Wb/nia/Yobi/22
I. Si lö sökhi Yobi, iŵa'ö, oya horönia
[edit | edit source]1 Ba itema li Yobi Elifasi andrö, banua Dema, imane: 2 "Hadia, khö Lowalangi moguna wolau niha? Tenga sa khönia, sambua ya'ia, moguna nilau zatua-tua.[1] 3 Hadia, Si lö ambö fa'abölö zohare, na satulö tödö ndra'ugö? hadia, harenia, na lö sinegu khöu ba nitörömö andrö? 4 Hadia, i'otu'ö wangata'ufiu Lowalangi? da'ö mbörö, wa i'ohe ba huku ndra'ugö? 5 Hadia, lö ebua zi lö sökhi andrö khöu, ba tenga no si lö aetu lalöu? 6 Noa sa öhalö gade nibaya-baya dalifusöu, lö börö-börö, ba no öhalö gama-gama zi lö balu-balu.[2] 7 Lö nifabadugöu idanö ba zi mate owökhi dödö, ba lö nibe'eu ö ba zolofo.[3] 8 Niha sabölö zokhö tanö, ba salaŵa sotöi zi onahia. 9 Si no mate ira matua, ba öfofanö lö ni'odöra, ba nirasa da'io zi lö ama, si lö ina. 10 Andrö wa no tefasui ndra'ugö fesu, ba ikeani ndra'ugö ameta'u'ö, lö mudöna-döna. 11 Ma lö ö'ila wa'ogömi-gömi, awö molö andrö, si nönöi ya'ugö?
II. Idaö'ö-daö'ö khönia wönu Lowalangi
[edit | edit source]12 Hadia, tenga fa'alaŵa mbanua si yaŵa wa'alaŵa yaŵa Lowalangi? Faigi wondrege ndröfi andrö, ha wa'alaŵa yaŵa? 13 Ba ömane na sa: 'Hadia ni'ila Lowalangi? Hadia, molala wanguhukunia, ba lawuo sogömi-gömi?[4] 14 Ba'a-ba'a khönia lawuo, fa lö i'ila hadia ia, ba ba dete mbanua yaŵa manörö-nörö ia.' 15 Hadia, ötörö lala ba götö föna, nitörö niha sanaonao horö? 16 ya'ira andrö, nira'u, me tenga inötö na, sahele dayadaya, timba nidanö?[5] 17 Sanguma'ö khö Lowalangi: 'Böi hatö'ögö khöma!' ba hadia nilau Zi lö ambö fa'abölö khöra ena'ö?[6] 18 Ba noa zui ihöna howu-howu baomo khöra — ya aröu khögu dödö zebua horö andrö![7] 19 La'ila satulö tödö, ba omuso dödöra, ba i'o'aya ira si lö horö [imane]: 20 'Si ndruhu, no muhori nuduma, ba si tosai khöra ba no i'a alitö!'
III. Yamufalalini gera-erania, ba ifuli isöndra wa'ohahau dödö
[edit | edit source]21 Lau fahuwu khönia, fa ohahau dödöu, fama'ema howu-howu khöu. 22 Töngöni lala, ba niŵa'önia andrö, ba tanö ba dödöu daroma linia. 23 Na öfuli'ö khö Zi lö ambö fa'abölö, na ö'ide-ide'ö ndra'ugö, na öheta baose khöu zi lö atulö, na ö'aröu'ö[8] — 24 tema tibo'ö ba danö lele garamba andrö, ba orudugö ba nene ba mbombo mbalaki! — 25 ba tobali ana'au Zi lö ambö fa'abölö, ba firöu, safusi sibai. 26 Owua-wua sa dania dödöu Zi lö ambö fa'abölö andrö, ba öfaöga mbawau khö Lowalangi. 27 Na ö'angaröfi li ia, ba ifondrondrongo khöu, ba öbu'a gamabu'ula limö andrö.[9] 28 Na ölau hadia ia, ba mofozu, ba mohaga döröŵau andrö. 29 Na mitou isaŵa, ba ömane: Ohe yaŵa! ba itolo zi köwö ya'ia,[10] 30 I'orifi zi tenga si lö horö, te'orifi me lö hadia ia zi falemba ba dangau."
Famotokhi ba gahe
[edit | edit source]Fabaliŵa lala
[edit source]Olayama Yobi: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40 • 41 • 42
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö