Jump to content

Wb/nia/Yobi/4

From Wikimedia Incubator
< Wb‎ | nia‎ | Yobi
Wb > nia > Yobi > 4

I. Tebai tetiko zatulö tödö

[edit | edit source]

1 Ba itema li Yobi Elifasi, banua Dema, imane: 2 "Ma dania abua khöu, na taŵa'ö ma'ifu khöu niŵa'öda; ba ha niha zangila momba'a taroma linia? 3 Hiza, no ato nifolalamö tödö, ba no öfuli ö'abe'e-be'e'ö danga si no adada. 4 Ha niha zalau mena'ö, ba no taroma liu zangabe'e, ba no ö'abölö'ö gahe si no mangiwa. 5 Ba iada'e, me ya'ugö zi göna, ba abu dödöu; me itörö ndra'ugö, ba tokea'ö. 6 Hadia, tenga fangabe'e dödöu wangata'ufiu Lowalangi, ba tenga tötönaföu wa'atulömö andrö? 7 Era-era tödöu, na no irai falukha zi tekiko, si lö horö; hadia, no irai tehori zatulö tödö? 8 Ndrege ni'ilagu, ba samaku si lö sökhi ba sanaru famakao, da'ö göi zamasi ya'ia.[1] 9 Ihehaini ira Lowalangi, ba tekiko ira, ba hanu-hanu wönunia andrö ariri. 10 Fendröndrö-ndröndrö zingo ba li harimo — ba ifö nono zingo, ba no mufatö. 11 Mowaö-waö manö zingo, si lö boto, me no ambö ahulua — ba ono zingo, ba muzaewe.

II. Ba samösa lö niha satulö föna Lowalangi

[edit | edit source]

12 Ba no urongo daroma li, si lö abölö-bölö; möi ba dögi dalingagu wangöngö-ngöngösa. 13 Na ifakoli ia era-era ba gangilata ba zi bongi, na ihawui niha femörö sabe'e. 14 No ihawuido fanizi-nizi ba fogikhi, manizi-nizi dölagu fefu. 15 Itörödo angi ba mutaro mbörö bu ba nösigu. 16 Ba so ia fönagu — khala-khala mbawania, ba lö u'ila — famaedo niha ba duduma hörögu; ba urongo wangöngö-ngöngösa, imane: 17 'Hadia, so maö niha, satulö föna Lowalangi, hadia, so zamösa, si no ohau-hau föna zomböi ya'ia?'[2] 18 Hiza, ba genoninia andrö aombö dödönia ba ba mala'ika andrö khönia so wa'elungu iŵa'ö.[3] 19 Ba tenga mendrua manö ba zi so ba nose la'uri, si otarai gawu-gawu tou wamobörö, safufu na itörö hama.[4] 20 Lö ikhamö ma'ökhö, ba arasa, tekiko ira lö fangorifi sa'ae, ba lö same'e ba dödö. 21 Na aetu zinali ba nosera andrö [nosora] ba mate manö ira, ba wa'ambö tödö andrö.

Famotokhi ba gahe

[edit | edit source]
  1. Amaed 1:31; 22:8; Hez 10:13; Gal 6:8
  2. Sin 143:2; Rom 3:10
  3. Faigi 15:15
  4. KorII 5:1

Fabaliŵa lala

[edit source]

Olayama Yobi: 123456789101112131415161718192021222324252627282930313233343536373839404142

Amabu'ulali Siföföna: Moze IMoze IIMoze IIIMoze IVMoze VYosuaSanguhukuRutiSamueli ISamueli IIRazo IRazo IINga'ötö INga'ötö IIEseraNehemiaEsiteraYobiSinunöAmaedola ZelomoSangombakhaSinunö SebuaYesayaYeremiaNgenu-Ngenu YeremiaHezekieliDanieliHoseaYoeliAmosiObadiaYonaMikhaNakhumiHabakukiSefaniaHagaiSakhariaMaleakhi

Bale zato: OlayamaAngombakhataBawagöli zatoMonganga afoNahia wamakoriNga'örö spesialNgawalö wanoloSafuria tebulöSanandrösaSangai halöŵö