Wb/nia/Yobi/37
I. Ifa'ele'ö na walö'ambö fa'abölö khö Lowalangi
[edit | edit source]1 "Si ndruhu, ba da'ö tobali dödögu ba tokea ba nahania andrö. 2 Mifondrondrongo! Mifondrondrongo wendröndröndröndrö linia andrö, ugu-ugu andrö, si otarai mbawania![1] 3 Barö mbanua ma'afefu i'efa'ö, awö haga andrö khönia, irugi wondrege danö. 4 Moroi furinia mundröndröndröndrö; mu'ugu-ugu linia andrö, li zalaŵa, lö itaha gari mbanua andrö, na terongo linia.[2] 5 Ife'ugu-ugu linia Lowalangi, sahöli-höli dödöda, wolau sebua andrö, si tebai aboto ba dödöda. 6 Imane sa'ae ba deu si baku andrö: Torugö'ö ba danö! ba si manö ba deu laöhö andrö, ba deu sabölö-bölö sibai.[3] 7 Ifotandro danga niha fefu, ena'ö aboto ba dödö niha fefu wolaunia andrö. 8 Ba labini'ö ira utu ndru'u, ahono ba nahara. 9 Ba mbate'enia i'otarai angi sabölö, ba moroi ba nangi moroi yöu wa'oafu.[4] 10 Ba hanu-hanu Lowalangi abe'e nidanö ba tobali tofera wa'ebolo nidanö. 11 Ifonoro teu lawuo, ibologö misa lawuo andrö khönia, sihaga. 12 Ba itörö misa, fasui, nifatörönia ba wamalua fefu niŵa'önia khönia; 13 so, ba fotu, na moguna ba guli danönia andrö, ba so, ba howu-howu zalua khönia, ibe'e.
II. Ifarou Yobi ba wanöngöni sahöli-höli nifazökhi Lowalangi
[edit | edit source]14 Da'ö be'e ba dödöu, ya'ugö Yobi: Badugö'ö, ba töngöni zahöli-höli dödö andrö khö Lowalangi! 15 Hadia, aboto ba dödöu, na ibe'e goroisa Lowalangi, ba na ifohaga lawuo andrö khönia? 16 Hadia, aboto ba dödöu wanahanahae lawuo andrö, sahöli-höli dödö andrö, khö zi no ahori so fa'aboto ba dödö? 17 Ya'ugö andrö, saukhu nukha, na aukhu'aukhu danö, na angi moroi raya. 18 Hadia, no awönia ndra'ugö wamologö banua si yaŵa, si no abe'e, hulö zörömi nifahele? 19 Ombakha'ö khöma, hadia niŵa'öma khönia! — Lö ma'ila maŵa'ö hadia ia, ba wa'ogömi-gömi [dödöma]. 20 Hadia, tefarongogö khönia, wa muhede ndra'o? ma hadia, no irai i'andrö niha, tefufu ia? 21 Iada'e sa, ba lö oroma khöda haga luo, sihaga sibai ba gero lawuo, ba itörö angi, ifahoi. 22 Moroi yöu i'otarai balaki, ba no tefasui Lowalangi lakhömi sihokha mbuda. 23 Si lö ambö fa'abölö andrö, ba lö takhamö, ya'ia andrö, si no fahöna fa'abölö; ba sadölö lala ba si no a'oi so fa'atulö, ba lö ibila'ö. 24 Andrö la'ata'ufi ia niha, ba si no atua-tuafö, ba lö ba dödönia."[5]
Famotokhi ba gahe
[edit | edit source]Fabaliŵa lala
[edit source]Olayama Yobi: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40 • 41 • 42
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö