ia, ena'ö na ukhamö dadaomania andrö! 4 Ba ufarongogö khönia huhuogu andrö, ba uhöna wanutunö ngamohi. 5 Omasido u'ila hadia niŵa'önia wanema ligu, ba omasido urongo hadia linia khögu. 6 Hadia fasoso maö ia khögu ba wa'afahöna wa'abölönia? Tenga; ha ifondrongondrongo khögu.[1] 7 Ba fabu'abu'a sa'ae khönia zadölö tödö, ba u'osamuzaigö wangefa'ö ya'odo ba zanguhuku ya'o.
II. Ba lö i'oroma'ö ia khönia Lowalangi, he ŵa'ae no i'ila, wa si lö horö ia[edit | edit source]
8 Ba hiza — na usaŵa gatumbukha luo, ba lö ya'ia, ba na möido tanö ba gaekhula, ba lö oroma ia khögu. 9 Yöu ilau nilaunia, ba lö u'ila ia, ba ihole'ö ia miraya, ba lö anehedo ia. 10 Noa sa'ae i'ila gangosisilagu mege; na itandraigö ndra'odo ena'ö, ba timba mbalaki wa'oromagu. 11 Lö saefa gahegu ba lahenia, lala khönia ni'osisigu, lö nihole'ögu ya'odo. 12 Amakhoitania andrö, nibe'enia, ba lö misawögu, ba barö dotogu u'irö'ö daroma linia niŵa'önia.[2] 13 Ba ya'ia, ba si manö-manö — ha niha zanenaŵa ya'ia? Sedöna dödönia, ba ifalua.[3] 14 I'o'ozui sa'ae nihonogöi khögu, wa'oya na ba dödönia si manö. 15 Andrö wa tokea ndra'odo, na ifaigido; na ufatou-tou, ba manizi-nizido khönia.[4] 16 Noa sa atalö dödögu, ibe'e Lowalangi; sata'u ndra'o ibe'e Si lö ambö fa'abölö. 17 Tenga sa ba wamakao andrö mbörö, wa hulö zi no afufu ndra'o, ba tenga ba khögu andre, sambua ya'o, si no tehawu fa'ogömigomi."[5]
Famotokhi ba gahe[edit | edit source]
Fabaliŵa lala[edit source]
Olayama Yobi: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40 • 41 • 42
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö