Wb/nia/Yobi/40

I. Itehe zalania Yobi

1 Ba humede na Yehowa khö Yobi, imane: 2 "Hadia, ifasosoni Zi lö ambö fa'abölö si fadegu-degu andrö? Yamutema li sangadugö Lowalangi andrö!" 3 Ba itema li Yehowa Yobi, imane: 4 "Hiza, no abölö ide-ide ndra'odo; hadia niŵa'ögu wanema liu? U'okhö mbawagu. 5 No samuza muhede ndra'o, ba lö ufuli uŵa'ö zamuza tö; lö hede-hedegu sa'ae!"

II. Lowalangi si lö ambö fa'abölö, ba no a'oi so wa'atulö göi

6 Ba itema li Yobi Yehowa, moroi ba nangi sabölö, imane: 7 "Labu, amöbö talu, si mane ira matua: Da'uzofu-zofu khöu, ba ya'ugö zangombakha khögu: 8 Hadia, si lö boto öbe'e zatulö andrö khögu, ö'etu'ö hukugu, ena'ö lala khöu? 9 Hadia no si mane ta'io Lowalangi da'iomö? ba hadia, mu'ugu-ugu maö limö, si mane linia? 10 Ba angehao, fa'ahelanö ba fa'ebua; onukha lakhömi ba fa'asalaŵa! 11 Alakha falawu wönumö, ba tuli'ö tou zi fayaŵa fefu, ha fanöngöu ya'ira. 12 Hana na ha famaigiu ya'ira wangöhöndrögö zi fayaŵa andrö, ba timba tou zebua horö. 13 Balugö gawu-gawu ira fefu, balugö ba zi tobini mbawara. 14 Ba ya'o göi zanuno ya'ugö, wa i'orifi'ö tangau kambölö!

III. Amuata mbehemoti andrö

15 Faigi ato mbehemoti andrö, niwöwöigu ba ngaimö: i'a ndru'u si mane öröbao! 16 Faigi ato wa'abölönia ba löwi-löwinia ba fa'abe'enia ba nuo dalunia andrö. 17 I'oro'ö gi'onia timba döla geresi; no abe'e wa'afafali nuo ba wahania. 18 Tölania, ba no timba koro töla garamba; no timba gukhu zi'öli dölania andrö. 19 Da'ö zi a'a niwöwöi Lowalangi; somböi ya'ia, ba no i'oro'ö khönia wöda. 20 Ba hili sa so gönia, ba zi famaimai utu ndru'u fefu. 21 Barö zukhu mörö-mörö ia ba mbini-mbini barö honu ba dambu. 22 Ibalugö ia sukhu, lumö khönia, te'u'u ia daha ge'oyo ba mbewe nidanö. 23 Na molö, ba lö ata'u ia, sahono-hono manö ia, he sara Yoridano zanaŵa bawania. 24 Ba tema ra'u ia ba zanehe ia, ba ena'ö na latema latögi nikhunia si'öli!

IV. Amuata mbuaya

25 Hadia, ö'ila ögaini mbuaya, ba ö'ila öfesu lelania sinali gai? 26 Hadia, ö'ila öfatörö ba nikhunia zilai, ba ö'ila ötögi mbo'önia khai-khai? 27 Hadia, ihöna maö wangalulu khöu? hadia ihaogö-haogö wehede khöu? 28 Hadia, fawu'u li ia khöu, fa öhalö sawuyumö ia, si lö mamalö-malö? 29 Hadia, famaimai ndra'ugö khönia, si mane ba nono wofo? ba hadia, ö'ila öfesu ia, aya nonou alawe? 30 Hadia, lafatö mbölinia khö nawöra sangai-ngai i'a, ba lafaosa ba zaniaga? 31 Hadia, ö'ila öfahöfahö gulinia? ba hadia, manga maö ba högönia watebusa? 32 Tema babaya ia — ba törö-törö tödöu, he wisa wasöndrata andrö! lö'ö sa'ae öfuli ölau.

Famotokhi ba gahe

Fabaliŵa lala

Olayama Yobi: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40 • 41 • 42

Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö