Wb/nia/Yobi/24
I. Folau-lau zebua horö
[edit | edit source]1 "Hana wa lö ihonogöi ginötö [wanguhuku] Si lö ambö fa'abölö, ba hana wa lö la'ila mbaŵa andrö khönia si lö faröi khönia? 2 Lawu'ai nola [niha si lö sökhi], larabu gurifö ba lakubaloi.[1] 3 La'oloi'ö kudo zi lö ama si lö ina, ba lahalö gade zaŵi lakha mbanua. 4 Latimba zi numana, ba lala: samini'ö ya'ira dozi sebua famakao ba danö. 5 Hiza, hulö göröbao ndru'u ba danö si mate we'amöira ba halöŵöra, mangalui gö; ba danö si mate lasöndra gö nonora.[2] 6 Ba nowi latataba gö gurifö, ba ba kabu zebua horö la'ozaragö wo'uwo'u. 7 Mörö manö lö balu-balu, lö nukha ba lö ambala ba wa'oafu. 8 Oi hambunö ira, ba deu ba hili, ba la'olembai gara ba hili, lö ose. — 9 Larabu zi lö ama, ba mbagi zusu nina, ba lahalö gade nibaya-baya zebua famakao. 10 Mowaö-waö manö lö balu-balu, lö nukha, ba olofo, wangohu basitö. 11 Barö göli [khö zokhö ya'ira] lalazi wanikha, lahundragö wolazi nagu, ba sowökhi tödö ira. 12 Moroi ba mbanua misa terongo wangarö-ngarö zi mate, mu'ira-ira ni'ö'ötö, ba i'osilömilagö zi lö atulö andrö Lowalangi. 13 Ba so ösa, ba zi fatuwu haga; lala andrö khönia, ba lö la'ila, lö latörö zinörö andrö khönia. 14 Na ogömi-gömi na ifazaŵa ia sange'e, ibubunu zebua famakao ba si numana, ba ba zi bongi, ba amaedola zanagö ia. 15 Ba si möi mohorö, ba ibase'ö wa'abongi, imane dödönia: 'Lö sangila ya'odo', ba ifobalu-balu mbawania.[3] 16 Ba zi bongi manöi yomo, ba ba zi ma'ökhö, ba labini'ö ira, lö omasi ira haga. 17 Khöra fefu, ba no timba dalu mbongi wa'amoluo, ba gameta'uö ba zi bongi, ba no to'ölö ira.
II. Lua-lua horö
[edit | edit source]18 Hulö zihombo ba guli nasi ia; ni'elifi dana khöra tanö; lö'ö sa'ae itörö lala ba kabu nagu.[4] 19 Na lökhö ba na aukhu zino, ba ogo'ö daŵa deu, ba si manö wemanga mbanua tou si no mamazökhi horö. 20 Olifu ninania ia, inania sadono ya'ia: kukuö zi manga-manga ya'ia; lö'ö sa'ae itörö tödö niha bö'ö ia, ba hulö wa'afatö geu wa'afatö wanao horö andrö. 21 Ya'ia andrö, si anagöi si lö ono, ba si lö irai manolo si no mate ira matua. 22 Ba itolo zi faitoisi awönia, fa'abölönia andrö; ifuli abe'e zi manö, na noa sa'ae idöna-döna wa'amate. 23 Ifa'ema khönia wa lö hadia ia, ba te'abe'e'ö ia, ba ihörö-hörögö lalara. 24 No alaŵa yaŵa ira — ba lö arara, ba lö ya'ira sa'ae; sahöndrö ira — nitutuyu, si mane tanö bö'ö fefu, nitataba, si mane ngalai wakhe. 25 Ba na tenga si manö, ba ha niha zanguma'ö solau faya ndra'o; ha niha zame'e si lö boto niŵa'ögu?"
Famotokhi ba gahe
[edit | edit source]Fabaliŵa lala
[edit source]Olayama Yobi: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40 • 41 • 42
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö