Wb/nia/Yobi/41

Amuata mbuaya

1 Hiza, no tobali faya nidöna-dönania andrö; ha i'ila, ba tegaölö tou ia. 2 Samösa lö si lö ata'u isuko, — ba ha niha zangila molaŵa ya'odo? 3 Ha niha zi no mame'e khögu hadia ia mege, nisulönigu ena'ö? Fefu hadia ia zi so ba guli danö, ba no khögu. 4 Tebai zi lö utunö ndroto-ndrotonia andrö, ba fa'abölönia ba fa'asökhi wangaronia andrö. 5 Ha niha zi no mamahoi barunia, ba ha ha niha zombambaya ifönia andrö si dua ngenoli? 6 Ha niha zi no mamokai bawandruhö mbawania, si dua görö lagö andrö? Ifönia andrö fasui, ba no sata'u ita! 7 Famoadu hunahunania sabe'e andrö, si no mulau fangaro, ba wamatöfa. 8 No te'oli manö, lö itörö oho gatalua. 9 Oi fatöfa, faduhö manö, tebai fawöhöi. 10 Bahönia, ba sihaga, ba hörönia, ba no hulö mbu hörö wa'amoluo. 11 I'otarai mbawania sulu, bo galitö moroi bakha. 12 Zauzau zalua ba dögi nikhunia, hulö si mane ba mbowoa nidanö so'otu ba galitö. 13 Hanu-hanunia andrö, ba ifohola mbo galitö, hola-hola galitö zalua ba mbawania. 14 Ba mbaginia so wa'abölö andrö, ba molaya fönania wa'ata'u. 15 Tebai faefa mbu'u mbotonia, no timba nifahele, tebai mangiwa. 16 Tödönia, ba no sabe'e, hulö gara, fa'abe'e gara gisa wakhe tanö tou. 17 Na ifazaŵa ia, ba ata'u zabölö, tokea ba fawuka dödö. 18 Na lalau khönia zi'öli, ba lö i'a, ba he toho, ba he ono wana, ba he fatebusa. 19 Töla wakhe zi'öli wamaiginia; ba eu si no le'afö döla garamba. 20 Tenga fanaboinia nono wana, ba kara riboribo, ba no timba ndrami wakhe khönia. 21 Töla wakhe mbago gama wamaiginia, ba ma'iki ia ba wehöngö doho. 22 Barönia, ba no hulö gabotola zörömi; molade wamöbörö wakhe ba dambu. 23 Mo'otu'otu namö ibe'e, hulö mbowoa bawu, ba ibali'ö balanga fondrino dalu-dalu nidanö sebua. 24 Humaga lahenia furinia, hulö huwa hohou taŵa'ö. 25 Lö ba guli danö si falaŵa khönia, ya'ia andrö, niwöwöi ba wa böi manö ata'u. 26 Fefu wa'asalaŵa, ba i'ositengagö; no razo zebua fayaŵasa ia."

Famotokhi ba gahe

Fabaliŵa lala

Olayama Yobi: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40 • 41 • 42

Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö