Wb/nia/Yobi/32

I. Hana wa lö hede-hedenia irege da'e

1 Ba me lö'ö sa'ae lademadema li Yobi si datölu andrö, me ibu'abu'a manö ba hulunia, 2 ba mofönu Gelihu andrö, ono Mbarakheli, banua Mbusi, ma'uwu Rami. Khö Yobi mofönu ia, me no si fabu'abu'a khö Lowalangi. 3 Ba ba zi datölu, si fahuwu khönia, mofönu ia, me lö lasöndra wanedema li, ba wamaduhu'ö sala Yobi. 4 Ba no ibazebase'ö Elihu, ba wolau huhuonia khö Yobi, me no si a'a ira moroi khönia. 5 Ba me i'ila Elihu, lö fanedema li sa'ae ba zi datölu, ba tesao wönunia. 6 Ba humede Gelihu andrö, ono Mbarakheli, banua Mbusi, imane: "Iraono na ndra'o, ba satua ami, ba no alaŵölaŵödo, si ba'a-ba'aö ndra'o, ba wangombakha khömi wangilagu. 7 No umane dödögu: Akha fahuhuo zatua, yamufahaö ita ba wa'atua-tua si no ara ba guli danö! 8 Ba eheha andrö, si so barö doto niha ba hanu-hanu Zi lö ambö fa'abölö, da'ö zama'ema khöra fa'aboto ba dödö. 9 Tenga sa si no ara ba guli danö wondrege zatua-tua, ba tenga si no satua zangila hadia zatulö. 10 Andrö uŵa'ö: Fondrongondrongo khögu; da'utunö göi zaboto ba dödögu.

II. Terou dödönia fahuhuo me tebai sa'ae ladedema li Yobi si datölu andrö

11 Hiza, no ubazebaze'ö huhuomi, no ufondrongondrongo wamahaömi, irege misöndra ena'ö zi ndruhu famu'a. 12 Noa sa utöngötöngöni khömi, ba hiza, ba samösa lö ba khömi sangila mamu'a niŵa'ö Yobi, lö sangila manedema huhuonia. 13 Böi miwa'ö: 'No falukhaga wa'atua-tua; ha Lowalangi zangila molaŵa ya'ia, tenga niha!' 14 Khögu, ba lö si fabu'a ia; ba lö ugo'ögo'ö niŵa'ömi, wanema linia. 15 No tobali dödöra, lö fanema li sa'ae; lö lili sa'ae, no aetu. 16 Ba hadia, ubazebaze'ö, me lö hede-hedera, me so manö ba da'ö, ba lö'ö sa'ae fanema li? 17 Da'udemadema göi, ndrohundruhu khögu, utunö göi hadia ni'ilagu. 18 Noa sa afönu ndra'o huhuo, i'o'udo tödögu, barö dotogu. 19 Hiza, hulö duo so'otu'otu, si lö lala, bakha dödögu; mamoka dania, si mane nahia si bohou mufo'ösi. 20 Edönado fahuhuo, ena'ö molala dödögu; humede ndra'o, ba wamu'a. 21 Lö u'ebua'ö dödögu zambuana; lö u'alösöigö lelagu ba niha, ha niha ia. 22 Lö'ö sa to'ölödo ba wa'alösö lela; lö ara ena'ö, ba i'etu'ö nosogu somböi ya'o."

Famotokhi ba gahe

Fabaliŵa lala

Olayama Yobi: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40 • 41 • 42

Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö